Yakubu 3:15 - New Testament

¹⁵ Mbá palakɩ ḿbʋ́ yɔ, pɔ-lɔŋsɩnɖɛ talɩɩnɩ Ɛsɔ cɔlɔ. Ɛlɛ́, kedeŋa yɔɔ cɩnɛ ɖɩlɩnaa, ɛyáa lɔŋsɩnɖɛ pɩkɛnaa, aleewaa cɔlɔ ɖɩlɩnaa.

Yakubu 3:15 ပူးပေါင်းရင်းမြစ်များ

Luka 16:8

Pʋwayɩ lɛ, tʋmlaɖʋ ɛzaɣ́ʋ ɛnʋ ɛ-caa yɩɣyɩ-ɩ. Mbʋ́ pʋyɔɔ yɔ, ɛwɛnɩ lɛɣtʋ. Kedeŋa kanɛ kɔ-yɔɔ ñɩma wɛnɩ lɛɣtʋ pa-lakasɩ taa nɛ pɩkɩlɩ ñalɩmɩyɛ taa ñɩma.

Yohanɛɛsɩ 3:17

Toovenim lɛ, Ɛsɔ tetiyi ɛ-Pɩyalʋ ɛyáa cɔlɔ se ɛhʋʋnɩ-wɛ nɛ ɛkʋ pɔ-tɔm. Ɛlɛ́, etiyi-i se ɛya pa-ñʋʋ.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Tʋma Labʋ 13:10

nɛ eheyi-i se: «Cɛtɩyʋ ña, ŋcɛtɩɣ ɛyáa tɩŋa! Kañadʋ ña weyi ŋŋcaɣ se ŋna pʋyʋ kʋtʋʋzʋ ñɛ-ɛsɩndaa kpem yɔ! Đooye ŋcaɣ se ŋyele Kɩpaɣlʋ nɩmaŋ wɛɛkʋʋ?

Room 1:22

Pakpazaɣ pa-tɩ se pɛkɛ lɔŋsɩnɖaa nɛ papɩsɩ kpaanzɩyaa.

1 Kɔrɛntɩ 1:27

Ɛlɛ́, Ɛsɔ lɩzɩ mbá ɛyáa kpakɩɣ se kɩmɛlɛmɩŋ yɔ nɛ ɛɖʋnɩ lɔŋsɩnɖaa fɛyɛ. Ɛlɩzɩ ɖɔɖɔ mbʋ́ pʋwɛ ɛjandʋ kedeŋa yɔɔ yɔ nɛ ɛɖʋnɩ mbʋ́ pʋwɛ ɖoŋ yɔ fɛyɛ.

1 Kɔrɛntɩ 2:14

Ɛlɛ́, mbá ɛtaha-wɛ-kʋ yɔ, paapɩzɩɣ petisi toovenim tɔm ndʋ́ kiheyiɣ ɛyáa yɔ. Pamaɣzɩɣ se tɩkɛ kɩmɛlɛndʋ tɔm. Paapɩzɩɣ panɩɩ-tʋ. Mbʋ́ pʋyɔɔ yɔ, mbá Ɛsɔ ha-wɛ e-Fezuu Kiɖeɖeu yɔ pe-ɖeke papɩzɩɣna panɩɩ tɩ-tɔbʋʋ.

1 Kɔrɛntɩ 3:19

Mbʋ́ pʋyɔɔ yɔ, kedeŋa lɔŋsɩnɖɛ kɛ kɩmɛlɛndʋ Ɛsɔ ɛsɩndaa. Pʋwɛ ɛzɩ pamaʋ Ɛsɔtɔm Takayaɣ taa se: «Ɛsɔ kpaɣ lɔŋsɩnɖaa nɛ pa-maɣmaɣ pɛ-cɛtɩm» yɔ.

1 Kɔrɛntɩ 3:3

Mbʋ́ pʋyɔɔ yɔ, mi-wezuu caɣʋ taa lɛ, ɩlakɩ ɛzɩ ɩɩwɛʋ yɔ. Alɩwaatʋ ndʋ́ ɛsɩsɛmɩyɛ nɛ you pɛwɛ mɩ-hɛkʋ taa yɔ, ɩfɛyɩ ɛzɩ ɩɩwɛʋ yɔ yaa we? Yaa mi-wezuu caɣʋ ñɛfɛyɩ ɖɔɖɔ ɛzɩ ɛyáa lɛlaa yɔ?

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 11:3

Ɛlɛ́, sɔɔndʋ kpaɣ-m se ɛzɩma mbʋ́ ɖʋm kowobi ɛcɛtɩ Ɛɛvɩ nɛ ɛ-lɛɣtʋ yɔ, nɔɔyʋ ɛɛtaakɔɔ eliɣti mɩ-lɩmaɣza nɛ iyele Krɩstʋ weyi ɩsɔɔlɩ-ɩ nɛ mɩ-laŋɩyɛ tɩŋa yem fɛɛɛ yɔ.

Filiipu 3:19

Ɛyáa ḿbá, pɛtɛŋnɩ lebu, mbʋ́ pʋyɔɔ yɔ, po-lotu lɛ pɛ-Ɛsɔ. Mbʋ́ pɩɩwɛɛ se pɩkpa-wɛ fɛyɛ yɔ, papɩsaa pakʋndʋʋnɩ-pʋ nɛ pamaɣzɩɣ mbʋ́ pʋwɛ kedeŋa yɔɔ yɔ, pʋ-yɔɔ ɖeke.

2 Tesalooniki 2:9

Pʋcɔ pɩla ḿbʋ́ lɛ, Kañadʋ ɛnʋ, ɛkaɣ kɔm nɛ Satanɩ ɖoŋ nɛ ɛla hama lakasɩ ndɩ ndɩ nɛ ɛwɩlɩ kawɩlɩsɩ nɛ ɛcɛtɩnɩ ɛyáa.

1 Timootee 4:1

Fezuu Kiɖeɖeu yɔɔdɩ kpayɩ se kɛtɛzaɣ alɩwaatʋ taa lɛ, ɛyáa nabɛyɛ kɔŋ yebu lidaʋ ŋgʋ́ pɛwɛnɩ Krɩstʋ yɔɔ yɔ nɛ panɩɣnɩ feziŋ weyi ɩcɛtɩɣ yɔ nɛ pewelesiɣ tɔm ndʋ́ aleewaa wɩlɩɣ yɔ.

Yakubu 1:17

Mbʋ́ pɩtɩŋa pahaɣ ɛyʋ nɛ pʋwɛ ɖeu pɩtɩɩfɛyɩ yɔ, Ɛsɔ weyi ɛwɛ ɛsɔdaa yɔ ɛ-cɔlɔ pɩlɩnaa. Ɛnʋ labɩnɩ wɩsɩ nɛ fenaɣ nɛ tɩɩnzɩ. Ɛɛlɛɣzɩɣ kaʋ: ɛfɛyɩ ɛzɩ kɩlɛmʋʋ yɔ.

Yakubu 1:5

Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

Yuudi 1:19

Ḿbá ɖɔɖɔ yekina nɛ ɛyáa tayɩɣ ɖama. Mbʋ́ pʋwɛ pa-maɣmaɣ pa-taa yɔ, pi-ɖeke palakɩ. Fezuu Kiɖeɖeu fɛyɩ pɔ-cɔlɔ.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 2:24

‹Ɛlɛ́, meheyiɣ Tiyaatiiri ñɩma mbá mɩ ɩɩɖɔŋ tɔm ńdʋ́ tɩ-yɔɔ ɛzɩ lɛlaa yɔ nɛ ɩtatazɩ Satanɩ ñɩndʋ ndʋ́ lɛlaa mbá pɔtɔŋ se tɩ-taa wɛ cukaŋ yɔ tɩ-taa yɔ se maatasɩɣ-mɩ sɔzʋʋ sʋʋtʋ natʋyʋ.

Wɩlʋʋ 9:11

Kɩwɛnɩ wiyaʋ nɔɔyʋ, ɛnʋ lɛ asayʋʋ tiyiyu. Payaɣ-ɩ nɛ Ebree taa se: Abaadɔɔ nɛ Grɛɛkɩ taa se: Apoliyɔɔ.