Yohanɛɛsɩ 11:2 - New Testament

² Maarɩɩ ɛnʋ ɛɛpɩyɩnɩ Kɩpaɣlʋ naŋgbanzɩ yɔɔ tɩlaaɖɩ nɛ ɛhɛzɩnɩ ɛ-ñɔsɩ. E-neu Lazaarɩ pɩwɩɣaɣ.

Yohanɛɛsɩ 11:2 ပူးပေါင်းရင်းမြစ်များ

Maarkɩ 14:3

Yesu kowobi Betaanii tɛtʋ cikpetu taa nɛ ɛsʋʋ Siimɔɔ weyi ɛɛkɛ canaɣ yɔ ɛ-ɖɩɣa taa. Pɔtɔkaɣ tɔɔnaɣ lɛ, halʋ nɔɔyʋ sʋʋ pɔ-cɔlɔ, ɛɖɔkɩ tɩlaaɖɩ ŋgʋ́ petesidi kɩ-taa pʋyʋ yɔ fiɣa kɩñɩlɩsaɣ nakɛyɛ taa. Kʋwɛ liidiye pɩtɩɩfɛyɩ. Pɩkɛdaa lɛ, ɛkpalɩ fiɣa ŋ́gá kɔ-nɔɔ nɛ ɛpɩyɩ-kʋ Yesu ñʋʋ taa waaa.

Luka 7:13

Kɩpaɣlʋ na lelu ɛnʋ lɛ, pɩlabɩ-ɩ pʋtɔdɩyɛ nɛ eheyi-i se: «Taawii!»

Luka 7:19

Etiyi-wɛ Kɩpaɣlʋ cɔlɔ se pɔpɔzɩ-ɩ se: «Ña lɛ Ñʋʋ Yaɖʋ weyi paayɔɔdɩ ɛ-tɔm se ɛkaɣ kɔm yɔ, yaa nɔɔyʋ wɛnɩ wayɩ?»

Yohanɛɛsɩ 11:21

Peeɖe eheyi Yesu se: «Kɩpaɣlʋ! Ŋŋwɛ cɩnɛ yɔ, me-neu taasɩ.

Yohanɛɛsɩ 11:3

Pʋ-yɔɔ halaa ḿbá pa-naalɛ petiyaa se peheyi Yesu se: «Kɩpaɣlʋ! Pɩwɩɣ weyi ŋsɔɔlɩ-ɩ yɔ.»

Yohanɛɛsɩ 11:32

Ɛtalɩ ɖenɖe Yesu kɛwɛɛ yɔ lɛ, ɛna-ɩ. Peeɖe eluŋ ɛ-tɛɛ nɛ eheyi-i se: «Kɩpaɣlʋ! Yee ŋŋwɛ cɩnɛ yɔ, me-neu taasɩ.»

Yohanɛɛsɩ 12:3

Pɩkɛdaa lɛ, Maarɩɩ kpaɣ tɩlaaɖɩ ŋgʋ́ palabɩnɩ naarɩ nɛ petesidi kɩ-taa pʋyʋ yɔ ɛzɩ litri hɔɔlʋʋ yɔ nɛ ɛpɩyɩ Yesu naŋgbanzɩ yɔɔ. Ɛtɛma lɛ, ɛmɛlɩ sɩ-yɔɔ nɛ ɛ-ñɔsɩ nɛ sɔzɩŋ ñɛyɩnɩ ɖɩɣa. Tɩlaaɖɩ ŋ́gʋ́, kɩwɛ liidiye pɩtɩɩfɛyɩ.

Yohanɛɛsɩ 13:13

Ɩyaɣ-m se: ‹Wɩlɩyʋ› nɛ ‹Kɩpaɣlʋ.› Ɩwɛnɩ toovenim, mbʋ́ pʋyɔɔ yɔ, mɛnkɛ ḿbʋ́.

Yohanɛɛsɩ 13:14

Yee weyi ma mɛnkɛ mɩ-Kɩpaɣlʋ nɛ mɩ-Wɩlɩyʋ yɔ, mɔnkɔ mɩ-naŋgbanzɩ lɩm yɔ, pʋwɛɛ se mɩ ɖɔɖɔ, ɩkɔ ɖama naŋgbanzɩ.