Yohanɛɛsɩ 1:4 - New Testament

⁴ Ɛ-cɔlɔ wezuu wɛɛ nɛ kiyeki se ɛyáa ɛwɛɛ ñalɩmɩyɛ taa.

Yohanɛɛsɩ 1:4 ပူးပေါင်းရင်းမြစ်များ

Maatiyee 4:16

Ɩnɩɩ camɩyɛ se: ɩɩwɛ cɩkpɛndʋʋ taa nɛ ɩna ñalɩmɩyɛ sɔsɔɖɛ naɖɩyɛ! Ɩɩwɛ sɩɖaa ɛjaɖɛ taa nɛ ñalɩmɩyɛ ñalɩ mɩ-yɔɔ.»

Luka 2:32

Ɛnʋ lɛ ñalɩmɩyɛ nɖɩ́ ɖɩwɩlɩɣ ajɛya kpeekpe nʋmɔʋ yɔ. Ɛnʋ yekina nɛ patɩŋa pasɩm-ŋ nɛ Izrɛɛlɩ ñɩma hɩɖɛ sɛɛ.»

Yohanɛɛsɩ 11:25

Yesu heyi-i se: «Mefeziɣni sɩɖaa nɛ mahaɣ-wɛ wezuu. Weyi ɛwɛnɩ lidaʋ mɔ-yɔɔ yɔ, paa ɛsɩba yɔ, ɛwɛɣ wezuu.

Yohanɛɛsɩ 12:35

Yesu heyi-wɛ se: «Ñalɩmɩyɛ wɛ mɩ-hɛkʋ taa ḿbʋ́, ɛlɛ́, alɩwaatʋ pazɩ ɖɩwɛɣ. Ɩɖɔ alɩwaatʋ ndʋ́ ñalɩmɩyɛ wɛ mɩ-cɔlɔ yɔ nɛ cɩkpɛndʋʋ ɛtaatudi-mɩ. Mbʋ́ pʋyɔɔ yɔ, weyi ɛɖɔŋ cɩkpɛndʋʋ taa yɔ, ɛɛsɩŋ ɖenɖe ewoki yɔ.

Yohanɛɛsɩ 12:46

Ma lɛ, mɔnkɔm kedeŋa yɔɔ ɛzɩ ñalɩmɩyɛ yɔ se nɔɔyʋ ɛwɛnɩ lidaʋ mɔ-yɔɔ lɛ, ɛtaawɛɛ cɩkpɛndʋʋ taa.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Yohanɛɛsɩ 3:19

Mbʋ́ piyeki nɛ pahʋʋnɩ ɛyáa yɔ lɛ se: weyi ɛkɛ ñalɩmɩyɛ yɔ, ɛkɔm ɛyáa kpeekpe cɔlɔ. Paa ḿbʋ́ yɔ, pɔsɔɔlɩ cɩkpɛndʋʋ nɛ pɩkɩlɩ-ɖɩ, mbʋ́ pʋyɔɔ yɔ, palakɩ ɛzaɣ́tʋ.

Yohanɛɛsɩ 5:21

Toovenim lɛ, ɛzɩma mbʋ́ efeziɣ sɩɖaa nɛ ɛhaɣ-wɛ wezuu yɔ, ḿbʋ́ ɖɔɖɔ ɛ-Pɩyalʋ ma, mahaɣ mbá me-liu wɛɛ yɔ wezuu.

Yohanɛɛsɩ 5:26

Ɛzɩma mbʋ́ wezuu lɩɣnɩ Caa Ɛsɔ cɔlɔ yɔ, ḿbʋ́ ɖɔɖɔ eyebi se kɩlɩɩnɩ ɛ-Pɩyalʋ ma mɔn-cɔlɔ.

Yohanɛɛsɩ 8:12

Yesu tasɩ ɛyáa samaɣ heyuu se: «Ma lɛ ɛyáa kpeekpe ñalɩmɩyɛ. Weyi ɛtɩŋɩɣ ma-wayɩ yɔ, ɛɛɖɔŋ cɩkpɛndʋʋ taa kaʋ. Ɛlɛ́, ehikiɣ ñalɩmɩyɛ nɖɩ́ ɖɩhaɣ wezuu yɔ.»

Yohanɛɛsɩ 9:5

Alɩwaatʋ ndʋ́ mɛwɛ kedeŋa yɔɔ yɔ, ma lɛ ɛyáa kpeekpe ñalɩmɩyɛ.»

Tʋma Labʋ 26:23

Ńdʋ́ lɛ se: ‹Weyi Ɛsɔ Lɩzaa Yɔ, ɛkɔŋ siziŋ nɩʋ nɛ ɛsɩ. Ɛnʋ calɩɣnɩ fem nɛ ɛlɩɩnɩ sɩɖaa taa nɛ ɛkɛdɩ Yuda ñɩma nɛ mbá pɛtɛkɛ Yuda ñɩma yɔ ñalɩmɩyɛ tɔm.› »

1 Kɔrɛntɩ 15:45

Pʋ-yɔɔ pama Ɛsɔtɔm Takayaɣ taa se: «Kajalaɣ ɛyʋ weyi Ɛsɔ ma-ɩ nɛ payaɣ-ɩ se Aɖam yɔ, ɛpɩsɩ weyi ɛwɛ wezuu yɔ.» Ɛlɛ́, kɛtɛzaɣ Aɖam lɛ Fezuu Kiɖeɖeu ŋgʋ́ kɩhaɣ wezuu yɔ.

Efɛɛzɩ 5:14

Pʋ-yɔɔ pɔtɔŋ se: «Weyi ña ŋɖou yɔ, fe, kʋyɩ nɛ sɩɖaa taa, Krɩstʋ ñalɩmɩyɛ ñalɩɣ ñɔ-yɔɔ.»

Koloosi 3:4

Ɛnʋ lɛ mi-wezuu. Alɩwaatʋ ndʋ́ ɛkɔŋ yɔ, mɩ nɛ ɩ ɖɔɖɔ ɩkɔŋnɩ lɩʋ koboyaɣ taa.

1 Yohanɛɛsɩ 1:1

Nabʋyʋ kɛwɛɛ nɛ pʋcɔ Ɛsɔ la kedeŋa, ɖɩnɩ pʋ-tɔm nɛ ɖɩna-pʋ nɛ ɖɛ-ɛsɛ nɛ ɖɩcɔnɩ-pʋ kpem, ɖitukuni-pʋ nɛ ɖe-nesi. Ḿbʋ́ lɛ Tɔm ndʋ́ tɩhaɣ wezuu yɔ.

1 Yohanɛɛsɩ 1:2

Wezuu ŋ́gʋ́, pɩlɩzɩ-kʋ nɛ pɩwɩlɩ-ɖʋ nɛ ɖɩna-kʋ yɔɔ ɖɩlɩzɩɣ kɩ-aseɣɖe. Ŋ́gʋ́ lɛ wezuu maatɛŋ ŋgʋ́ kɩwɛ Caa Ɛsɔ cɔlɔ yɔ. Kʋ-tɔm ɖɩkɛdɩɣ-mɩ.

1 Yohanɛɛsɩ 5:11

Aseɣɖe ńɖɩ́ lɛ se: ɛtɩŋnɩ ɛ-Pɩyalʋ yɔɔ nɛ ɛha-ɖʋ wezuu maatɛŋ.

Wɩlʋʋ 22:1

Ɛsɔ tiyiyu ɛnʋ, ɛwɩlɩ-m ɖɔɖɔ pɔɔ ŋgá ka-taa lɩm haɣ wezuu yɔ. Lɩm ḿbʋ́, pʋwɛ kele kele ɛzɩ ñɩnʋʋ yɔ. Pɩlɩɣaɣnɩ Ɛsɔ nɛ Heɣa pe-kewiyaɣ kpelaɣ tɛɛ.

Wɩlʋʋ 22:16

Ma Yesu lɛ, meheyi men-tiyiyu se ewolo ma-aŋgba taa nɛ ɛlɩzɩ-mɩ aseɣɖe ɖɩnɛ. Mɛnkɛ Daaviidi liɖe taa tʋ, ma lɛ tɩmbalʋʋ ŋgʋ́ kɩñɩlɩsɩɣ yɔ.»