Yohanɛɛsɩ 10:10 - New Testament

¹⁰ Mɩlʋʋ nɛ kʋʋ nɛ wɛɛkʋʋ pe-ɖeke pɔ-yɔɔ mɩ́lʋ́ kɔŋ. Ma lɛ, mɔnkɔm se ɛyáa ihiɣ wezuu nɛ wezuu ŋ́gʋ́ kʋtɔyɩnɩ-wɛ.

Yohanɛɛsɩ 10:10 ပူးပေါင်းရင်းမြစ်များ

Maatiyee 18:10

Yesu tasɩ ɛ-tɔmkpɛlɩkɩyaa paɣ́ʋ se: «Ɩɖɔkɩ mɩ-tɩ nɛ ɩtaapɛŋ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ tɛtɛ. Toovenim lɛ, mankaɖɩɣ-mɩ se: man-Caa weyi ɛwɛ ɛsɔdaa yɔ, e-tiyiyaa mbá pɔcɔŋnɩ pɔ-yɔɔ yɔ, pɛwɛ ɛ-cɔlɔ tam. [

Maatiyee 18:11

Meheyiɣ-mɩ se: Ɛyʋ Pɩyalʋ kɔm se ɛya mbá peleba yɔ pa-ñʋʋ.]

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 21:13

Ɛlɛ́, eheyi mbá pɛwɛ peeɖe yɔ se: «Ɛsɔ yɔɔdaa nɛ pama ɛ-Tɔm Takayaɣ taa se: ‹Man-ɖɩɣa kɛɣnɩ Ɛsɔ ɖɩsɛyɛ.› Ŋgʋ́, mɩ mɩpɩsɩ-kɛ mɩ́láa ñɩŋga.»

Maatiyee 23:13

Pʋwayɩ lɛ, Yesu kɛzɩ ɛ-tɩ nɛ paɣtʋ wɩlɩyaa nɛ Farɩsɩ ñɩma pɔ-yɔɔ nɛ eheyi-wɛ se: «Tɛɛ nɛ pʋ-yɔɔ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩɖɩkɩ ɛyáa nʋmɔʋ se pataasʋʋ Ɛsɔ Kewiyaɣ taa. Ŋgʋ́, mɩ-maɣmaɣ ɩɩsʋʋ, ɛlɛ́, iiyeki ɖɔɖɔ mbá pe-liu wɛ sʋʋ yɔ se paba ɛsʋʋ. [

Maarkɩ 11:17

Peeɖe eheyi mbá pɛwɛ peeɖe yɔ se: «Ɛsɔ yɔɔdaa nɛ pama ɛ-takayaɣ taa se: ‹Man-ɖɩɣa kɛɣnɩ ajɛya kpeekpe Ɛsɔ ɖɩsɛyɛ.› Ŋgʋ́, mɩ mɩpɩsɩ-kɛ mɩ́láa ñɩŋga.»

Luka 19:10

Mbʋ́ pʋyɔɔ yɔ, Ɛyʋ Pɩyalʋ kɔm se ɛñɩnɩ mbá peleba yɔ nɛ ɛya pa-ñʋʋ.»

Yohanɛɛsɩ 10:1

Pɩkɛdaa lɛ, Yesu yɔɔdɩ se: «Toovenim lɛ, meheyiɣ-mɩ se: yee nɔɔyʋ ɛtatɩŋnɩ heŋ kaɖaɣ nɔnɔɔ nɛ ɛsʋʋ nɛ ɛmanɩ koloŋa yɔ, ɛkɛ mɩ́lʋ́ nɛ ɛtɛ ɛkɛ ɛzaɣ́ʋ.

Yohanɛɛsɩ 10:11

Ma lɛ ninɖiɣyu kɩbanʋ. Ninɖiɣyu kɩbanʋ tisiɣ nɛ ɛsɩ e-heŋ yɔɔ.

Yohanɛɛsɩ 12:47

Yee nɔɔyʋ ɛnɩ mɔn-tɔm nɛ ɛɛɖɔŋ tɩ-yɔɔ yɔ, pɩtɛkɛ mankʋʋnɩ ɛ-tɔm. Mbʋ́ pʋyɔɔ yɔ, mɔntɔkɔɔ kedeŋa yɔɔ se mankʋ ɛyáa tɔm, ɛlɛ́, mɔnkɔm se maya pa-ñʋʋ.

Yohanɛɛsɩ 12:6

Pɩtɛkɛ kʋñɔndɩnaa yɔɔ ɛmaɣzaɣ nɛ ɛyɔɔdɩ ḿbʋ́. Ɛlɛ́, ɛkɛ mɩ́lʋ́ yɔɔ ɛyɔɔdaɣ ḿbʋ́: ɛnʋ ɖɔkaɣnɩ liidiye huyuu nɛ ɛmɩlɩɣ mbʋ́ paɖʋwaɣ kɩ-taa yɔ.

Yohanɛɛsɩ 3:17

Toovenim lɛ, Ɛsɔ tetiyi ɛ-Pɩyalʋ ɛyáa cɔlɔ se ɛhʋʋnɩ-wɛ nɛ ɛkʋ pɔ-tɔm. Ɛlɛ́, etiyi-i se ɛya pa-ñʋʋ.

Yohanɛɛsɩ 5:40

Ŋgʋ́, ɩɩcaɣ se ɩkɔɔ mɔn-cɔlɔ nɛ ihiɣ wezuu ŋ́gʋ́!

Yohanɛɛsɩ 6:33

Mbʋ́ pʋyɔɔ yɔ, tɔɔnaɣ ŋgá Ɛsɔ haɣ yɔ lɛ ɛyʋ weyi ɛlɩnɩ ɛsɔdaa nɛ ɛhaɣ ɛyáa wezuu yɔ.»

Yohanɛɛsɩ 6:51

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

Room 2:21

Yee ḿbʋ́ weyi ña ŋkpɛlɩkɩɣ lɛlaa yɔ, pɩlabɩ ɛzɩma ŋŋkpɛlɩkɩɣ ña-maɣmaɣ ña-tɩ? Weyi ña ŋsusuu se pataamɩlɩ yɔ, pɩlabɩ ɛzɩma ŋmɩlɩɣ?

1 Timootee 1:15

Tɔm ndʋ́ meheyiɣ-mɩ yɔ, tɩkɛ toovenim. Tɩmʋnaa se ɛyáa tɩŋa payɩ etisi-tʋ nɛ pa-laŋa tɩŋa. Ńdʋ́ lɛ se Krɩstʋ Yesu kɔm kedeŋa yɔɔ se ɛya kɩwɛɛkɩm laɖaa ñʋʋ. Pa-taa lɛ, ma-maɣmaɣ pɩwabɩnaa.

Ebree 6:17

Ɛsɔ liu ñaawɛɛ se ɛwɩlɩ ɛ-ɛyáa kaŋŋ se mbʋ́ ɛɖʋwa yɔ, ɛɛlɛɣzɩ-pʋ kaʋ. Pʋ-yɔɔ eɖuuni ɛ-tɩ nɛ pɩtasɩnɩ mbʋ́ ɛɖʋwa se ɛlakɩ yɔ.

Ebree 7:25

Pʋ-yɔɔ ɛpɩzɩɣ ɛya mbá patɩŋɩɣnɩ ɛ-yɔɔ nɛ pañɩnɩɣ Ɛsɔ yɔ pa-ñʋʋ kpem. Mbʋ́ pʋyɔɔ yɔ, ɛwɛ wezuu tam nɛ etendiɣ Ɛsɔ pɔ-yɔɔ.

2 Pɩyɛ 1:11

Pʋ-yɔɔ Ɛsɔ kɔŋ-mɩ haʋ waɖɛ se ɩsʋʋ e-Kewiyaɣ ŋgá kaatɛŋ yɔ ka-taa yem hɛɛɛ. Ŋ́gá lɛ ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ ɛ-ñɩŋga.