Yohanɛɛsɩ 15:1 - New Testament

¹ Yesu tasɩ yɔɔdʋʋ se: «Ma lɛ tɩʋ ŋgʋ́ popuu ki-pee sʋlʋm yɔ kɩ-maɣmaɣ nɛ man-Caa lɛ kʋ-tʋ.

Yohanɛɛsɩ 15:1 ပူးပေါင်းရင်းမြစ်များ

Maatiyee 15:13

Ecosi-wɛ se: «Tɩʋ ŋgʋ́ man-Caa weyi ɛwɛ ɛsɔdaa yɔ, ɛtɔsɔ-kʋ yɔ, pɔkɔŋ-kʋ kpɛzʋʋ.

Maatiyee 20:1

Yesu heyi-wɛ ɖɔɖɔ se: «Pʋ-yɔɔ lɛ, ɩɩnaɣ mbʋ́ Ɛsɔ Kewiyaɣ nɩɣzɩnaa yɔ: ñɩm tʋ nɔɔyʋ lɩnɩ tanaŋ nakʋyʋ cu nɛ ɛmʋ tʋmlaɖaa nabɛyɛ se palabɩ-ɩ tʋmɩyɛ ɛ-tɩŋ weyi popuu i-pee sʋlʋm yɔ ɩ-hayɩm taa.

Maatiyee 21:33

Yesu tasɩ yɔɔdʋʋ se: «Iwelesi eduuye lɛɛɖɛ: ñɩm tʋ nɔɔyʋ wɛnɩ ḿbʋ́ nɛ ɛsɔ tɩŋ weyi popuu i-pee sʋlʋm yɔ. Pʋwayɩ lɛ, ɛma koloŋa nɛ ɛcɔzɩ nɛ ɛla ɖenɖe ɛɛñazɩɣ a-lɩm yɔ. Ɛma ɖɔɖɔ tilimiye nɖɩ́ ɖɩ-yɔɔ pasɩŋɩɣ nɛ pefeŋiɣ yɔ. Ɛtɛma lɛ, ɛkpaɣ ɛyáa se pɔcɔŋnɩ tɩŋ ɩnʋ ɩ-yɔɔ nɛ ɛɖɛɛ nʋmɔʋ.

Maarkɩ 12:1

Pʋwayɩ lɛ, Yesu pazɩ-wɛ tuuu eduuye se: «Abalʋ nɔɔyʋ wɛnɩ ḿbʋ́ nɛ ɛsɔ tɩŋ weyi popuu i-pee sʋlʋm yɔ. Pʋwayɩ lɛ, ɛma koloŋa nɛ ɛcɔzɩ nɛ ɛla ɖenɖe ɛpɩzɩɣ ɛñazɩ a-lɩm yɔ. Ɛma ɖɔɖɔ tilimiye nɖɩ́ ɖɩ-yɔɔ pasɩŋɩɣ nɛ pefeŋiɣ yɔ. Ɛtɛma lɛ, ɛkpaɣ ɛyáa se pɔcɔŋnɩ-ɩ tɩŋ ɩnʋ ɩ-yɔɔ nɛ ɛɖɛɛ nʋmɔʋ.

Luka 13:6

Pʋwayɩ lɛ, Yesu tuu-wɛ eduuye se: «Abalʋ nɔɔyʋ hayɩnɩ tɩŋ weyi popuu i-pee sʋlʋm yɔ nɛ ɛsɔ hiyuú ɩ-taa. Nakʋyʋ wiye lɛ, ewolo ki-pee koyuu. Ɛlɛ́, kɩtatɩɩlʋlɩ paa piye.

Yohanɛɛsɩ 1:17

Toovenim lɛ, Mooyiizi yɔɔ Ɛsɔ tɩŋnaa nɛ ɛɖʋ-ɖʋ paɣtʋ. Ɛlɛ́, Yesu Krɩstʋ yɔɔ ɛtɩŋnaa nɛ ɛlabɩ-ɖʋ lootiye nɛ ɛwɩlɩ-ɖʋ toovenim.

Yohanɛɛsɩ 1:9

Ńɖɩ́ lɛ ñalɩmɩyɛ siŋŋ, ɖɩkɔm kedeŋa yɔɔ se ɖɩñalɩ paa weyi ɛ-yɔɔ.

Yohanɛɛsɩ 15:2

Ɛsɛtɩɣ pilinzi nzɩ́ sɩwɛ mɔ-yɔɔ nɛ sɩɩlʋlʋʋ yɔ nɛ piyele ɛñɔɔzɩ nzɩ́ sɩlʋlʋʋ yɔ camɩyɛ nɛ sɩtɛzɩ lʋlʋʋ.

Yohanɛɛsɩ 6:32

Peeɖe Yesu cosi-wɛ se: «Toovenim lɛ, mankaɖɩɣ-mɩ se pɩtɛkɛ Mooyiizi hanɩ-mɩ tɔɔnaɣ ŋgá kalɩnɩ ɛsɔdaa yɔ. Ɛlɛ́, man-Caa haɣnɩ-mɩ tɔɔnaɣ ŋgá kalɩnɩ ɛsɔdaa yɔ ka-maɣmaɣ siŋŋ.

Yohanɛɛsɩ 6:55

Mbʋ́ pʋyɔɔ yɔ, mon-tomnaɣ lɛ tɔɔnaɣ siŋŋ nɛ man-calɩm lɛ sʋlʋm siŋŋ.

Room 11:17

Izrɛɛlɩ ñɩma wɛ ɛzɩ somuu ŋgʋ́ pɔsɔwa nɛ pɛsɛtɩ ki-pilinzi nasɩyɩ yɔ. Weyi ña ŋtɛkɛ Yuda tʋ yɔ, ŋwɛ ɛzɩ somuu ŋgʋ́ kʋñɔ tɛyɛ yɔɔ yem yɔ ki-piliŋa. Pɛsɛtɩ-kɛ nɛ pɔsɔ ŋgʋ́ pɔsɔ kʋsɔʋ yɔ ki-pilinzi nzɩ́ pɛsɛtaa yɔ si-lone taa: lɛɛlɛɛyɔ, ŋtɔkɩ ɖɔɖɔ liɖe nɖɩ́ ɖɩcalɩɣ-kʋ yɔ ɖɩ-yɔɔ.

1 Kɔrɛntɩ 3:9

Mbʋ́ pʋyɔɔ yɔ, ɖatɩŋa ɖɩkpɛndaa nɛ ɖɩlakɩ Ɛsɔ tʋmɩyɛ nɛ mɩ mɩwɛɛ ɛzɩ ɛ-hayɩm yɔ. Ɩwɛ ɖɔɖɔ ɛzɩ ɛ-ɖɩɣa yɔ.

1 Yohanɛɛsɩ 2:8

Paa ḿbʋ́, tɔm ndʋ́ mamaɣ-mɩ yɔ, tɩkɛ paɣtʋ kɩfatʋ. Mbʋ́ pʋyɔɔ yɔ, cɩkpɛndʋʋ ɖɔŋ ɖɛʋ nɛ ñalɩmɩyɛ ñapazɩ ñalʋʋ: ńɖɩ́ lɛ toovenim mbʋ́ pʋwɛ mɩ nɛ Yesu Krɩstʋ mɩ-taa yɔ.