2 Mi-liu wɛ nabʋyʋ, ɛlɛ́, ɩɩpɩzɩɣ se ihiɣ-pʋ. Ɩɖʋʋ ɛsɩyɛ lɛlaa ñɩm yɔɔ nɛ ɩcaɣ se ɩkʋ-wɛ, ɛlɛ́, pɩɩlɩɣ-mɩ pʋyʋ. Ḿbʋ́ labɩna nɛ ɩwɛɛ iyou nɛ ɩlʋkɩ. Ŋgʋ́, ɩtasʋlʋmɩ Ɛsɔ yɔɔ itehiɣ-pʋ.
Halɩ nɛ sɔnɔ ɩtatɩɩsʋlʋmɩda nabʋyʋ nɛ mɔ-nɔɔ. Pʋ-yɔɔ lɛ, ɩsʋlʋmɩ-ɩ, ɛhaɣ-mɩ nɛ mɩ-laŋa tɛzɩ hʋlʋmʋʋ.»
Ɛlɛ́, Yesu heyi-i se: «Yee ŋŋsɩm mbʋ́ Ɛsɔ haɣ yɔ nɛ ŋtɩlɩ ɖɔɖɔ weyi ɛsʋlʋmʋʋ-ŋ lɩm yɔ yɔ, ñaasʋlʋmɩnɩ-ɩ, pʋbʋ ɛɛha-ŋ lɩm mbʋ́ pɩhaɣ wezuu yɔ.»
Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.
Ɩkʋ ɛyáa kʋtʋʋzaa tɔm nɛ ɩtɛ ɩkʋ-wɛ nɛ pasɩ: patapɩzɩ pakaɖɩnɩ-mɩ.
Weyi ɛpaɖɩɣ ɛ-taabalʋ yɔ, ɛkɛ ɛyáa kʋyʋ. Ɩtɛm naʋ se ɛyáa kʋyʋ fɛyɩnɩ wezuu maatɛŋ.