Yakubu 2:9 - New Testament

⁹ Ɛlɛ́, yee ɩcɔŋnɩ nɔɔyʋ ɛsɩndaa se pʋcɔ ɩlabɩ-ɩ pʋyʋ yɔ, ɩlabɩ kɩwɛɛkɩm. Mbʋ́ paɖʋ paɣtʋ ńdʋ́ tɩ-taa yɔ, pɩwɩlɩɣ se ɩtɔɖɔ tɩ-yɔɔ.

Yakubu 2:9 ပူးပေါင်းရင်းမြစ်များ

Yohanɛɛsɩ 16:8

Alɩwaatʋ ndʋ́ ɛkɔŋ yɔ, ɛwɩlɩɣ kedeŋa ñɩma mbʋ́ pɩkɛ kɩwɛɛkɩm yɔ nɛ mbʋ́ pʋtʋʋzaa yɔ nɛ ɛzɩma mbʋ́ Ɛsɔ hʋʋ tɔm yɔ.

Yohanɛɛsɩ 8:46

Mɩ-taa anɩ pɩzɩɣ ɛwɩlɩ-m se malabɩ kɩwɛɛkɩm? Yee mɔyɔɔdʋʋ toovenim lɛ, pɩlabɩ ɛzɩma iitisiɣ mɔn-tɔm yɔ?

Yohanɛɛsɩ 8:9

Panɩ tɔm ńdʋ́ ḿbʋ́ lɛ, pa-taa sɔsaa calɩ lɔyʋʋ kʋɖʋm kʋɖʋm nɛ pɛɖɛɛ patɩŋa payɩ nɛ piyele halʋ ɛnʋ e-ɖeke koŋ Yesu ɛsɩndaa.

Tʋma Labʋ 10:34

Kɔɔrnɛɛyɩ yɔɔdɩ ḿbʋ́ lɛ, Pɩyɛ tɔ se: «Toovenim lɛ, lɛɛlɛɛyɔ manawa se Ɛsɔ tɔsɔɔlɩ nabɛyɛ nɛ eyele lɛlaa:

Room 3:20

Mbʋ́ pʋyɔɔ yɔ, Ɛsɔ ɛɛpɩsɩɣ nɔɔyʋ kʋtʋʋzʋ se ɛɖɔm paɣtʋ yɔɔ camɩyɛ. Ɛlɛ́, paɣtʋ yekina nɛ ɛyʋ tɩlɩ se ɛlabɩ kɩwɛɛkɩm.

1 Kɔrɛntɩ 14:24

Đɔɖɔ lɛ, yee patɩŋa posusuu tɔm ndʋ́ tɩlɩnɩ Ɛsɔ cɔlɔ yɔ nɛ weyi ɛɛñaŋ Krɩstʋ yɔ yaa nɔɔyʋ yem talɩ peeɖe yɔ, paa pɩɩla ɛzɩma yɔ, ɛnɩɣ natʋyʋ nɛ tɩlabɩ-ɩ tʋmɩyɛ nɛ ɛtɩlɩ mbʋ́ pʋwɛɛ se ɛla yɔ.

Galaatɩ 2:19

Paɣtʋ yɔɔ lɛ, manpɩsɩ ɛzɩ sɩɖʋ yɔ nɛ tɩtatasɩ kɛʋ pʋyʋ mɛ-ɛsɩndaa. Pɩlabɩ ḿbʋ́ se manpɩzɩ mancaɣ wezuu Ɛsɔ ɛsɩndaa. Alɩwaatʋ ndʋ́ pakaŋaɣ Krɩstʋ kaamaŋkaɣ yɔɔ yɔ, ma nɛ ɩ pakama.

1 Yohanɛɛsɩ 3:4

Weyi ɛ́lɛ́ lakɩ kɩwɛɛkɩm yɔ, ɛɛɖɔŋ Ɛsɔ paɣtʋ yɔɔ. Mbʋ́ pʋyɔɔ yɔ, kɩwɛɛkɩm labʋ kɛ paɣtʋ yʋsɩnaʋ.

Yuudi 1:15

se pahʋʋnɩ ɛyáa tɩŋa payɩ nɛ pakʋ mbá paañaŋ Ɛsɔ yɔ patɩŋa payɩ pɔ-tɔm. Pakʋʋ-tʋ ɛzaɣ́tʋ ndʋ́ tɩtɩŋa payɩ palabɩ Ɛsɔ yɔ tɩ-yɔɔ. Pakʋʋ ɖɔɖɔ kɩwɛɛkɩm laɖaa ḿbá tɔm ɛzaɣ́tʋ ndʋ́ tɩtɩŋa payɩ pɔyɔɔdɩ-ɩ yɔ tɩ-yɔɔ.»