Yohanɛɛsɩ 10:5 - New Testament

⁵ Ɩɩtɩŋɩɣ weyi ɩtasɩm-ɩ yɔ kaʋ, ɛlɛ́, iseɣ-i kiseu, mbʋ́ pʋyɔɔ yɔ, ɩtasɩ ɛ-nɔɔ.»

Yohanɛɛsɩ 10:5 ပူးပေါင်းရင်းမြစ်များ

Maarkɩ 4:24

Yesu tasɩ-wɛ heyuu se: «Iwelesi tɔm ndʋ́ meheyiɣ-mɩ yɔ camɩyɛ nɛ ɩɖɔkɩ-tʋ. Mbʋ́ mɩ-maɣmaɣ ɩmaɣzɩɣna nɛ ɩɖʋʋ lɛlaa yɔ, ḿbʋ́ ɖɔɖɔ Ɛsɔ kɔŋ-mɩ maɣzɩnaʋ nɛ halɩ ɛsɔzɩ-mɩ.

Luka 8:18

Pʋ-yɔɔ lɛ, ɩɖɔkɩ mɩ-tɩ camɩyɛ nɛ ɛzɩma mbʋ́ ɩnɩɣ Ɛsɔtɔm yɔ. Mbʋ́ pʋyɔɔ yɔ, pʋwɛ ɛzɩ pɔtɔŋʋʋ se: «Weyi ɛwɛna, pɔsɔzɩ-ɩ nɛ weyi ɛ́lɛ́ fɛyɩna yɔ, halɩ pɛtɛzɩɣ lɛɣʋ mbʋ́ ɛmaɣzɩɣ se ɛwɛna yɔ.»

Yohanɛɛsɩ 10:16

Mɛwɛnɩ ɖɔɖɔ heŋ lɛɛŋ, ɩfɛyɩ kaɖaɣ kanɛ ka-taa. Pʋwɛɛ se menɖiyi-i ɖɔɖɔ. Ɩkɔŋ nɩʋ mɔ-nɔɔ nɛ ɩkpɛndɩ ɩnɛ ɩ-yɔɔ nɛ ɩpɩsɩ tikaɣ kʋɖʋmaɣ nɛ ninɖiɣyu kʋɖʋm ɖiyi-i.

Yohanɛɛsɩ 10:4

Ɩlɩɣ ɩtɩŋa payɩ lɛ, ɛɖɛɛ-ɩ nɔɔ nɛ ɛ́lɛ́ tɩŋɩɣ ɛ-wayɩ, mbʋ́ pʋyɔɔ yɔ, ɩsɩm ɛ-nɔɔ.

2 Timootee 4:3

Mbʋ́ pʋyɔɔ yɔ, alɩwaatʋ natʋyʋ kaɣ kɔm nɛ pɩɖɛɛ ɛyáa nɛ tɔm kɩbandʋ ndʋ́ pawɩlɩɣ-wɛ yɔ. Ɛlɛ́, ɛzɩma mbʋ́ pa-nɩŋgbaaŋ taa puu lɛ, pɔkɔŋ ñɩnʋʋ wɩlɩyaa ndɩ ndɩ se paba eheyi-wɛ mbʋ́ pa-maɣmaɣ pe-liu wɛɛ kpem yɔ nɛ pewelesi.

1 Yohanɛɛsɩ 2:19

Pɩtɛ ɛyáa ḿbá, ɖɛ-hɛkʋ taa palɩnaa, ɛlɛ́, pataakɛ ɖa-ñɩma siŋŋ. Toovenim lɛ, yee paakɛ ɖa-ñɩma yɔ, paawɛ ɖɛ-hɛkʋ taa. Pɩlabɩ ḿbʋ́ se ɛyáa ɛna se patɩŋa pataakɛ ɖa-ñɩma siŋŋ.

1 Yohanɛɛsɩ 2:21

Pʋ-yɔɔ lɛ, pɩtɛkɛ se ɩtasɩ toovenim yɔɔ mamaɣ-mɩ. Ɛlɛ́, ɩsɩm-pʋ yɔɔ mamaɣ-mɩ. Ɩnawa ɖɔɖɔ se cɛtɩm nabʋyʋ ɛɛlɩɣnɩ toovenim taa.

Wɩlʋʋ 2:2

mansɩm mbʋ́ ñɛ-ŋgbɛyɛ taa ñɩma lakɩ yɔ nɛ pa-pana ñaɣʋ nɛ ɛzɩma mbʋ́ pɔɖɔkʋʋ pa-tɩ yɔ. Manawa se paacaɣ se pa nɛ kañadɩnaa pɛkpɛndɩ. Pamaɣzɩ mbá pɔtɔŋ se pɛkɛ Yesu tiyiyaa yɔ nɛ pana se pɛkɛ cɛtɩyaa.