Yohanɛɛsɩ 1:30 - New Testament

³⁰ Kɔ-tɔm mɔyɔɔdaɣ se ma-wayɩ lɛ, nɔɔyʋ kɔŋ. Ɛlɛ́, ɛkɩlɩ-m, mbʋ́ pʋyɔɔ yɔ, ɛɛwɛɛ nɛ pʋcɔ palʋlɩ-m.

Yohanɛɛsɩ 1:30 ပူးပေါင်းရင်းမြစ်များ

Maatiyee 3:11

Meheyiɣ-mɩ se: «Ma lɛ, malakɩ-mɩ lɩm sɔʋ sɔnzɩ nɛ pɩwɩlɩ se ɩlɛɣzɩ wɛtʋ. Ma-wayɩ lɛ, weyi ɛkɔŋ yɔ, ɛkɩlɩ-m. Halɩ mantatɩɩmʋna se mankpaɣ ɛ-naataŋgbala nɛ mɔnɖɔkɩ. Ɛkɔŋ-mɩ labʋ sɔnzɩ nɛ Fezuu Kiɖeɖeu ɖoŋ nɛ miŋ.

Luka 3:16

Ɛlɛ́, eheyi patɩŋa se: «Ma lɛ, malakɩ-mɩ lɩm sɔʋ sɔnzɩ. Ɛlɛ́, nɔɔyʋ kaɣ kɔm, ɛ́lɛ́ kɩlɩ-m. Mantatɩɩmʋna se mɛyɛɖɩ ɛ-naataŋgbala tɔnzɩ maɣmaɣ. Ɛkɔŋ-mɩ labʋ sɔnzɩ ńzɩ́ nɛ Fezuu Kiɖeɖeu ɖoŋ nɛ miŋ.

Yohanɛɛsɩ 1:15

Ɛ-yɔɔ Yohanɛɛsɩ lɩzɩ aseɣɖe nɛ ɛma kubuka se: «Ɛ-tɔm mɔyɔɔdaɣ se: ‹Ma-wayɩ lɛ, weyi ɛkɔŋ yɔ, ɛkɩlɩ-m, mbʋ́ pʋyɔɔ yɔ, ɛɛwɛɛ nɛ pʋcɔ palʋlɩ-m.› »

Yohanɛɛsɩ 1:27

Ma-wayɩ lɛ, ɛnʋ kɔŋna. Ɛkɩlɩ-m, mantamʋna se moluŋ nɛ mɛyɛɖɩ ɛ-naataŋgbala tɔnzɩ.»

Yohanɛɛsɩ 1:31

Mantaasɩm-ɩ. Ɛlɛ́, mɔnkɔm mala ɛyáa lɩm sɔʋ sɔnzɩ se Izrɛɛlɩ ñɩma tɩŋa ɛsɩm-ɩ.»

Yohanɛɛsɩ 10:41

Ɛyáa sakɩyɛ wokaɣ ɛ-cɔlɔ nɛ pɔtɔŋ se: «Yohanɛɛsɩ tala hama lakasɩ nasɩyɩ. Ɛlɛ́, tɔm ndʋ́ tɩtɩŋa ɛyɔɔdɩ abalʋ ɛnɛ ɛ-yɔɔ yɔ, tɩkɛ toovenim.»