Yakubu 4:5 - New Testament

⁵ Ɩmaɣzɩɣ se Ɛsɔtɔm Takayaɣ taa tɔm tʋnɛ, tɩfɛyɩ wazaɣ naa we? Ńdʋ́ lɛ se: «Ɛsɔ ñɩnɩɣ fezuu ŋgʋ́ ɛha-ɖʋ yɔ nɛ sʋsɩ.»

Yakubu 4:5 ပူးပေါင်းရင်းမြစ်များ

Yohanɛɛsɩ 10:35

Đɩnawa se paapɩzɩɣ pahɩzɩ tɔm ndʋ́ pama Ɛsɔtɔm Takayaɣ taa yɔ. Ŋgʋ́, tɩ-taa Ɛsɔ ya mbá ɛyɔɔdaɣnɩ-wɛ yɔ se ɛsɔnaa.

Yohanɛɛsɩ 19:37

Pama ka-taa ɖɔɖɔ se: «Pɔkɔŋ cɔnaʋ weyi patʋlɩ ɛ-hʋyʋʋ taa yɔ.»

Yohanɛɛsɩ 7:42

Pama Ɛsɔtɔm Takayaɣ taa se: ‹Weyi Ɛsɔ Lɩzaa Yɔ, ɛkɛɣ Daaviidi liɖe taa tʋ. Palʋlʋʋ-ɩ Bɛtlɛhɛm tɛtʋ taa ɖenɖe Daaviidi kɛwɛɛ yɔ.› »

Tʋma Labʋ 7:9

Cɔzɔnaa ḿbá palabɩnɩ ɛsɩsɛmɩyɛ pa-taa lɛlʋ weyi payaɣ se Yozɛɛfʋ yɔ ɛ-yɔɔ nɛ pɛpɛdɩ-ɩ nɛ nabɛyɛ nɛ paba woni-i Ejiptɩ nɛ papɩsɩ-ɩ yom. Ɛlɛ́, Ɛsɔ taalɔ-ɩ kaʋ.

Room 1:29

Ḿbʋ́ suni pa-taa ɖo. Ḿbʋ́ lɛ: mbʋ́ pɩtatʋʋzɩ yɔ pɩtɩŋa nɛ kɩdɛkɛdɩm nɛ ɛsɛ naɣnaɣ nɛ kañatʋ nɛ ɛsɩsɛmɩyɛ nɛ ɛyáa kʋʋ nɛ eyoziye nɛ ɛyáa cɛtʋʋ nɛ ɛzaɣ́tʋ nɛ ɛyáa tɔm yɔɔdʋʋ.

Room 9:17

Pama Ɛsɔtɔm Takayaɣ taa se Ɛsɔ heyi Ejiptɩ wiyaʋ sɔsɔ se: «Ña-maɣmaɣ mɛncɛlɩ kewiyaɣ se mantɩŋnɩ ñɔ-yɔɔ nɛ mawɩlɩ ɛyáa mon-ɖoŋ nɛ ma-hɩɖɛ sɛɛ kedeŋa kpeekpe yɔɔ.»

1 Kɔrɛntɩ 6:19

Ɩtatɩlɩ se mi-tomnaɣ lɛ Fezuu ŋgʋ́ Ɛsɔ ha-mɩ nɛ kɩwɛɛ mɩ-taa yɔ kɩ-ɖɩɣa naa we? Pɩtɛkɛ mɩtɩnɩ mɩ-tɩ.

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

Galaatɩ 3:8

Đɔɖɔ lɛ, pama Ɛsɔtɔm Takayaɣ taa ɖooo lɔŋ se mbá pɛtɛkɛ Yuda ñɩma yɔ, pɔkɔŋ wɛnaʋ lidaʋ Ɛsɔ yɔɔ se ɛ́lɛ́ ɛkpaɣ-wɛ se pɛkɛ kʋtʋʋzaa. Pʋ-yɔɔ Ɛsɔ kalayɩnɩ Abraham heyuu laŋhɛzɩyɛ tɔm. Ńdʋ́ lɛ se: «Ñɔ-yɔɔ lɛ, mɔnkɔŋ wazʋʋ kedeŋa kpeekpe ɛyáa yɔɔ.»

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.