Yohanɛɛsɩ 14:3 - New Testament

³ Mɛntɛŋ-mɩ-ɖɩ ñɔɔzʋʋ lɛ, manpɩsɩ mɔnkɔɔ mankpaɣ-mɩ nɛ ma nɛ mɩ ɖiwolo ɖenɖe mɛwɛɛ yɔ nɛ mɩ ɖɔɖɔ ɩwɛɛ peeɖe.

Yohanɛɛsɩ 14:3 ပူးပေါင်းရင်းမြစ်များ

Yohanɛɛsɩ 12:26

Yee nɔɔyʋ liu ɛwɛɛ se ɛlabɩ-m tʋmɩyɛ yɔ, ɛtɩŋ-m. Ḿbʋ́ man-tʋmlaɖʋ kɔŋ wɛʋ ɖenɖe mɛwɛɣ yɔ. Yee nɔɔyʋ ɛlakɩ-m tʋmɩyɛ yɔ, man-Caa ɖʋʋ-ɩ hɩɖɛ.»

Yohanɛɛsɩ 14:28

Meheyi-mɩ nɛ ɩnɩɩ se mowoki nɛ menkiti mɔnkɔɔ mɩ-cɔlɔ. Yee ɩɩsɔɔlɩ-m yɔ, mɩ-taa kahʋlʋmɩ alɩwaatʋ ndʋ́ ɩnɩwa se mowoki Caa cɔlɔ yɔ. Mbʋ́ pʋyɔɔ yɔ, ɛkɩlɩ-m.

Yohanɛɛsɩ 14:4

Ɩsɩm nʋmɔʋ ŋgʋ́ kuwoki ɖenɖe mowoki yɔ.»

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

Tʋma Labʋ 1:11

nɛ pɔpɔzʋʋ-wɛ se: «Galilee ñɩma mɩ! Pɩlabɩ ɛzɩma nɛ ɩwɛɛ ɩcɔŋnɩ ɛsɔdaa ḿbʋ́? Yesu ɛnʋ, ɛzɩma mbʋ́ pɩlɩzɩ-ɩ mɩ-hɛkʋ taa nɛ pɩkpazɩ-ɩ ɛsɔdaa nɛ ɩna yɔ, ḿbʋ́ ɖɔɖɔ ɛkɔŋ pɩsʋʋ ɛkɔɔ mɩ-hɛkʋ taa.»

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

Filiipu 1:23

Mɛwɛ cenje: me-liu wɛɛ se meyele kedeŋa yɔɔ wezuu kʋnɛ nɛ mowolo ma nɛ Krɩstʋ ɖɩwɛɛ. Ḿbʋ́ kɩlɩnɩ ɖeu kpem.

2 Tesalooniki 1:12

Ḿbʋ́ pɩtɩŋɩɣnɩ mɩ-yɔɔ nɛ ɖa-Kɩpaɣlʋ Yesu hɩɖɛ sɛɛ nɛ pɩtɩŋnɩ ɛ́lɛ́ yɔɔ nɛ mɩ-ñɩnɖɛ ñɛsɛɛ ɖɔɖɔ. Đɛ-Ɛsɔ nɛ Kɩpaɣlʋ Yesu Krɩstʋ, po-lootiye yɔɔ pʋkɔŋ pɩla ḿbʋ́.

2 Timootee 2:12

Yee ɖɩɖɔkɩ ɖa-tɩ ḿbʋ́ kpam yɔ, ɖa nɛ ɩ ɖɩkɔŋnɩ tɔɔʋ kewiyaɣ ɖɔɖɔ. Yee ɖikizi-i yɔ, ɛkɔŋ-ɖʋ kizuu ɖɔɖɔ.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.