Yohanɛɛsɩ 1:51 - New Testament

⁵¹ Yesu tasɩ yɔɔdʋʋ se: «Toovenim lɛ, mankaɖɩɣ-mɩ se ɩkɔŋ naʋ ɛsɔdaa tʋlaa nɛ Ɛsɔ tiyiyaa tɩŋɩɣnɩ Ɛyʋ Pɩyalʋ ma mɔ-yɔɔ nɛ pakpaɣ nɛ petiki.»

Yohanɛɛsɩ 1:51 ပူးပေါင်းရင်းမြစ်များ

Maatiyee 25:31

Yesu tasɩ-wɛ heyuu se: «Puwiye nɖɩ́ Ɛyʋ Pɩyalʋ nɛ Ɛsɔ tiyiyaa tɩŋa pɛkpɛndɩɣnɩ e-koboyaɣ nɛ pɔkɔɔ yɔ, ɛcakɩ e-kewiyaɣ kpelaɣ yɔɔ.

Maatiyee 26:24

Ɛyʋ Pɩyalʋ kɔŋ kʋyʋʋ kedeŋa yɔɔ cɩnɛ ɛzɩ pamaʋ ɛ-tɔm Ɛsɔtɔm Takayaɣ taa yɔ. Ɛlɛ́, pʋtɔɔ weyi ɛɖʋzʋʋ-ɩ koyindinaa nesi taa yɔ! Yee pataalʋlɩ pʋdʋ yɔ, pɩɩkɩlɩ-ɩ sɛʋ.»

Maatiyee 3:16

Yohanɛɛsɩ tɩtɛm Yesu labʋ sɔnzɩ ńzɩ́ lɛ, Yesu lɩɣnɩ lɩm taa. Peeɖe ɛsɔdaa tʋlaa nɛ ɛna Fezuu Kiɖeɖeu lɩ ɛzɩ halikuku yɔ nɛ kitiki Yesu ɛnʋ ɛ-yɔɔ

Maatiyee 4:11

Peeɖe Satanɩ yebi-i. Pʋwayɩ lɛ, Ɛsɔ tiyiyaa wolo Yesu cɔlɔ nɛ pasɩnɩ-ɩ.

Maatiyee 8:20

Yesu cosi-i se: «Kpayaa ñɛwɛnɩ pɔŋ nɛ sumasɩ ñɛwɛnɩ ɖandʋ. Ɛlɛ́, Ɛyʋ Pɩyalʋ ma mɛnfɛyɩnɩ ñʋʋ ɖɩɖʋyɛ.»

Maatiyee 9:6

Mancaɣ mawɩlɩ-mɩ se Ɛyʋ Pɩyalʋ wɛnɩ ɖoŋ se ekpeɣ ɛyáa pa-kɩwɛɛkɩm kedeŋa yɔɔ cɩnɛ.» Peeɖe eheyi kalɩkalaɣ ŋ́gá se: «Ña! Kʋyɩ ŋkpaɣ ña-ñalʋʋ nɛ ŋkpe.»

Maarkɩ 1:10

Yesu lɩɣaɣnɩ lɩm taa lɛ, ɛna ɛsɔdaa tʋlaa nɛ Fezuu Kiɖeɖeu lɩɩ nɛ kitiki ɛ-yɔɔ ɛzɩ halikuku yɔ.

Maarkɩ 14:62

Yesu cosi-i se: «Ɛɛɛ! Đɔɖɔ lɛ, mɩtɩŋa payɩ ɩkɔŋ naʋ Ɛyʋ Pɩyalʋ, ɛcaɣ Ɛsɔ Đoŋ Tɩŋa Tʋ cɔlɔ lone kɩbanɖɛ taa. Ɩkɔŋ-ɩ naʋ ɖɔɖɔ ɛsɔmɩndʋ yɔɔ, ɛɖɔŋ kɔm.»

Luka 2:13

Kpaagbaa ḿbʋ́ lɛ, Ɛsɔ tiyiyaa samaɣ tii pɔsɔzɩ tiyiyu ɛnʋ ɛ-yɔɔ nɛ pasaŋ Ɛsɔ nɛ hendu se:

Luka 2:9

Peeɖe Kɩpaɣlʋ tiyiyu nɔɔyʋ lɩ pɔ-cɔlɔ nɛ Kɩpaɣlʋ ñalɩmɩyɛ ñalɩ pɔ-yɔɔ nɛ sɔɔndʋ kpa-wɛ pɩtɩɩfɛyɩ.

Luka 22:43

Peeɖe Ɛsɔ tiyiyu nɔɔyʋ lɩ ɛ-yɔɔ nɛ ɛsɔzɩ-ɩ ɖoŋ.

Luka 22:69

Ɛlɛ́, pɩkpaɣʋnɩ lɛɛlɛɛyɔ yɔ, Ɛyʋ Pɩyalʋ cakɩ lone kɩbanɖɛ taa Ɛsɔ Đoŋ Tɩŋa Tʋ cɔlɔ.»

Luka 24:4

Ɛlɛ́, pɩɖɩɣzɩ-wɛ siŋŋ. Kpaagbaa ḿbʋ́ lɛ, abalaa naalɛ nabɛyɛ tɩlɩʋ pɔ-yɔɔ. Posu wondu, nɛ tɩñɩlɩzɩɣ pelu pelu.

Luka 3:21

Yohanɛɛsɩ labɩ ɛyáa tɩŋa payɩ lɩm sɔʋ sɔnzɩ nɛ pɩtɛ lɛ, Yesu wolo ɖɔɖɔ nɛ ɛlabɩ-ɩ-sɩ. Ɛtɛm-ɩ-sɩ labʋ lɛ, Yesu sɛɣ Ɛsɔ nɛ ɛsɔdaa tʋlɩ

Yohanɛɛsɩ 1:50

Yesu cosi-i se: «Ceeke meheyuu-ŋ se mana-ŋ hiyuú tɛɛ yɔ ŋtisaa se ma lɛ Ɛsɔ Pɩyalʋ yaa we? Meheyiɣ-ŋ se ŋkɔŋ naʋ mbʋ́ pɩkɩlɩ ḿbʋ́ yɔ.»

Yohanɛɛsɩ 10:1

Pɩkɛdaa lɛ, Yesu yɔɔdɩ se: «Toovenim lɛ, meheyiɣ-mɩ se: yee nɔɔyʋ ɛtatɩŋnɩ heŋ kaɖaɣ nɔnɔɔ nɛ ɛsʋʋ nɛ ɛmanɩ koloŋa yɔ, ɛkɛ mɩ́lʋ́ nɛ ɛtɛ ɛkɛ ɛzaɣ́ʋ.

Yohanɛɛsɩ 10:7

Yesu tasɩ yɔɔdʋʋ se: «Toovenim lɛ, mankaɖɩɣ-mɩ se ma lɛ heŋ kaɖaɣ nɔnɔɔ.

Yohanɛɛsɩ 13:16

Toovenim lɛ, mankaɖɩɣ-mɩ se: tʋmlaɖʋ nɔɔyʋ takɩlɩ ɛ-caa, tiyiyu nɔɔyʋ takɩlɩ weyi etiyi-i yɔ.

Yohanɛɛsɩ 13:38

Yesu pɔzɩ-ɩ se: «Paa sɩm, ŋsɩkɩ mɔ-yɔɔ yaa? Toovenim lɛ, mankaɖɩɣ-ŋ se: pʋcɔ kalɩmɔʋ koo lɛ, ŋkpɛzɩɣ tam naadozo se ŋtasɩm-m.»

Yohanɛɛsɩ 14:12

Toovenim lɛ, mankaɖɩɣ-mɩ se: weyi ɛtaɣ-m liu yɔ, ɛlakɩ ɖɔɖɔ tʋma wena malakɩ yɔ. Halɩ ɛlakɩ nɛ pɩkɩlɩ ḿbʋ́, mbʋ́ pʋyɔɔ yɔ, mowoki mɛwɛɛ man-Caa cɔlɔ.

Yohanɛɛsɩ 16:20

Toovenim lɛ, mankaɖɩɣ-mɩ se: ɩkɔŋ wiluu nɛ ɩtɩmɩ. Ɛlɛ́, kedeŋa ñɩma laŋa hʋlʋmʋʋ. Mɩ-laŋa kɔŋ wɛɛkʋʋ, ɛlɛ́, mɩ-laŋwɛɛkɩyɛ ńɖɩ́, ɖɩkɔŋ pɩsʋʋ laŋhʋlʋmɩyɛ.

Yohanɛɛsɩ 16:23

Puwiye ńɖɩ́ lɛ, ɩɩtasɩɣ-m pɔzʋʋ natʋyʋ. Toovenim lɛ, meheyiɣ-mɩ se: mbʋ́ pɩtɩŋa payɩ ɩsʋlʋmʋʋ Caa nɛ mɔ-nɔɔ yɔ, ɛhaɣ-mɩ-pʋ.

Yohanɛɛsɩ 21:18

Toovenim lɛ, meheyiɣ-ŋ se: «Ŋŋkɛ evebu lɛ, ŋñɔɔzaɣ ña-tɩ nɛ ŋwoki ɖenɖe ñe-liu wɛɛ yɔ. Ɛlɛ́, ŋkɔŋ ŋkpadɩyɩ lɛ, ŋposuu ñe-nesi nɛ nɔɔyʋ tɔɔlɩ-ŋ tambaɖɛ nɛ ewoni-ŋ ɖenɖe ñe-liu fɛyɩ yɔ.»

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Yohanɛɛsɩ 5:19

Peeɖe Yesu kaɖɩ-wɛ se: «Toovenim lɛ, meheyiɣ-mɩ se ma Ɛsɔ Pɩyalʋ lɛ, maapɩzɩɣ mala nabʋyʋ yem man-tɩ yɔɔ. Mbʋ́ man-Caa Ɛsɔ lakɩ nɛ manaɣ yɔ, pi-ɖeke koŋ malakɩ. Mbʋ́ pɩtɩŋa payɩ man-Caa lakɩ yɔ, ḿbʋ́ ɖɔɖɔ malakɩ.

Yohanɛɛsɩ 5:27

Ɛha-m waɖɛ se mahʋʋnɩ ɛyáa tɔm, mbʋ́ pʋyɔɔ yɔ, ma lɛ Ɛyʋ Pɩyalʋ.

Yohanɛɛsɩ 6:26

Ɛ́lɛ́ cosi-wɛ se: «Toovenim lɛ, mankaɖɩɣ-mɩ se pɩtɛkɛ hama lakasɩ nzɩ́ malaba nɛ ɩna yɔ, sɩ-yɔɔ ɩñɩnɩɣ-m. Ɛlɛ́, ɩtɔɔ tindine nɛ ɩhaɣ yɔɔ ɩñɩnɩɣ-m.

Yohanɛɛsɩ 6:32

Peeɖe Yesu cosi-wɛ se: «Toovenim lɛ, mankaɖɩɣ-mɩ se pɩtɛkɛ Mooyiizi hanɩ-mɩ tɔɔnaɣ ŋgá kalɩnɩ ɛsɔdaa yɔ. Ɛlɛ́, man-Caa haɣnɩ-mɩ tɔɔnaɣ ŋgá kalɩnɩ ɛsɔdaa yɔ ka-maɣmaɣ siŋŋ.

Yohanɛɛsɩ 6:47

Toovenim lɛ, mankaɖɩɣ-mɩ se: weyi ɛwɛnɩ lidaʋ mɔ-yɔɔ yɔ, ehiɣ wezuu maatɛŋ.

Yohanɛɛsɩ 6:53

Peeɖe Yesu heyi-wɛ se: «Toovenim lɛ, mankaɖɩɣ-mɩ se: yee ɩtɔtɔɔ Ɛyʋ Pɩyalʋ ma mon-tomnaɣ nɛ ɩñɔɔ man-calɩm yɔ, ɩɩwɛɣ wezuu.

Yohanɛɛsɩ 8:34

Peeɖe Yesu heyi-wɛ se: «Toovenim lɛ, mankaɖɩɣ-mɩ se: weyi ɛlakɩ kɩwɛɛkɩm yɔ, ɛkɛ pu-yom.

Yohanɛɛsɩ 8:51

Toovenim lɛ, meheyiɣ-mɩ se: weyi ɛɖɔŋ mɔn-tɔm yɔɔ yɔ, ɛɛsɩkɩ kaʋ.»

Yohanɛɛsɩ 8:58

Ecosi-wɛ se: «Toovenim lɛ, meheyiɣ-mɩ se maawɛɛ nɛ pʋcɔ palʋlɩ Abraham.»

Tʋma Labʋ 10:11

ɛna ɛsɔdaa tʋlaa nɛ pʋyʋ nɔɔyʋ lɩɩ ɛzɩ pɩsaʋ sɔsɔʋ nakʋyʋ yɔ nɛ pitiki tataa. Patam kɩ-pama naanza taa.

Tʋma Labʋ 7:56

Peeɖe eheyi-wɛ se: «Iwelesi nɛ ɩnɩɩ: ɛsɔdaa tʋlaa nɛ manaɣ Ɛyʋ Pɩyalʋ sɩŋ Ɛsɔ cɔlɔ lone kɩbanɖɛ taa.»

2 Tesalooniki 1:7

Piyele mbá mɩ ɩtɔkɩ kʋñɔŋ lɛɛlɛɛyɔ yɔ, ɖa nɛ mɩ ɖɩkɔŋ hɛzʋʋ alɩwaatʋ ndʋ́ Kɩpaɣlʋ Yesu nɛ e-tiyiyaa ɖoŋ ñɩma palɩzɩɣ pa-tɩ ɛsɔdaa nɛ pana-wɛ

2 Tesalooniki 1:9

Kɩmɩyɛ nɖɩ́ ɛkpaɣ-wɛ yɔ lɛ se ewokini-wɛ asayʋʋ maatɛŋ taa, puposuuni Kɩpaɣlʋ nɛ e-ɖoŋ koboyaɣ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

Ebree 1:14

Mbá lɛ Ɛsɔ tiyiyaa yɔ? Ḿbá lɛ feziŋ weyi petiyi-i Ɛsɔ tʋmɩyɛ taa se ɩlabɩ-ɖɩ nɛ pɩsɩnɩ mbá pʋwɛɛ se pehiɣ ñʋʋ yabʋ yɔ.

Yuudi 1:14

Enɔɔkɩ weyi ɛkɛ lʋbɛ ñɩnʋ Aɖam liɖe taa yɔ, Ɛsɔ keheyi-i nɛ esusi pɔ-tɔm ɖooo lɔŋ se: «Iwelesi nɛ ɩnɩɩ, Kɩpaɣlʋ nɛ ɛ-ñɩma kutokiŋ ɛgbaŋ ɛgbaŋ pɔkɔŋ

Wɩlʋʋ 19:11

Pʋwayɩ lɛ, mana ɛsɔdaa tʋlaa nɛ kpaŋnɔ kʋhʋlʋm nɔɔyʋ lɩɩ. Weyi ɛcaɣ-ɩ yɔ, payaɣ-ɩ se Weyi Ɛlakɩ Mbʋ́ Ɛɖʋwa yɔ nɛ Toovenim Tʋ. Ɛhʋʋ tɔm nɛ ɛlakɩ you nɛ toovenim.

Wɩlʋʋ 4:1

Pʋwayɩ lɛ, mɔncɔna nɛ manaɣ nɔnɔɔ nakɛyɛ ɛsɔdaa, katʋlaa nɛ manɩɣ pʋyɔɔdʋʋnɩ-m ɛzɩ pɩcalʋʋ-m yɔɔdɩnaʋ ɛzɩ pahʋlʋʋ ɛgandɩyɛ yɔ se: «Kpa cɩnɛ nɛ mawɩlɩ-ŋ mbʋ́ pʋkɔŋ labʋ pʋnɛ pʋ-wayɩ yɔ.»