Yakubu 3:1 - New Testament

¹ Man-taabalaa! Itaakpedesi mɩtɩŋa se ɩpɩsɩ Ɛsɔtɔm wɩlɩyaa. Mbʋ́ pʋyɔɔ yɔ, ɩtɛm naʋ se mbá ɖa ɖɩkɛ wɩlɩyaa yɔ, Ɛsɔ kɔŋ-ɖʋ hʋnaʋ nɛ pɩkɩlɩ lɛlaa.

Yakubu 3:1 ပူးပေါင်းရင်းမြစ်များ

Maatiyee 10:24

«Tɔmkpɛlɩkɩyʋ nɔɔyʋ ɛɛkɩlɩɣ ɛ-wɩlɩyʋ, ɖɔɖɔ lɛ tʋmlaɖʋ nɔɔyʋ ñaakɩlɩɣ ɛ́lɛ́ caa.

Maatiyee 23:13

Pʋwayɩ lɛ, Yesu kɛzɩ ɛ-tɩ nɛ paɣtʋ wɩlɩyaa nɛ Farɩsɩ ñɩma pɔ-yɔɔ nɛ eheyi-wɛ se: «Tɛɛ nɛ pʋ-yɔɔ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩɖɩkɩ ɛyáa nʋmɔʋ se pataasʋʋ Ɛsɔ Kewiyaɣ taa. Ŋgʋ́, mɩ-maɣmaɣ ɩɩsʋʋ, ɛlɛ́, iiyeki ɖɔɖɔ mbá pe-liu wɛ sʋʋ yɔ se paba ɛsʋʋ. [

Maatiyee 23:14

«Paɣtʋ wɩlɩyaa nɛ Farɩsɩ ñɩma mɩ, ɩkɛ tɛɛ nɛ pʋ-yɔɔ ñɩma, pʋtɔɔ-mɩ! Mbʋ́ pʋyɔɔ yɔ, mɩhɔɔzʋʋnɩ lelaa nesi taa mbʋ́ pɩtɩŋa payɩ pɛwɛna yɔ. Ɩsɛɣ Ɛsɔ nɛ pɩɖaɣlɩɣ se pɩwɩlɩ se mɩkɛnɩnɩ ɛyáa kɩbama. Pʋ-yɔɔ Ɛsɔ kɔŋ-mɩ ɖʋʋ kʋñɔŋ ŋgʋ́ kɩfɛyɩ ɖaɣʋ yɔ.]

Maatiyee 9:11

Ŋgʋ́, Farɩsɩ ñɩma nabɛyɛ kana-wɛ ḿbʋ́. Peeɖe pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma nɛ mɩ-caa nɛ tikee mʋyaa nɛ kɩwɛɛkɩm laɖaa lɛlaa pɛkpɛndɩ nɛ pɔtɔkɩ?»

Luka 16:2

Pʋ-yɔɔ ɛya-ɩ nɛ eheyi-i se: ‹Ña! Manɩɣ pɔyɔɔdʋʋ ñɔ-tɔm se we? Kɛdɩ-m ɛzɩma mbʋ́ ña-tʋmɩyɛ ɖɔŋ yɔ. Ŋŋtasɩɣ kɛʋ man-tʋmlaɖʋ!›

Luka 6:37

Yesu tasɩ-wɛ heyuu se: «Ɩtaahʋʋnɩ nɔɔyʋ nɛ Ɛsɔ ɛɛhʋʋnɩ-mɩ. Ɩtaakʋ nɔɔyʋ tɔm nɛ Ɛsɔ ɛɛkʋʋ mɩ-ñɩndʋ. Ikpeɣ nɛ Ɛsɔ kpeɣ-mɩ.

Yohanɛɛsɩ 3:10

Yesu cosi-i se: «Ŋkɛ Wɩlɩyʋ sɔsɔ Izrɛɛlɩ ñɩma hɛkʋ taa lɛ, pɩla ɛzɩma ŋŋnɩɣ tɔm ńdʋ́ tɩ-tɔbʋʋ yɔ?»

Tʋma Labʋ 13:1

Náyaa nɛ wɩlɩyaa paawɛ Antɩyɔɔsɩ Krɩstʋ ŋgbɛyɛ taa. Ḿbá yɔ: Barnaabaasɩ nɛ Siimeyɔɔ weyi payaɣ se Kɩkpɛdʋ yɔ nɛ Siirɛɛnɩ tʋ Lusiyuusi nɛ Manayɛɛnɩ weyi paaɖɔkɩ ɛ nɛ wiyaʋ Eroodi pa-pɩcatʋ taa yɔ nɛ Sɔɔlɩ.

1 Kɔrɛntɩ 12:28

Krɩstʋ tiyiyaa Ɛsɔ calɩnɩ lɩzʋʋ Yesu ŋgbɛyɛ taa. Pa-wayɩ lɛ, náyaa, paba wayɩ lɛ, wɩlɩyaa. Pʋwayɩ lɛ, ɛla lɛlaa kʋjɔŋ ndɩ ndɩ: ḿbá lɛ mbá palakɩ hama lakasɩ nɛ mbá peyeki se kʋdɔndɩnaa yɔɔ ɛcɛ yɔ nɛ mbá pasɩŋnɩ lɛlaa nɛ mbá pɔcɔŋnɩ lɛlaa yɔɔ yɔ nɛ mbá pɔyɔɔdʋʋ kʋnʋmɩŋ ndɩ ndɩ yɔ.

2 Kɔrɛntɩ 5:10

Mbʋ́ pʋyɔɔ yɔ, pʋwɛɛ se ɖatɩŋa payɩ ɖiwolo Krɩstʋ ɛsɩndaa nɛ ɛhʋʋnɩ-ɖʋ tɔm nɛ ɛhɛyɩ paa weyi kɩbandʋ yaa kɩdɛkɛdɩm mbʋ́ ɛɛlaba alɩwaatʋ ndʋ́ ɛɛwɛ e-tomnaɣ taa yɔ pʋ-yɔɔ.

Efɛɛzɩ 4:11

Krɩstʋ ɛnʋ ɛhanɩ nabɛyɛ se pɛkɛ e-tiyiyaa nɛ lɛlaa náyaa nɛ lɛlaa Laŋhɛzɩyɛ Tɔm susiyaa nɛ lɛlaa ɖiyiyaa nɛ lɛlaa Ɛsɔtɔm wɩlɩyaa.

1 Timootee 1:7

Pacaɣ se pɛkɛ Mooyiizi paɣtʋ wɩlɩyaa sɔsaa. Ɛlɛ́, paanɩɣ tɔm ndʋ́ pa-maɣmaɣ pɔyɔɔdʋʋ yɔ yaa ndʋ́ tɩ-yɔɔ pɛwɛ ɖoŋ yɔ tɩ-tɔbʋʋ.

1 Timootee 2:7

Pʋ-yɔɔ palɩzɩ man-tɩ tɩŋa se mɛnkɛ Ɛsɔtɔm susiyu nɛ mɛntɛ mɛnkɛ Krɩstʋ tiyiyu. Mɔyɔɔdʋʋ toovenim, maacɛtɩɣ. Paɖʋ-m se mawɩlɩ mbá pɛtɛkɛ Yuda ñɩma yɔ toovenim nɛ lidaʋ pɔ-tɔm.

2 Timootee 1:11

Laŋhɛzɩyɛ Tɔm ńdʋ́, tɩ-taa Ɛsɔ ɖʋ-m se mɛnkɛ Yesu tiyiyu nɛ mɛntɛ mɛnkɛ wɩlɩyʋ nɛ mɛntɛ mɛnkɛ ti-susiyu.

Ebree 13:17

Ɩña mɩ-ñʋndɩnaa nɛ itisi mɩ-tɩ pɛ-tɛɛ. Mbʋ́ pʋyɔɔ yɔ, ḿbá cɔŋnɩnɩ mi-ciyamnaa yɔɔ. Ḿbá kɔŋnɩ Ɛsɔ heyuu ɛzɩma mbʋ́ pɔcɔnɩ mɩ-yɔɔ yɔ. Yee ɩñaŋ-wɛ yɔ, palakɩ pa-tʋmɩyɛ nɛ laŋhʋlʋmɩyɛ. Ɛlɛ́, yee ɩtañam-wɛ yɔ, palakɩ-ɖɩ nɛ hɔpɩsɩyɛ nɛ pɩɩwazɩɣ-mɩ pʋyʋ.

Yakubu 1:16

Man-taabalaa kʋsɔɔlaa! Ɩtaacɛtɩ mɩ-tɩ.

Yakubu 1:19

Man-taabalaa kʋsɔɔlaa! Ɩtɩlɩ se: pʋwɛɛ se paa weyi ɛɖaŋ kpam nɛ ewelesini lɛlaa. Đɔɖɔ lɛ, ɛtaakpedesi se ɛyɔɔdʋʋ, ɛ-pana ɛtaakpa yem yem.

Yakubu 3:10

samtʋ nɛ kpalʋʋ wɩlʋʋ palɩɣnɩ nɔɔ kʋɖʋmaɣ taa. Man-taabalaa! Pɩfɛyɩ se pʋwɛɛ ḿbʋ́.

1 Pɩyɛ 5:3

Ɩtaanuuti mbá Ɛsɔ ɖʋzɩ mi-nesi taa yɔ. Ɛlɛ́, ɩwɩlɩ-wɛ nʋmɔʋ nɛ mɩ-lakasɩ kɩbanzɩ.