Yohanɛɛsɩ 1:10 - New Testament

¹⁰ Weyi payaɣ se Tɔm yɔ, ɛkɔm kedeŋa yɔɔ. Ɛ-yɔɔ Ɛsɔ tɩŋnaa nɛ ɛlabɩ-kɛ. Ɛlɛ́, kɔ-yɔɔ ñɩma tasɩm-ɩ.

Yohanɛɛsɩ 1:10 ပူးပေါင်းရင်းမြစ်များ

Maatiyee 11:27

Pʋwayɩ lɛ, Yesu heyi ɛyáa se: «Pɩtɩŋa payɩ lɛ, man-Caa cɛlɩnɩ-m. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa. Đɔɖɔ lɛ, nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa nɛ mawɩlɩ-ɩ-wɛ yɔ.

Yohanɛɛsɩ 1:11

Ɛkɔm ɛ-maɣmaɣ ɛ-tɛ, ɛlɛ́, ɛ-ñɩma tamʋ-ɩ.

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.

Yohanɛɛsɩ 1:3

Ɛ-yɔɔ Ɛsɔ tɩŋnaa nɛ ɛla pɩtɩŋa payɩ. Nabʋyʋ fɛyɩ se Ɛsɔ labɩ-pʋ nɛ ɛtatɩŋnɩ ɛ-yɔɔ.

Yohanɛɛsɩ 1:5

Ñalɩmɩyɛ lakɩ nɛ pɩnaɣ cɩkpɛndʋʋ taa, ɛlɛ́ cɩkpɛndʋʋ tetisi ñalɩmɩyɛ ńɖɩ́ ɖɩ-tɔm.

Yohanɛɛsɩ 17:25

Caa kʋtʋʋzʋ! Keɖeŋa ñɩma tasɩm-ŋ. Ɛlɛ́, ma mansɩm-ŋ nɛ mbá ŋɖʋzɩ me-nesi taa yɔ, patɩlɩ se ñetiyini-m.

Yohanɛɛsɩ 5:17

Peeɖe Yesu heyi-wɛ se: «Man-Caa Ɛsɔ lakɩ tʋmɩyɛ tam, ma ɖɔɖɔ ḿbʋ́.»

Tʋma Labʋ 14:17

Ŋgʋ́, wiɖiyi eteyele ɛ-camɩyɛ lakasɩ labʋ se ɛwɩlɩ mbʋ́ ɛkɛnaa yɔ. Mbʋ́ pʋyɔɔ yɔ, ɛnʋ yekina nɛ tɛʋ nɩɣ nɛ ɩkʋŋ tɔɔnasɩ sɩ-alɩwaatʋ taa nɛ ɩtɔkɩ nɛ ɩhakɩ nɛ mɩ-taa hʋlʋmʋʋ.»

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Kɔrɛntɩ 2:8

Kedeŋa awiya taa nɔɔyʋ tasɩ lɔŋsɩnɖɛ ńɖɩ́. Mbʋ́ pʋyɔɔ yɔ, yee paasɩm-ɖɩ yɔ, pataaka Kɩpaɣlʋ weyi ɛtɩnɩ koboyaɣ yɔ kaamaŋkaɣ yɔɔ.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

Koloosi 1:16

Ɛ-yɔɔ ɛ́lɛ́ tɩŋnaa nɛ ɛla pɩtɩŋa payɩ. Ɛlabɩ mbʋ́ pʋwɛ ɛsɔdaa nɛ tataa yɔ, mbʋ́ panaɣ yɔ nɛ mbʋ́ paanaɣ yɔ. Ɛnʋ labɩnɩ awiya sɔsɔna nɛ cikpena nɛ ɖoŋ ndɩ ndɩ. Ɛ-yɔɔ Ɛsɔ tɩŋnaa nɛ ɛla pɩtɩŋa payɩ nɛ ɛtɩɣyɩ-pʋ.

Ebree 11:3

Đɩwɛnɩ lidaʋ Ɛsɔ yɔɔ yɔɔ ɖɩtɩlaa se ɛ-tɔm ɛlabɩnɩ kedeŋa. Pʋ-yɔɔ ɖɩtɩlaa ɖɔɖɔ se ɛkpaɣ mbʋ́ paanaɣ yɔ nɛ ɛlabɩnɩ mbʋ́ panaɣ yɔ.

1 Yohanɛɛsɩ 3:1

Ɩna ɛzɩma mbʋ́ Caa Ɛsɔ sɔɔlɩ-ɖʋ kpem yɔ: ɛyaɣ-ɖʋ se e-piya. Toovenim ɖɔɖɔ lɛ, ɖɩkɛ e-piya. Ɛlɛ́, kedeŋa ñɩma tasɩm-ɖʋ, mbʋ́ pʋyɔɔ yɔ, patasɩm-ɩ.