Yakubu 4:11 - New Testament

¹¹ Taabalaa! Ɩtaayɔɔdɩ ɖama yɔɔ tɔm ɛzaɣ́tʋ. Weyi ɛyɔɔdʋʋ lɛlʋ yɔɔ tɔm ɛzaɣ́tʋ yaa ɛkpɛzɩɣnɩ-ɩ yɔ, ɛyɔɔdɩ ɖɔɖɔ mbʋ́ paɖʋ paɣtʋ taa yɔ pʋ-yɔɔ tɔm ɛzaɣ́tʋ nɛ ɛtɛ ɛkpɛɛnɩ-tʋ. Yee ŋkpɛɣnɩ paɣtʋ yɔ, ŋŋɖɔŋ tɩ-yɔɔ, ɛlɛ́, ŋkpaɣ ña-tɩ se ŋkɛ tɔm hʋyʋ.

Yakubu 4:11 ပူးပေါင်းရင်းမြစ်များ

Luka 6:37

Yesu tasɩ-wɛ heyuu se: «Ɩtaahʋʋnɩ nɔɔyʋ nɛ Ɛsɔ ɛɛhʋʋnɩ-mɩ. Ɩtaakʋ nɔɔyʋ tɔm nɛ Ɛsɔ ɛɛkʋʋ mɩ-ñɩndʋ. Ikpeɣ nɛ Ɛsɔ kpeɣ-mɩ.

Room 2:1

Weyi ña ŋmaɣzɩɣ se lɛlaa ɛɛlakɩ camɩyɛ yɔ, paa ŋkɛ anɩ yɔ, natʋyʋ fɛyɩ se ŋwaɣna. Mbʋ́ pʋyɔɔ yɔ, alɩwaatʋ ndʋ́ ŋmaɣzɩɣ se lɛlaa ɛɛlakɩ camɩyɛ nɛ ŋlakɩ ɖɔɖɔ ɛzɩ ḿbá yɔ, ŋkʋʋ ña-maɣmaɣ ñɔ-tɔm.

Room 2:13

Toovenim lɛ, pɩtɛkɛ mbá pewelesiɣ mbʋ́ paɖʋ paɣtʋ taa yem yɔ lɛ mbá patʋʋzɩ Ɛsɔ ɛsɩndaa yɔ. Ɛlɛ́, mbá pɔɖɔŋ tɩ-yɔɔ yɔ, ḿbá kɛɣnɩ kʋtʋʋzaa ɛ-ɛsɩndaa.

Room 7:7

Se we ɖɩɩyɔɔdɩ yɔ? Mooyiizi paɣtʋ kɛ kɩwɛɛkɩm naa we? Pɩtɛkɛ ḿbʋ́ kpem! Ɛlɛ́, tɩ-yɔɔ pɩtɩŋnaa nɛ mantɩlɩ mbʋ́ pɩkɛ kɩwɛɛkɩm yɔ. Mbʋ́ pʋyɔɔ yɔ, yee pataaɖʋ tɩ-taa se: «Taaɖʋ ɛsɩyɛ lɛlʋ ñɩm yɔɔ» yɔ, mantaatɩlɩ mbʋ́ ɛsɩyɛ ɖʋʋ kɛnaa yɔ.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 12:20

Mbʋ́ pʋyɔɔ yɔ, manpɩsɩɣ mɩ-tɛ. Ɛlɛ́, sɔɔndʋ kpaɣ-m se maamakɩnɩ-mɩ ɛzɩ me-liu wɛʋ yɔ nɛ mɩ-maɣmaɣ ɩɩnaɣ-m ɛzɩ mi-liu wɛʋ ɖɔɖɔ yɔ. Tɩkpaɣ-m ɖɔɖɔ se mamakɩnɩ you nɛ ɛsɩsɛmɩyɛ nɛ pana nɛ paɖɩyɛ nɛ tʋtʋ nɛ ɛyáa tɔm yɔɔdʋʋ nɛ tɩ kpazʋʋ nɛ yem yem lakasɩ mɩ-hɛkʋ taa.

Efɛɛzɩ 4:31

Iyele ɛsɛñɩŋɩyɛ nɛ tɔm ñasʋʋ nɛ pana nɛ holuu nɛ ɛyáa hɩla wɛɛkʋʋ nɛ pɩkpɛndɩnɩ kañatʋ tɩŋa payɩ.

1 Timootee 3:11

Pʋwɛɛ se pa-halaa ɛkɛ ɖɔɖɔ ɛyáa kʋtʋʋzaa. Pataayɔɔdʋʋ ɛyáa tɔm, pɛ-ɛsɛ ekuli nɛ pala paa ɛbɛ ɛzɩ pʋpɔzʋʋ yɔ.

2 Timootee 3:3

Pa-paa ɛɛwɛɣnɩ pʋyʋ, paasɩŋ pʋtɔdɩyɛ, pɛwɛɛkɩɣ ɛyáa hɩla, paasɩŋ pa-tɩ ɖɔkʋʋ, pɛwɛɣ ñaŋ nɛ pɛkɛ mbʋ́ pʋwɛ ɖeu yɔ pu-koyindinaa.

Tiiti 2:3

Halaa akpadɩyaa lɛ, heyi paba se pacaɣ wezuu ɛzɩ pʋmʋnaʋ se Ɛsɔ ñɩma ɛcaɣ yɔ. Pɩtamʋnɩ se pɛwɛɛkɩɣ ɛyáa hɩla yaa pɛkɛ sʋlʋm yomaa. Ɛlɛ́, pʋwɛɛ se patasɩ ɛyáa tɔm kɩbandʋ.

Yakubu 1:16

Man-taabalaa kʋsɔɔlaa! Ɩtaacɛtɩ mɩ-tɩ.

Yakubu 1:19

Man-taabalaa kʋsɔɔlaa! Ɩtɩlɩ se: pʋwɛɛ se paa weyi ɛɖaŋ kpam nɛ ewelesini lɛlaa. Đɔɖɔ lɛ, ɛtaakpedesi se ɛyɔɔdʋʋ, ɛ-pana ɛtaakpa yem yem.

Yakubu 1:25

Weyi ɛ́lɛ́ ñatazɩɣ paɣtʋ maɣmaɣ taa siŋŋ yɔ, ehikiɣ ɛ-tɩ mbʋ́ pɩtɩŋa payɩ ɛlakɩ yɔ pɩ-taa. Ńdʋ́ yekina nɛ ɛyʋ wɛɛ ɛ-tɩ yɔɔ. Eewelesiɣ-tʋ yem nɛ ɛsɔɔ-tʋ, ɛlɛ́, ɛɖɔŋ tɩ-yɔɔ siŋŋ.

Yakubu 2:8

Toovenim lɛ, yee ɩɖɔŋ Ɛsɔ Kewiyaɣ paɣtʋ yɔɔ yɔ, pʋbʋ, ɩlabɩ camɩyɛ. Pama-tʋ Ɛsɔtɔm Takayaɣ taa, ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»

Yakubu 5:10

Taabalaa! Ɩtɔzɩ náyaa mbá pɔyɔɔdaɣnɩ Kɩpaɣlʋ nɔɔ yɔ pɔ-yɔɔ, ɩla ɛzɩ palabʋ yɔ. Pɔɖɔkɩ pɔ-hɔ siŋŋ alɩwaatʋ ndʋ́ pɔtɔkaɣ kʋñɔŋ yɔ.

Yakubu 5:7

Taabalaa! Pʋ-yɔɔ meheyiɣ-mɩ se ɩɖɔkɩ mɩ-hɔ nɛ pʋkɔɔ pɩsɩɩnɩ alɩwaatʋ ndʋ́ Kɩpaɣlʋ kɔŋ yɔ. Ɩcɔnɩ ɛzɩma mbʋ́ haɖʋ ɖɔkʋʋ ɛ-hɔyɛ nɛ ɛɖaŋ se ɛkɔŋ tɔɔnaɣ kɩbaŋga kʋm ɛ-hayɩm taa yɔ: ɛɖɔkʋʋ ɛ-hɔyɛ nɛ kajalaɣ tɛŋ nɛ kɛtɛzaɣ ñɩŋ panɩɩ.

Yakubu 5:9

Taabalaa! Ɩtaatɩmnɩ ɖama, pɩtɛkɛ ḿbʋ́, Ɛsɔ hʋʋnɩ-mɩ nɛ ɛkʋ mɩ-tɔm. Ɩcɔnɩ ɩna: tɔm hʋyʋ talɩ nɔnɔɔ taa!

1 Pɩyɛ 2:1

Pʋ-yɔɔ lɛ, iyele kɩwɛɛkɩm tɩŋa payɩ labʋ: kañatʋ nɛ cɛtʋʋ nɛ tɛɛ nɛ pʋ-yɔɔ lakasɩ nɛ ɛsɩsɛmɩyɛ nɛ lɛlaa tɔm ɛzaɣ́tʋ yɔɔdʋʋ.