Yohanɛɛsɩ 10:4 - New Testament

⁴ Ɩlɩɣ ɩtɩŋa payɩ lɛ, ɛɖɛɛ-ɩ nɔɔ nɛ ɛ́lɛ́ tɩŋɩɣ ɛ-wayɩ, mbʋ́ pʋyɔɔ yɔ, ɩsɩm ɛ-nɔɔ.

Yohanɛɛsɩ 10:4 ပူးပေါင်းရင်းမြစ်များ

Maatiyee 16:24

Pʋwayɩ lɛ, Yesu heyi ɛ-tɔmkpɛlɩkɩyaa se: «Weyi e-liu wɛɛ se ɛtɩŋɩɣ ma-wayɩ yɔ, pʋwɛɛ se ɛsɔɔ ɛ-maɣmaɣ ɛ-yɔɔ, etisi nɛ ɛtɔɔ kʋñɔŋ siŋŋ.

Yohanɛɛsɩ 10:16

Mɛwɛnɩ ɖɔɖɔ heŋ lɛɛŋ, ɩfɛyɩ kaɖaɣ kanɛ ka-taa. Pʋwɛɛ se menɖiyi-i ɖɔɖɔ. Ɩkɔŋ nɩʋ mɔ-nɔɔ nɛ ɩkpɛndɩ ɩnɛ ɩ-yɔɔ nɛ ɩpɩsɩ tikaɣ kʋɖʋmaɣ nɛ ninɖiɣyu kʋɖʋm ɖiyi-i.

Yohanɛɛsɩ 10:27

Me-heŋ nɩɣ mɔ-nɔɔ. Ma mansɩm-ɩ nɛ ɛ́lɛ́ ñatɩŋɩɣ-m.

Yohanɛɛsɩ 10:3

Kaɖaɣ yɔɔ ɖaŋɩyʋ tʋlʋʋ-ɩ nɔnɔɔ nɛ ɛ́yáa paa e-heu weyi ɛ-hɩɖɛ nɛ ɛ́lɛ́ nɩɩ ɛ-nɔɔ nɛ ɛlɩɩnɩ kaɖaɣ taa.

Yohanɛɛsɩ 10:5

Ɩɩtɩŋɩɣ weyi ɩtasɩm-ɩ yɔ kaʋ, ɛlɛ́, iseɣ-i kiseu, mbʋ́ pʋyɔɔ yɔ, ɩtasɩ ɛ-nɔɔ.»

Yohanɛɛsɩ 10:8

Mbá patɩŋa payɩ palayɩ-m kɔm yɔ, pɛkɛ mɩ́láa nɛ azaɣ́a. Heŋ tanɩɩnɩ-wɛ.

Yohanɛɛsɩ 12:26

Yee nɔɔyʋ liu ɛwɛɛ se ɛlabɩ-m tʋmɩyɛ yɔ, ɛtɩŋ-m. Ḿbʋ́ man-tʋmlaɖʋ kɔŋ wɛʋ ɖenɖe mɛwɛɣ yɔ. Yee nɔɔyʋ ɛlakɩ-m tʋmɩyɛ yɔ, man-Caa ɖʋʋ-ɩ hɩɖɛ.»

Yohanɛɛsɩ 13:15

Mawɩlɩ-mɩ mbʋ́ pʋwɛɛ se ɩla yɔ se ɩpɩzɩ ɩla ɛzɩ malabʋ-mɩ yɔ.

Yohanɛɛsɩ 18:37

Pilaatɩ tasɩ-ɩ pɔzʋʋ se: «Yee ḿbʋ́ ŋkɛ wiyaʋ sɔsɔ na?» Ecosi-i se: «Ñɔyɔɔdʋʋnɩ ḿbʋ́. Ma lɛ, mɔnkɔm kedeŋa yɔɔ nɛ palʋlɩ-m se malɩzɩ aseɣɖe toovenim yɔɔ. Weyi ɛsɔɔlɩ toovenim yɔ, ewelesiɣni-m.»

Yohanɛɛsɩ 3:29

Ɩtɛm naʋ se weyi ɛkpaɣ halʋ yɔ, ɛnʋ lɛ halɩkpaɣyʋ. Meheyiɣ-mɩ se ma mɛwɛ ɛzɩ halɩkpaɣyʋ ɛgbaɣdʋ yɔ. Halɩkpaɣyʋ ɛgbaɣdʋ wɛɣ ɛ-cɔlɔ se ɛsɩnɩ-ɩ. Ɛ-taa hʋlʋmʋʋ siŋŋ alɩwaatʋ ndʋ́ ɛnɩɣ halɩkpaɣyʋ taŋ yɔ. Ḿbʋ́ ɖɔɖɔ man-taa tɛzɩ hʋlʋmʋʋ siŋŋ Weyi Ɛsɔ Lɩzaa Yɔ ɛ-yɔɔ.

1 Kɔrɛntɩ 11:1

Ɩla ɛzɩ ma yɔ, mbʋ́ pʋyɔɔ yɔ, ma-maɣmaɣ malakɩ ɛzɩ Krɩstʋ yɔ.

Efɛɛzɩ 5:1

Pʋ-yɔɔ lɛ, ɩtɩɣzɩnɩ Ɛsɔ, mbʋ́ pʋyɔɔ yɔ, ɩkɛ piya nzɩ́ ɛsɔɔlɩ-sɩ yɔ.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 6:20

Đɔ-yɔɔ Yesu ɖɛ nɔɔ nɛ ɛsʋʋ ɖɩ-taa nɛ ɛpɩsɩ cɔjɔnaa ñʋʋdʋ tam ɛzɩ Mɛlkisedɛɛkɩ yɔ.

1 Pɩyɛ 2:21

Ḿbʋ́ Ɛsɔ ɖʋwa se ɩla. Mbʋ́ pʋyɔɔ yɔ, Krɩstʋ ñalabɩ kʋñɔŋ ɖɔɖɔ mɩ-yɔɔ nɛ ɛwɩlɩ-mɩ se ɩla ɛzɩ ɛnʋ yɔ nɛ ɩtɩŋ ɛ-nʋmɔʋ taa.

1 Pɩyɛ 4:1

Ɩtɛm naʋ se Krɩstʋ nɩ siziŋ e-tomnaɣ taa. Ɩmaɣzɩ pʋ-yɔɔ nɛ ɩkpa ɖoŋ. Mbʋ́ pʋyɔɔ yɔ, weyi ɛnɩ siziŋ e-tomnaɣ taa yɔ, ɛha kɩwɛɛkɩm siɣ́ye

1 Pɩyɛ 5:3

Ɩtaanuuti mbá Ɛsɔ ɖʋzɩ mi-nesi taa yɔ. Ɛlɛ́, ɩwɩlɩ-wɛ nʋmɔʋ nɛ mɩ-lakasɩ kɩbanzɩ.