Yohanɛɛsɩ 15:4 - New Testament

⁴ Pʋwɛɛ se ma nɛ mɩ ɖɩkpɛndɩ ɖama ḿbʋ́ nɛ ɖɩwɛɛ tam. Yee piliŋa ɛwɛɛ nɛ kɛfɛyɩ tɩʋ yɔɔ yɔ, kaapɩzɩɣ kalʋlɩ. Ḿbʋ́ ɖɔɖɔ pʋwɛnɩ-mɩ, yee ɩtɛkpɛndɩ mɔ-yɔɔ ḿbʋ́ tam yɔ, ɩɩpɩzɩɣ ɩwɛnɩ wazaɣ.

Yohanɛɛsɩ 15:4 ပူးပေါင်းရင်းမြစ်များ

Maatiyee 12:33

Yesu tasɩ-wɛ heyuu se: «Yee tɩʋ ɛkɛ kɩbaŋgʋ yɔ, kʋlʋlʋʋ pee kɩbana. Yee kɩkɛ ɛzaɣ́ʋ yɔ, kʋlʋlʋʋ pee azaɣ́a: pasɩŋ paa tɩʋ ŋgʋ́ nɛ ki-pee.

Luka 8:15

Lɛlaa ñɛwɛ ɛzɩ tɛtʋ kɩbandʋ ndʋ́ tɩ-taa pee tɔlaa yɔ. Pewelesiɣ Ɛsɔtɔm nɛ hɔyɛ kɩbanɖɛ nɛ pamʋ-tʋ nesi naalɛ nɛ pañaɣ pana pɔɖɔ tɩ-yɔɔ nɛ tɩwɛɛ-wɛ kɛzɛɣa.»

Yohanɛɛsɩ 14:20

Puwiye ńɖɩ́ ɩtɩlɩɣ se ma nɛ man-Caa ɖɩwɛ ɖama taa nɛ ma nɛ mɩ ɖɩwɛɛ ɖama taa ɖɔɖɔ.

Yohanɛɛsɩ 17:23

Ḿbʋ́ ma nɛ wɛ ɖɩwɛɣ ɖama taa nɛ ma nɛ ŋ ɖɩwɛɛ ɖama taa. Mentendiɣ-ŋ se ŋyele nɛ pala nɔɔ kʋɖʋmaɣ siŋŋ nɛ kedeŋa ñɩma tɩlɩ se ñetiyini-m. Đɔɖɔ lɛ, ŋsɔɔlɩ-wɛ ɛzɩ ŋsɔɔlʋʋ-m yɔ.

Yohanɛɛsɩ 6:56

Weyi ɛtɔkɩ mon-tomnaɣ nɛ ɛñɔɔ man-calɩm yɔ, ma nɛ ɩ ɖɩwɛ ɖama taa.

Yohanɛɛsɩ 8:31

Peeɖe Yesu heyi Yuda ñɩma mbá pɛwɛnɩ lidaʋ ɛ-yɔɔ yɔ se: «Yee ɩwɛɛ ɩɖɔŋ mɔn-tɔm yɔɔ yɔ, ɩkɛɣ mɔn-tɔmkpɛlɩkɩyaa siŋŋ.

Tʋma Labʋ 11:23

Ɛtalaa lɛ, ɛna ɛzɩma mbʋ́ Ɛsɔ labɩ lootiye mbá pɛwɛnɩ lidaʋ Krɩstʋ yɔɔ yɔ nɛ ɛ-taa hʋlʋmɩ nɛ ɛsazɩ patɩŋa payɩ se pɔ́ɖɔ́kɩ Kɩpaɣlʋ nɛ laŋɩyɛ kʋɖʋmɖɩyɛ kpam.

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

2 Kɔrɛntɩ 13:5

Mɩ-maɣmaɣ ɩtakɩ mɩ-taa nɛ ɩna se ɩwɛ lidaʋ nʋmɔʋ taa yaa we? Ɩtatɩlɩ se mɩ nɛ Yesu Krɩstʋ ɩkpɛndaa yaa we? Yee ɩnawa se ɩfɛyɩnɩ lidaʋ ɛ-yɔɔ lɛ, ḿbʋ́ lɛ.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Efɛɛzɩ 3:17

Ḿbʋ́ yekina nɛ pɩtɩŋnɩ lidaʋ ŋgʋ́ ɩwɛna yɔ kʋ-yɔɔ nɛ Krɩstʋ wɛɛ mɩ-laŋa taa nɛ ɩtɛzɩ pɩʋ sɔɔlɩm taa siŋŋ.

Filiipu 1:11

nɛ ɛ-lakasɩ kʋtʋʋzasɩ tɛzɩ ɖɔʋ mɩ-taa nɛ siyele pasa Ɛsɔ nɛ paɖʋ-ɩ hɩɖɛ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

Koloosi 2:6

Pʋ-yɔɔ lɛ, ɖenɖe itisaa se Krɩstʋ Yesu lɛ Kɩpaɣlʋ yɔ, ɩcaɣ wezuu mɩ nɛ ɩ mɩ-kpɛndʋʋ taa.

1 Tesalooniki 3:5

Me-liu wɛ ḿbʋ́ kpem nɛ pɩɩsaŋ lɛ, mɛntɛzɩ tiyuu Timootee se ɛkɔɔ nɛ mana se ɩwɛnɩ lidaʋ mbʋ́? Mbʋ́ pʋyɔɔ yɔ, sɔɔndʋ kpaɣaɣ-m se takɩyʋ ɛtaakɔɔ ɛtakɩ-mɩ nɛ tʋmɩyɛ nɖɩ́ ɖɩlaba yɔ, ɖɩpɩsɩ falaa ñɩnɖɛ.

Ebree 10:39

Đa lɛ, ɖɩfɛyɩ mbá papɩsɩɣnɩ pa-tɩ nɛ wayɩ se pele yɔ pa-taa. Ɛlɛ́, ɖɩwɛnɩ lidaʋ Ɛsɔ yɔɔ se ɖa-ciyamnaa ehiɣ ñʋʋ yabʋ.

1 Yohanɛɛsɩ 2:6

weyi ɛkaɖɩɣ kpayɩ se ɛ nɛ Ɛsɔ pɛkpɛndaa yɔ, pʋwɛɛ se pʋdʋ ɛcaɣ wezuu ɛzɩ Yesu Krɩstʋ caɣʋ yɔ.

2 Yohanɛɛsɩ 1:9

Ɩtɩlɩ camɩyɛ se weyi ɛɖɛlɛsɩɣ niye nɛ ɛɛwɩlɩɣ Krɩstʋ tɔm tɩ-nasɩ taa yɔ, Ɛsɔ fɛyɩ ɛ-cɔlɔ. Weyi ɛ́lɛ́ wɩlɩɣ-tʋ tɩ-nasɩ taa yɔ, Ɛsɔ nɛ ɛ-Pɩyalʋ pɛwɛ ɛ-cɔlɔ.