Yakubu 5:5 - New Testament

⁵ Mi-wezuu caɣʋ taa kedeŋa yɔɔ cɩnɛ lɛ, ɩwɛ leleŋ taa nɛ ɩcanɩɣ mɩ-tɩ. Ɩtɔɔ camɩyɛ nɛ ɩpaɣlɩ ɛzɩ kpɩna wena pɔkɔŋ kʋʋ se pɔtɔɔ yɔ.

Yakubu 5:5 ပူးပေါင်းရင်းမြစ်များ

Luka 16:19

Pʋwayɩ lɛ, Yesu tuu-wɛ eduuye se: «Abalʋ ñɩm tʋ nɔɔyʋ kɛwɛnɩ ḿbʋ́, esuu awiitokonaa ɖeu ñɩlɩ ñɩlɩ nɛ ɛtɔkɩ leleŋ leleŋ paa ɖooye.

Luka 16:25

Ɛlɛ́, Abraham cosi-i se: ‹Man-sayɩ! Tɔzɩ se Lazaarɩ lakaɣ kʋñɔŋ kedeŋa yɔɔ lɛ, ñaawɛɛ ŋtɔkɩ leleŋ. Lɛɛlɛɛyɔ Lazaarɩ laŋɩyɛ ñɛhɛ cɩnɛ lɛ, ñalakɩ kʋñɔŋ.

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

1 Timootee 5:6

Ɛlɛ́, weyi ɛ́lɛ́ wɛɛ ɛlakɩ yem yem yɔ, paa ɛwɛ wezuu yɔ, ɛtɛm sɩbʋ.

2 Timootee 3:4

Palɩɣ ɛyáa wayɩ, pa-lɩmaɣza fɛyɩ, tɩ kpazʋʋ suni pa-taa. Ɛzɩ paasɔɔlɩ Ɛsɔ lɛ, peyeki pɔsɔɔlʋʋ mbʋ́ pɩkɛdɩnɩ-wɛ yɔ.

2 Pɩyɛ 2:13

Pɔkɔŋ-wɛ labʋ mbʋ́ pɩtatʋʋzɩ yɔ ɛzɩ pa-maɣmaɣ palabʋ lɛlaa yɔ. Pɔsɔɔlɩ kpem se pɔtɔɔ nɛ pɔñɔɔ nɛ pɩɖɛlɛsɩ niye nɛ pɩkpɛndɩnɩ wɩsɩ taa. Alɩwaatʋ ndʋ́ mɩ nɛ wɛ ɩkpɛndɩɣ ɩtɔkɩ kazandʋ yɔ, pa-lakasɩ kpaɣ-mɩ fɛyɛ. Pɛcɛtɩɣ-mɩ nɛ pɩkɛdɩɣnɩ-wɛ siŋŋ.

Yuudi 1:12

Ɛyáa ḿbá, alɩwaatʋ ndʋ́ ikpeɣliɣ ɖama nɛ ɩkpɛndɩɣ ɩtɔkɩ tɔɔnaɣ se pɩwɩlɩ se ɩsɔɔlɩ ɖama yɔ, pa-lakasɩ kpaɣ-mɩ fɛyɛ. Mbʋ́ pʋyɔɔ yɔ, pɛɖɛlɛsɩɣ niye alɩwaatʋ ndʋ́ pɔtɔkɩ kazandʋ yɔ, fɛyɛ ɛɛkpaɣ-wɛ. Pamaɣzɩɣ pa-maɣmaɣ pa-tɩ yɔɔ ɖeke. Pɛwɛ ɛzɩ mɩndʋ ndʋ́ heɣlim kpakɩɣ nɛ tiiyeki se tɛʋ ɛnɩɩ yɔ. Pɛwɛ ɖɔɖɔ ɛzɩ tɩŋ weyi ɩɩlʋlʋʋ pee nɛ halɩ pɩkpɛndɩnɩ ɩ-lʋlʋʋ alɩwaatʋ yɔ. Pɛwɛ ɛzɩ tɩŋ weyi ɩwɩlaa nɛ pɛkpɛzɩ-ɩ yɔ.

Wɩlʋʋ 18:7

Ɩcɔzɩ-tʋ nɛ iyele tɩ-ɛsɛ ñɩŋ tam ɛzɩma mbʋ́ tɩkʋndaa nɛ tɩsʋʋ ajana taa yɔ! Mbʋ́ pʋyɔɔ yɔ, tɩmaɣzɩɣ tɩ-taa se: ‹Weyi ma mɛnkɛ abiɖe yɔ, mancaɣnɩ cɩnɛ. Mɛntɛkɛ lelu, maakaɣ caɣʋ leɣa nakɛyɛ kaʋ.›