Yakubu 4:1 - New Testament

¹ You nɛ lʋbɩyɛ palɩnɩ le mɩ-hɛkʋ taa? Mbʋ́ ɩsɔɔlɩ labʋ kpem nɛ pʋwɛɛ mɩ-taa nɛ piseɣtiɣ-mɩ yɔ, pʋ-cɔlɔ pɩlɩnaa.

Yakubu 4:1 ပူးပေါင်းရင်းမြစ်များ

Maatiyee 15:19

Mbʋ́ pʋyɔɔ yɔ, lɩmaɣza kɩdɛkɛdɛɛ wena awɛ ɛyʋ taa yɔ, ana yekina se ɛkʋ ɛyʋ yaa ɛla acɛyɛ yaa ɛla acɛyɛ yaa ɛmɩlɩ yaa ɛcɛtɩnɩ lɛlaa taa yaa ɛwɛɛkɩ pa-hɩla.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Room 7:23

Ɛlɛ́, manaɣ se nabʋyʋ wɛ man-taa ɖɔɖɔ, pʋ nɛ mbʋ́ pɩkɛdɩnɩ-m ma-lɩmaɣza taa yɔ palʋkɩ. Ḿbʋ́ pɩsɩɣnɩ-m kɩwɛɛkɩm mbʋ́ pʋwɛ man-taa yɔ pu-yom.

Room 7:5

Toovenim lɛ, alɩwaatʋ ndʋ́ ɖɩlakaɣ ɛzɩ ɖe-liu wɛʋ yɔ, paɣtʋ yɔɔ pɩtɛzaɣ-ɖʋ labʋ liu se ɖɩla kɩwɛɛkɩm. Ŋgʋ́, pɩtɛŋnɩ-ɖʋ sɩm.

Room 8:7

Mbá panɩɣnɩ mbʋ́ pa-maɣmaɣ pe-liu wɛɛ yɔ, pɛkɛ Ɛsɔ koyindinaa. Mbʋ́ pʋyɔɔ yɔ, paaɖɔŋ Ɛsɔ paɣtʋ yɔɔ. Halɩ paatɩɩpɩzɩɣ pɔɖɔ tɩ-yɔɔ kpem.

Galaatɩ 5:17

Mbʋ́ mɩ-maɣmaɣ mi-liu wɛɛ yɔ, pɩtɛkɛ ḿbʋ́ Fezuu Kiɖeɖeu liu wɛɛ. Mbʋ́ Fezuu Kiɖeɖeu liu ñɛwɛɛ yɔ, pɩtɛkɛ ḿbʋ́ mi-liu ñɛwɛɛ. Mbʋ́ ki-liu wɛɛ yɔ nɛ kɩdɛkɛdɩm mbʋ́ ɛyʋ sɔɔlɩ labʋ yɔ, pɩtata. Pʋ-yɔɔ ɩɩpɩzɩɣ ɩla mbʋ́ mɩ-maɣmaɣ mi-liu wɛɛ yɔ.

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

2 Timootee 2:23

Ɛlɛ́, yele kɩmɛlɛndʋ tɔm nɛ ndʋ́ tɩɩwazɩɣ pʋyʋ yɔ pɔ-hɔm, mbʋ́ pʋyɔɔ yɔ, ŋna ɖeu se tɩkɔŋnɩ you.

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.

Tiiti 3:9

Ɛlɛ́, koli cɔzɔnaa hɩla wena afɛyɩ kalʋʋ yɔ a-tɔm, mbʋ́ pʋyɔɔ yɔ, tɩkɛ kɩmɛlɛndʋ. Koli ɖɔɖɔ you nɛ Mooyiizi paɣtʋ yɔɔ tɔm hɔm. Pɩfɛyɩ wazaɣ nakɛyɛ, pɩfɛyɩ kɛzɛɣa ɖɔɖɔ.

Yakubu 1:14

Ɛlɛ́, mbʋ́ ɛyʋ sɔɔlɩ ɛ-maɣmaɣ kpem nɛ pɩkɩlɩ yɔ, ḿbʋ́ hɔŋnɩ-ɩ nɛ puwokini-i takʋʋ taa.

Yakubu 4:3

Paa ɩsʋlʋmɩ-ɩ yɔ, ɛɛhaɣ-mɩ, mbʋ́ pʋyɔɔ yɔ, ɩɩsɩŋ sʋlʋmʋʋ: ɩsʋlʋmʋʋ mbʋ́ ɩcaɣ se ɩkpaɣ nɛ ɩlabɩnɩ mbʋ́ ɩsɔɔlaa kpem yɔ.

1 Pɩyɛ 1:14

Ɩña Ɛsɔ ɛzɩ piya nzɩ́ sɩñaŋ sɩ-caa yɔ. Iyele mbʋ́ mi-liu kɛwɛ alɩwaatʋ ndʋ́ ɩtasɩmdɩ-ɩ yɔ.

1 Pɩyɛ 2:11

Mɛ-ɛgbaɣdɩnaa! Ɩkɛ agɔmaa nɛ nʋmɔɖɔnaa kedeŋa yɔɔ cɩnɛ. Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ nɛ mɩ-maɣmaɣ mɩ-wɛtʋ ɛtaahɔm-mɩ nɛ ɩla mbʋ́ ɩtaasɔɔlɩ yɔ.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.

2 Pɩyɛ 3:3

Mbʋ́ pʋwɛɛ se ɩtɩlɩ kpem yɔ lɛ se kɛtɛzaɣ alɩwaatʋ taa lɛ, mbá powoŋuu-mɩ yɔ, pɔkɔŋ lɩʋ. Pɔkɔŋ labʋ ɛzaɣ́tʋ ndʋ́ pa-maɣmaɣ pe-liu wɛɛ yɔ