Yohanɛɛsɩ 13:8 - New Testament

⁸ Pɩyɛ heyi-i se: «Pɩtatɩɩwɛʋ kpem se ŋkɔ-m ma-naŋgbanzɩ lɩm!» Yesu cosi-i se: «Yee mɔntɔkɔ-ŋ-sɩ ḿbʋ́ yɔ, ma nɛ ŋ ɖɩɩpɩzɩɣ ɖɩkpɛndɩ pʋyʋ.»

Yohanɛɛsɩ 13:8 ပူးပေါင်းရင်းမြစ်များ

Maatiyee 16:22

Peeɖe Pɩyɛ ya-ɩ nɛ ɛkɛsɩ-ɩ kɩjaʋ nɛ ɛkalɩ-ɩ se: «Kɩpaɣlʋ! Ɛsɔ huuzuu ñɔ-yɔɔ. Nabʋyʋ ɛɛlakɩ-ŋ kaʋ!»

Maatiyee 21:29

Ɛlɛ́, kocosi-i se: ‹Maawoki.› Pɩkɛdaa lɛ, kɛlɛɣzɩ lɩmaɣza nɛ kakʋyɩ kɛɖɛɛ pɩ-taa.

Maatiyee 26:33

Peeɖe Pɩyɛ heyi-i se: «Paa lɛlaa eseɣ patɩŋa se peyebi-ŋ yɔ, ma maalakɩ ḿbʋ́ kaʋ!»

Maatiyee 26:35

Ɛlɛ́, Pɩyɛ heyi-i se: «Paa sɩm yɔ, ma nɛ ŋ ɖɩsɩ, maakpɛzɩɣ kaʋ se mantasɩm-ŋ.» Ɛ-tɔmkpɛlɩkɩyaa lɛlaa yɔɔdɩ patɩŋa ḿbʋ́ ɖɔɖɔ.

Yohanɛɛsɩ 13:6

Ɛtalɩ Siimɔɔ Pɩyɛ lɛ, ɛ́lɛ́ pɔzɩ-ɩ se: «Kɩpaɣlʋ! Ña pʋwɛɛ se ŋkɔ ma-naŋgbanzɩ lɩm naa we?»

Yohanɛɛsɩ 13:9

Siimɔɔ Pɩyɛ heyi-i se: «Kɩpaɣlʋ! Yee ḿbʋ́ taakɔ ma-naŋgbanzɩ ɖeke. Ɛlɛ́, kɔ-m ɖɔɖɔ me-nesi nɛ ma-ñʋʋ!»

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Tʋma Labʋ 22:16

Anaanɩyaasɩ tɛm-m heyuu ḿbʋ́ lɛ, ɛpɔzɩ-m se lɛɛlɛɛyɔ, ɛbɛ manɖaŋaa ɖɔɖɔ yɔ? Pʋwɛɛ se mowolo palabɩ-m lɩm sɔʋ sɔnzɩ nɛ mentendi Kɩpaɣlʋ nɛ ɛñalɩ-m man-kɩwɛɛkɩm.»

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

Koloosi 2:18

Ɩtaayele nɛ mbá pawaɣnɩ se poluzuu pa-tɩ nɛ poluŋuu Ɛsɔ tiyiyaa tɛɛ yɔ, pa-taa nɔɔyʋ kʋ mɩ-tɔm. Mbʋ́ pʋyɔɔ yɔ, pakpakɩɣ po-ɖozee payaɣ pʋyʋ nɛ pakpazɩɣ pa-tɩ nɛ pa-maɣmaɣ pa-lɩmaɣza. Ŋgʋ́, akɛ ɛyáa lɩmaɣza yem.

Koloosi 2:23

Toovenim lɛ, tɩwɛ ɛsɛ yɔɔ ɛzɩ lɔŋsɩnɖɛ yɔ. Mbʋ́ pʋyɔɔ yɔ, tiyeki nɛ poluŋuu Ɛsɔ tɛɛ ɛzɩ pa-maɣmaɣ paɖʋʋ yɔ. Đɔɖɔ lɛ, poluzuu pa-tɩ nɛ paɖʋʋ pa-tɩ kʋñɔŋ. Ɛlɛ́, pɩfɛyɩnɩ wazaɣ nakɛyɛ, pa-maɣmaɣ pɩkɛdɩɣna.

Tiiti 3:5

ɛyabɩ ɖa-ñʋʋ. Pɩtɛkɛ se ɖɩlabɩ tʋma kɩbana yɔɔ ɛlabɩ-ɖʋ ḿbʋ́. Ɛlɛ́, ɛna ɖa-pʋtɔdɩyɛ yɔɔ ɛlabɩ-ɖʋ ḿbʋ́. Ɛyabɩ ɖa-ñʋʋ nɛ pɩtɩŋnɩ lɩm mbʋ́ pʋ-yɔɔ Fezuu Kiɖeɖeu tɩŋnaa se ɖɩpɩsɩ ɛyáa kɩfama yɔ. Pɩlabɩ ḿbʋ́ se ɖihiɣ wezuu caɣʋ kɩfam.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 7:14

Ɛlɛ́, moncosi-i se: «Đajaa! Ñasɩmna.» Peeɖe eheyi-m se: «Ḿbá tɔɔnɩ kʋñɔŋ sɔsɔʋ. Pɔcɔtɩ po-tokonaa kitibaa waa waa nɛ pahʋlɩsɩ-wɛ Heɣa calɩm taa.