Yohanɛɛsɩ 1:16 - New Testament

¹⁶ Meheyiɣ-mɩ se ɛha ɖatɩŋa payɩ mbʋ́ ɛwɛna yɔ pʋ-hɔɔlʋʋ nakʋyʋ, ɛlaba ɖatɩŋa lootiye siŋŋ, nɛ ɛwɛɛ pʋ-yɔɔ paa ɖooye.

Yohanɛɛsɩ 1:16 ပူးပေါင်းရင်းမြစ်များ

Maatiyee 13:12

Mbʋ́ pʋyɔɔ yɔ, pʋwɛ ɛzɩ pɔtɔŋʋʋ se: ‹Weyi ɛwɛna yɔ, pɔsɔzʋʋ-ɩ nɛ pʋɖɔɔ-ɩ nɛ weyi ɛ́lɛ́ fɛyɩna yɔ, halɩ pɛtɛzɩɣ lɛɣʋ mbʋ́ ɛmaɣzɩɣ se ɛwɛna yɔ.›

Maatiyee 3:11

Meheyiɣ-mɩ se: «Ma lɛ, malakɩ-mɩ lɩm sɔʋ sɔnzɩ nɛ pɩwɩlɩ se ɩlɛɣzɩ wɛtʋ. Ma-wayɩ lɛ, weyi ɛkɔŋ yɔ, ɛkɩlɩ-m. Halɩ mantatɩɩmʋna se mankpaɣ ɛ-naataŋgbala nɛ mɔnɖɔkɩ. Ɛkɔŋ-mɩ labʋ sɔnzɩ nɛ Fezuu Kiɖeɖeu ɖoŋ nɛ miŋ.

Maatiyee 3:14

Peeɖe Yohanɛɛsɩ tacaɣ tisuu nɛ ekitini Yesu se: «Ma pʋmʋnaa se mɔnkɔɔ ñɔ-cɔlɔ nɛ ŋlabɩ-m-sɩ nɛ ña ñakʋyɩ ŋkɔŋ mɔn-cɔlɔ tuluŋa na!»

Luka 21:15

Mbʋ́ pʋyɔɔ yɔ, ma-maɣmaɣ mahaɣnɩ-mɩ lɔŋ nɛ ɩyɔɔdɩ nɛ mi-koyindinaa taa nɔɔyʋ ɛɛpɩzɩ ecosi yaa ɛkʋ mɩ-tɔm ndʋ́ ɩyɔɔdaa yɔ.

Yohanɛɛsɩ 3:34

Weyi Ɛsɔ tiyi-i yɔ, ɛyɔɔdʋʋ Ɛsɔ tɔm. Mbʋ́ pʋyɔɔ yɔ, Ɛsɔ tɛzɩ-ɩ haʋ e-Fezuu Kiɖeɖeu.

Room 5:17

Yee ɛyʋ kʋɖʋm koŋ kɩwɛɛkɩm yɔɔ pɩtɩŋnaa nɛ sɩm tɔɔ kewiyaɣ lɛ, ɛzɩma pɩɩpɩzɩɣ pɩtɩŋnɩ Yesu Krɩstʋ ɖeke koŋ yɔɔ nɛ mbá Ɛsɔ lakɩ-wɛ lootiye siŋŋ nɛ ɛpɩsɩɣ-wɛ kʋtʋʋzaa falaa yɔ, paba ñacaɣ wezuu nɛ pɔtɔɔ kewiyaɣ yɔ?

Room 5:2

Ɛ-yɔɔ pɩtɩŋnaa nɛ ɖɩpɩzɩ ɖɩwɛnɩ lidaʋ Ɛsɔ yɔɔ nɛ pɩha-ɖʋ waɖɛ se ɖɩtɩlɩ lootiye nɖɩ́ ɛlabɩ-ɖʋ nɛ ɖɩhaɣ-ɖʋ ɖoŋ yɔ. Pʋ-yɔɔ ɖɩkʋndʋʋ nɛ ɖɩtaɣ liu se ɖa nɛ Ɛsɔ ɛnʋ ɖɩkɔŋ wɛʋ e-koboyaɣ taa.

Room 5:20

Paɖʋ paɣtʋ lɛ, kɩwɛɛkɩm tɛzɩ ɖɔʋ. Ɛlɛ́, ɖenɖe kɩwɛɛkɩm tɛzɩ ɖɔʋ yɔ, lootiye ñɔɖɔwa nɛ pɩkɩlɩ.

Room 8:9

Mɩ lɛ, ɩɩcakɩ wezuu ɛzɩ pɩkɛdɩnaʋ mɩ-maɣmaɣ yɔ, ɩcakɩ-kʋ ɛzɩ pɩkɛdɩnaʋ Fezuu Kiɖeɖeu yɔ. Mbʋ́ pʋyɔɔ yɔ, Fezuu Kiɖeɖeu wɛ mɩ-cɔlɔ. Yee Krɩstʋ Fezuu ɛfɛyɩ nɔɔyʋ cɔlɔ yɔ, ɛtɛkɛ Krɩstʋ tʋ.

Efɛɛzɩ 1:23

Ńɖɩ́ lɛ e-tomnaɣ. Đɩ-taa Krɩstʋ ɛnʋ ɛwɛɛ pilim: ɛlakɩ ɖɩ-taa ñɩma tɩŋa pɩtɩŋa payɩ. Ɛwɛ kedeŋa kpeekpe yɔɔ nɛ pɩtɩŋa payɩ pʋwɛɛ e-nesi taa.

Efɛɛzɩ 3:19

Ḿbʋ́ yekina nɛ ɩtɩlɩ se sɔɔlɩm ḿbʋ́, pɩkɩlɩ lɔŋsɩnɖɛ tɩŋa payɩ. Ḿbʋ́ yekina ɖɔɖɔ nɛ Ɛsɔ tɛzɩ mɩ-taa wɛʋ pilim.

Koloosi 1:19

Mbʋ́ pʋyɔɔ yɔ, pɩkɛdɩnɩ Ɛsɔ nɛ eyele ɛ-maɣmaɣ ɛwɛɛ ɛ-Pɩyalʋ ɛnʋ ɛ-taa pilim.

Koloosi 2:3

Ɛ-cɔlɔ Ɛsɔ lɔŋsɩnɖɛ nɛ ɛ-lɛɣtʋ pa-ñɩm tɩŋa payɩ wɛ mɛsaɣ tɛɛ.

1 Pɩyɛ 1:11

Krɩstʋ Fezuu ŋgʋ́ kɩɩwɛ pa-taa yɔ, kiiheyi-wɛ kʋñɔŋ ŋgʋ́ ɛkɔŋ tɔɔʋ yɔ nɛ koboyaɣ ŋgá ɛkɔŋ mʋ́ʋ yɔ pɔ-tɔm. Pʋ-yɔɔ pɛcɛyaɣ pa-tɩ se patɩlɩ alɩwaatʋ ndʋ́ pʋkɔŋ labʋ yɔ nɛ ɛzɩma mbʋ́ pɩlakɩ yɔ.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.