Yakubu 4:8 - New Testament

⁸ Ɩkpɩtɩnɩ Ɛsɔ nɛ ɛ́lɛ́ kpɩtɩnɩ-mɩ. Kɩwɛɛkɩm laɖaa mɩ! Ɩlɩzɩ mi-nesi pʋ-tɔm taa. Nɔsɩ naalɛ tɩnaa mɩ! Iyele mɩ-lɩmaɣza kɩdɛkɛdɛɛ.

Yakubu 4:8 ပူးပေါင်းရင်းမြစ်များ

Maatiyee 12:33

Yesu tasɩ-wɛ heyuu se: «Yee tɩʋ ɛkɛ kɩbaŋgʋ yɔ, kʋlʋlʋʋ pee kɩbana. Yee kɩkɛ ɛzaɣ́ʋ yɔ, kʋlʋlʋʋ pee azaɣ́a: pasɩŋ paa tɩʋ ŋgʋ́ nɛ ki-pee.

Maatiyee 15:2

«Pɩlabɩ ɛzɩma nɛ ñɔ-tɔmkpɛlɩkɩyaa lakɩ mbʋ́ paɖʋ ɖɔ-cɔzɔnaa sɔnzɩ taa se pataala yɔ? Mbʋ́ pʋyɔɔ yɔ, paasaŋɩɣ pe-nesi ɛzɩ paɖʋʋ pɔ-sɔnzɩ taa yɔ nɛ pʋcɔ pɔtɔkɩ tɔɔnaɣ.»

Maatiyee 27:24

Pilaatɩ nawa se paa ɛwɛɛ ɛyɔɔdʋʋ, pɩɩlɛɣzɩɣ pʋyʋ, ɛlɛ́, pɩtɛzɩɣ miŋ saʋ kɩsaʋ. Alɩwaatʋ ńdʋ́ʋ́ etiyaa se pɔkɔnɩ-ɩ lɩm. Pɔkɔnɩ-pʋ lɛ, ɛsɩŋ ɛyáa ɛsɩndaa nɛ ɛsaŋ e-nesi nɛ ɛtɔ se: «Pɩtɛkɛ mɔntɔmna se pakʋ ɛyʋ kʋtʋʋzʋ ɛnɛ! Mɩ-cɔlɔ lɛ!»

Tʋma Labʋ 15:9

Ɛtɔsɔɔlɩ Yuda ñɩma ɖa nɛ pɩkɩlɩ-wɛ, mbʋ́ pʋyɔɔ yɔ, mbá patɩŋa payɩ pɛwɛnɩ lidaʋ ɛ-yɔɔ yɔ, ɛñalɩ pa-kɩwɛɛkɩm.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

1 Timootee 2:8

Pʋ-yɔɔ me-liu wɛɛ se abalaa ɛsɛɣ Ɛsɔ paa le lɛ, pakpazɩ pe-nesi ɛsɔdaa. Ɛlɛ́, kɩwɛɛkɩm nabʋyʋ ɛtaawɛɛ pɔ-yɔɔ. Nɔɔyʋ pana ɛtaakpanɩ lɛlʋ, you ɛtaawɛɛ ɖɔɖɔ.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

Yakubu 1:8

Mbʋ́ pʋyɔɔ yɔ, ɛfɛyɩnɩ lɩmaɣzɩyɛ kʋɖʋmɖɩyɛ, ɛɖɔŋ taa nɛ wayɩ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.

1 Yohanɛɛsɩ 3:3

Weyi ɛtaɣ-ɩ liu ḿbʋ́ yɔ, ɛñɔɔzʋʋ ɛ-tɩ nɛ ɛwɛɛ cɩɖɩcɩɖɩ ɛzɩ Yesu Krɩstʋ ɛnʋ ɛwɛʋ yɔ.