Yohanɛɛsɩ 1:44 - New Testament

⁴⁴ Filiipu tɛ lɛ Bɛtsayɩda tɛtʋ cikpetu taa. Andree nɛ Pɩyɛ pɛ-tɛ lɛ peeɖe ɖɔɖɔ.

Yohanɛɛsɩ 1:44 ပူးပေါင်းရင်းမြစ်များ

Maatiyee 10:3

nɛ Filiipu nɛ Bartelemii nɛ Tomaa nɛ tikee mʋyʋ Maatiyee nɛ Alfee pɩyalʋ Yakubu nɛ Taadee

Maatiyee 11:21

«Koraazɛɛ nɛ Bɛtsayɩda ñɩma mɩ! Pʋtɔɔ-mɩ! Mbʋ́ pʋyɔɔ yɔ, palabɩ Ɛsɔ hama lakasɩ nzɩ́ mɩ-hɛkʋ taa yɔ, yee paalabɩ-sɩ Tiiri nɛ Sidɔɔ ñɩma pɔ-cɔlɔ yɔ, paatɛm caɣʋ tɔlɩma taa nɛ posuu kutokiŋ nɛ pɩwɩlɩ se pɛlɛɣzɩ wɛtʋ.

Maarkɩ 3:18

nɛ Andree nɛ Filiipu nɛ Bartelemii nɛ Maatiyee nɛ Tomaa nɛ Alfee pɩyalʋ Yakubu nɛ Taadee nɛ Siimɔɔ weyi payaɣ se Yɔɔ Kandɩyʋ yɔ

Maarkɩ 6:45

Patɩtɛm tɔɔʋ lɛ, Yesu heyi ɛ-tɔmkpɛlɩkɩyaa se: «Ɩsʋʋ kpɩyʋʋ taa nɛ ɩɖɛ-m nɔɔ nɛ ɩtɛzɩ kidiiliŋ lɛɛkʋ yɔɔ Bɛtsayɩda kiŋ nɛ meheyi ɛyáa samaɣ se kekpe nɛ mɔnkɔɔ.»

Maarkɩ 8:22

Yesu nɛ ɛ-tɔmkpɛlɩkɩyaa pɛtɛzɩ teŋgu lɛ, patalɩ Bɛtsayɩda. Peeɖe powoni yʋlʋm nɔɔyʋ ɛ-cɔlɔ nɛ pewini-i se etukuni-i nɛ ɛ-ɛsɛ kuli.

Luka 10:13

Pʋwayɩ lɛ, Yesu tasɩ yɔɔdʋʋ se: «Koraazɛɛ nɛ Bɛtsayɩda ñɩma mɩ! Pʋtɔɔ-mɩ! Mbʋ́ pʋyɔɔ yɔ, palabɩ Ɛsɔ hama lakasɩ nzɩ́ mɩ-hɛkʋ taa yɔ, yee paalabɩ-sɩ Tiiri nɛ Sidɔɔ ñɩma pɔ-cɔlɔ yɔ, paatɛm caɣʋ tɔlɩma taa nɛ posuu kutokiŋ nɛ pɩwɩlɩ se pɛlɛɣzɩ wɛtʋ.

Luka 6:14

Ḿbá yɔ: Siimɔɔ weyi ɛkʋm-ɩ hɩɖɛ se Pɩyɛ yɔ nɛ e-neu Andree nɛ Yakubu nɛ Yohanɛɛsɩ nɛ Filiipu nɛ Bartelemii

Luka 9:10

Pʋwayɩ lɛ, Yesu tiyiyaa pɩsɩ ɛ-cɔlɔ nɛ pɛkɛdɩ-ɩ mbʋ́ palaba yɔ pɩtɩŋa. Ɛlɛ́, ɛ nɛ wɛ powolo pacaɣ ɖoli nɔɔyʋ pe-ɖeke tɛtʋ ndʋ́ payaɣ se Bɛtsayɩda yɔ tɩ-cɔlɔ.

Yohanɛɛsɩ 1:43

Tɛʋ fema lɛ, Yesu ɖʋ se ewoki Galilee egeetiye taa. Ɛɖɛɣaɣ lɛ, ɛna Filiipu nɛ eheyi-i se: «Tɩŋ ma-wayɩ.»

Yohanɛɛsɩ 1:45

Pʋwayɩ lɛ, Filiipu na Nataanayɛɛlɩ nɛ eheyi-i se: «Đɩna weyi Mooyiizi ma ɛ-tɔm paɣtʋ takayaɣ taa nɛ náyaa yɔɔdɩ ɛ-tɔm ɖɔɖɔ yɔ. Ɛnʋ lɛ Nazarɛɛtɩ tʋ Yozɛɛfʋ pɩyalʋ weyi payaɣ se Yesu yɔ.»

Yohanɛɛsɩ 1:46

Ɛlɛ́, Nataanayɛɛlɩ pɔzɩ-ɩ se: «Pʋyʋ kɩbanʋ pɩzɩɣ pɩlɩɩnɩ Nazarɛɛtɩ yaa we?» Filiipu cosi-i se: «Kɔɔ nɛ ŋna.»

Yohanɛɛsɩ 1:48

Peeɖe Nataanayɛɛlɩ pɔzɩ Yesu se: «Ɛzɩma ŋlaba nɛ ŋsɩm-m?» Yesu cosi-i se: «Mana-ŋ alɩwaatʋ ndʋ́ ŋŋwɛ hiyuú tɛɛ yɔ nɛ pʋcɔ Filiipu ya-ŋ.»

Yohanɛɛsɩ 12:21

Pɩkɛdaa lɛ, powolo Filiipu weyi ɛ-tɛ wɛ Bɛtsayɩda Galilee egeetiye taa yɔ ɛ-cɔlɔ nɛ peheyi-i se: «Đajaa! Đɩcaɣ ɖɩna Yesu.»

Yohanɛɛsɩ 12:22

Peeɖe ɛ́lɛ́ woba eheyi Andree nɛ ɛ nɛ ɩ powolo Yesu cɔlɔ pa-naalɛ nɛ peheyi-i ḿbʋ́.

Yohanɛɛsɩ 6:5

Pɩkɛdaa lɛ, ɛkʋsɩ ɛ-ɛsɛ nɛ ɛna ɛyáa samaɣ sɔsɔɔ nakɛyɛ wokaɣ ɛ-cɔlɔ. Ɛlɛ́, ɛpɔzɩ Filiipu se: «Le ɖɩpɩzɩɣ ɖɩya tɔɔnaɣ nɛ ɛyáa panɛ patɩŋa payɩ pehiɣ pɔtɔɔ?»

Yohanɛɛsɩ 6:7

Filiipu cosi-i se: «Paa ɖɩɩyabɩ tɔɔnaɣ kɩyakɩŋ nasɩlɛ tʋmɩyɛ liidiye yɔ, pɩɩtalɩɣ se pehiɣ pazɩ pazɩ.»

Tʋma Labʋ 1:13

Patalaa lɛ, pakpa ɛsɔdaa kuduyuu ŋgʋ́ kɩ-taa paakpeɣlaɣ yɔ kɩ-taa. Mbá pekpeɣlaɣ kɩ-taa yɔ, ḿbá yɔ: Pɩyɛ nɛ Yohanɛɛsɩ nɛ Yakubu nɛ Andree nɛ Filiipu nɛ Tomaa nɛ Bartelemii nɛ Maatiyee nɛ Alfee pɩyalʋ Yakubu nɛ Siimɔɔ weyi payaɣ se Yɔɔ Kandɩyʋ yɔ nɛ Yakubu pɩyalʋ Yuudi