Yakubu 3:14 - New Testament

¹⁴ Ɛlɛ́, yee ɩlakɩ ɛsɩsɛmɩyɛ kadadaɣyaɣ nɛ ɩkɛɣyɩɣ ɖama yɔ, ɩtaakʋndɩ, ɩtaakpɛzɩ mbʋ́ pɩkɛ toovenim yɔ.

Yakubu 3:14 ပူးပေါင်းရင်းမြစ်များ

Maatiyee 27:18

Ɛpɔzɩ-wɛ ḿbʋ́, mbʋ́ pʋyɔɔ yɔ, ɛnawa se paanaɣ Yesu nɛ ɛsɩyɛ yɔɔ pakpa-ɩ nɛ powoni ɛ-cɔlɔ.

Yohanɛɛsɩ 16:2

Pɔkɔŋ-mɩ ɖaŋʋʋ se ɩtaatasɩ wobu Ɛsɔ ɖɩsɛyɛ naɖɩyɛ taa. Halɩ alɩwaatʋ natʋyʋ kɔŋ nɛ mbá pakʋʋ-mɩ yɔ, pamaɣzɩ se Ɛsɔ tʋmɩyɛ palakɩ ḿbʋ́.

Tʋma Labʋ 13:45

Yuda ñɩma na ɛyáa samaɣ ḿbʋ́ lɛ, papazɩ ɛsɩsɛmɩyɛ labʋ Pɔɔlɩ yɔɔ nɛ patʋʋ-ɩ nɛ pɛkpɛzɩɣnɩ-ɩ.

Tʋma Labʋ 26:9

Ma lɛ, maamaɣzaa se manɖɩkɩ nʋmɔŋ tɩŋa payɩ nɛ nɔɔyʋ ɛtaatasɩ yaʋ Nazarɛɛtɩ tʋ Yesu hɩɖɛ.

Tʋma Labʋ 5:17

Pɩlakaɣ ḿbʋ́ lɛ, Saduki ŋgbɛyɛ taa ñɩma tɩŋa payɩ wɛ cɔjɔnaa ñʋʋdʋ cɔlɔ. Panɩ ḿbʋ́ lɛ, pala ɛsɩsɛmɩyɛ nɛ paɖʋ se pakpaɣ Yesu tiyiyaa.

Tʋma Labʋ 7:9

Cɔzɔnaa ḿbá palabɩnɩ ɛsɩsɛmɩyɛ pa-taa lɛlʋ weyi payaɣ se Yozɛɛfʋ yɔ ɛ-yɔɔ nɛ pɛpɛdɩ-ɩ nɛ nabɛyɛ nɛ paba woni-i Ejiptɩ nɛ papɩsɩ-ɩ yom. Ɛlɛ́, Ɛsɔ taalɔ-ɩ kaʋ.

Room 1:29

Ḿbʋ́ suni pa-taa ɖo. Ḿbʋ́ lɛ: mbʋ́ pɩtatʋʋzɩ yɔ pɩtɩŋa nɛ kɩdɛkɛdɩm nɛ ɛsɛ naɣnaɣ nɛ kañatʋ nɛ ɛsɩsɛmɩyɛ nɛ ɛyáa kʋʋ nɛ eyoziye nɛ ɛyáa cɛtʋʋ nɛ ɛzaɣ́tʋ nɛ ɛyáa tɔm yɔɔdʋʋ.

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

Room 2:17

Weyi ña ŋyaɣ ña-tɩ se Yuda tʋ yɔ, ŋtaɣ paɣtʋ liu nɛ ŋkʋndʋʋnɩ Ɛsɔ.

Room 2:8

Ɛlɛ́, ɛ-pana kɔŋ kpanaʋ siŋŋ mbá pakaɖɩɣnɩ-ɩ nɛ paañaŋ mbʋ́ pɩkɛ toovenim nɛ panɩɣnɩ mbʋ́ pɩtatʋʋzɩ kpem yɔ.

1 Kɔrɛntɩ 13:4

Weyi ɛsɔɔlʋʋ ɛyáa yɔ, ɛɖɔkʋʋ ɛ-tɩ, ɛsɩŋnɩ-wɛ, ɛɛwɛɣ ɛsɩsɛmɩyɛ. Ɛɛkpazɩɣ ɛ-tɩ, ɛɛwɛɣ ajana.

1 Kɔrɛntɩ 3:3

Mbʋ́ pʋyɔɔ yɔ, mi-wezuu caɣʋ taa lɛ, ɩlakɩ ɛzɩ ɩɩwɛʋ yɔ. Alɩwaatʋ ndʋ́ ɛsɩsɛmɩyɛ nɛ you pɛwɛ mɩ-hɛkʋ taa yɔ, ɩfɛyɩ ɛzɩ ɩɩwɛʋ yɔ yaa we? Yaa mi-wezuu caɣʋ ñɛfɛyɩ ɖɔɖɔ ɛzɩ ɛyáa lɛlaa yɔ?

1 Kɔrɛntɩ 5:2

Pɩtasɩ ɖɔɖɔ lɛ, ɩwɛɛ ɩkpazɩɣ mɩ-tɩ. Ŋgʋ́, pɩɩwɛɛ se mɩ-ɛsɛ ɛñɩŋ nɛ ɩɖɔɔnɩ weyi ɛlabɩ lakasɩ ńzɩ́ yɔ mɩ-ŋgbɛyɛ taa.

1 Kɔrɛntɩ 5:6

Pɩfɛyɩ ɖeu se ɩkpazɩ mɩ-tɩ. Ɩtatɩlɩ se potuu eduuye se: «Sɔsɔɔna pazɩ yekina nɛ somtu huúú yaa we?»

2 Kɔrɛntɩ 12:20

Mbʋ́ pʋyɔɔ yɔ, manpɩsɩɣ mɩ-tɛ. Ɛlɛ́, sɔɔndʋ kpaɣ-m se maamakɩnɩ-mɩ ɛzɩ me-liu wɛʋ yɔ nɛ mɩ-maɣmaɣ ɩɩnaɣ-m ɛzɩ mi-liu wɛʋ ɖɔɖɔ yɔ. Tɩkpaɣ-m ɖɔɖɔ se mamakɩnɩ you nɛ ɛsɩsɛmɩyɛ nɛ pana nɛ paɖɩyɛ nɛ tʋtʋ nɛ ɛyáa tɔm yɔɔdʋʋ nɛ tɩ kpazʋʋ nɛ yem yem lakasɩ mɩ-hɛkʋ taa.

Galaatɩ 5:15

Ɛlɛ́, yee ɩwɛɛ nɛ ɩlakɩ ɛzɩ tɛtɛ kpɩna nɛ ɩpaŋ ɖama kela nɛ ɩnazɩɣ ɖama yɔ, pʋbʋ, ɩkpa mɩ-tɩ. Pɩtɛkɛ ḿbʋ́, ɩkɔŋ ɩtɛ mɩtɩŋa yem.

Galaatɩ 5:20

nɛ agɔlɩma tɛɛ luŋuu nɛ fadɩŋ labʋ nɛ koyindiye nɛ you nɛ ɛsɩsɛmɩyɛ nɛ pana kɔʋ kadadayaɣ nɛ ɖama yɔɔ kʋyʋʋ nɛ tayʋʋ

Galaatɩ 5:21

nɛ lɛlaa ñɩm yɔɔ ɛsɩyɛ ɖʋʋ nɛ sʋlʋm kpaŋʋʋ nɛ kazandʋ labʋ kadadayaɣ nɛ lakasɩ kɩdɛkɛdɩsɩ lɛɛsɩ ndɩ ndɩ ɖɔɖɔ. Maatɛm-mɩ heyuu nɛ lɛɛlɛɛyɔ mantasɩɣ-mɩ heyuu se: mbá patɩŋa payɩ palakɩ pɩtɛ lakasɩ ńzɩ́ yɔ, pa-taa nɔɔyʋ ɛɛkaɣ sʋʋ Ɛsɔ Kewiyaɣ taa kaʋ.

Galaatɩ 5:26

Đɩtaakpazɩ ɖa-tɩ, ɖɩɖɔkɩ ɖa-tɩ nɛ ɖa-pana ɛtaakpanɩ ɖama yaa ɖɩtaaɖʋ ɛsɩyɛ ɖama yɔɔ.

Galaatɩ 6:13

Ɛyáa ḿbá, pa-maɣmaɣ paaɖɔŋ paɣtʋ yɔɔ. Ɛlɛ́, pe-liu wɛɛ se pɛpɛlɩ-mɩ nɛ pakʋndɩ se itisi yʋsaɣ ŋ́gá mɩ-yɔɔ.

Filiipu 1:15

Toovenim lɛ, pa-taa nabɛyɛ taa wɛnɩ-m nɛ posusuu Krɩstʋ tɔm nɛ ɛsɩsɛmɩyɛ. Ɛlɛ́, pa-taa lɛlaa ñosusaɣ-tʋ nɛ lɩmaɣza kɩbana. Paba lakɩ ḿbʋ́ nɛ sɔɔlɩm, mbʋ́ pʋyɔɔ yɔ, pɛtɛm naʋ se Ɛsɔ ɖʋnɩ-m cɩnɛ se malʋ Laŋhɛzɩyɛ Tɔm yɔɔ. Piyele kajalaɣ ñɩma yɔ, paasusuu Krɩstʋ tɔm nɛ lɩmaɣza kɩbana. Pañɩnɩɣ se pala mɔ-yɔɔ ɛsɩsɛmɩyɛ nɛ piyele mɛntɛzɩ labʋ kʋñɔŋ salaka taa.

Filiipu 2:3

Ɩtaala nabʋyʋ se ɩkɩlɩnɩ lɛlaa yaa ɩkʋndɩnɩ-pʋ falaa. Ɛlɛ́, iluzi mɩ-tɩ ɖama tɛɛ, paa weyi ɛkpaɣ lɛlaa se pakɩlɩ ɛ-maɣmaɣ.

1 Timootee 2:4

E-liu wɛɛ se pɩya ɛyáa tɩŋa payɩ ñʋʋ nɛ patɩlɩ toovenim.

1 Timootee 6:4

pʋdʋ wɛ cɛjɛyɛ. Ɛtatɩlɩ nabʋyʋ kpem. Tɔm hɔm kʋdɔŋ kpa-ɩ nɛ ɛ nɛ lɛlaa poyou tɔm ndɩ ndɩ yɔɔ. Ḿbʋ́ kɔŋnɩnɩ ɛsɩsɛmɩyɛ nɛ pana nɛ tʋtʋ nɛ ɖama yɔɔ lɩmaɣza kɩdɛkɛdɛɛ ɖʋʋ.

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.

Yakubu 1:18

Ɛ-maɣmaɣ ɛsɔɔlɩna nɛ ɛtɩŋnɩ toovenim tɔm yɔɔ nɛ ɛha-ɖʋ wezuu se ɖɩkɛ kajalaɣ ñɩma, mbʋ́ mbʋ́ ɛlaba yɔ pɩ-taa.

Yakubu 3:16

Đenɖe ɛsɩsɛmɩyɛ nɛ ɖama kɛɣyʋʋ pɛwɛɛ yɔ, ɛyáa ɛɛnɩɣnɩ ɖama. Lakasɩ kɩdɛkɛdɩsɩ ndɩ ndɩ wɛɣ peeɖe ɖɔɖɔ.

Yakubu 5:19

Man-taabalaa! Mɩ-taa lɛ, nɔɔyʋ pɩzɩɣ ele toovenim nʋmɔʋ taa, nɛ lɛlʋ pɩsɩnɩ-ɩ nʋmɔʋ ŋ́gʋ́ kɩ-taa.