Yakubu 2:8 - New Testament

⁸ Toovenim lɛ, yee ɩɖɔŋ Ɛsɔ Kewiyaɣ paɣtʋ yɔɔ yɔ, pʋbʋ, ɩlabɩ camɩyɛ. Pama-tʋ Ɛsɔtɔm Takayaɣ taa, ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»

Yakubu 2:8 ပူးပေါင်းရင်းမြစ်များ

Maatiyee 22:39

Naalɛ ñɩndʋ ndʋ́ tɩwɛ wazaɣ ɖɔɖɔ ɛzɩ kajalaɣ ñɩndʋ yɔ, ńdʋ́ lɛ se: ‹Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.›

Maatiyee 25:21

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, meyekini-ŋ mbʋ́ pʋɖɔwa pɩtɩɩfɛyɩ yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Maatiyee 25:23

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, mɛncɛlɩɣ-ŋ mbʋ́ pʋɖɔwa yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Maatiyee 7:12

Pʋ-yɔɔ lɛ, mbʋ́ ɩcaɣ se ɛyáa ɛlabɩ-mɩ yɔ, mɩ ɖɔɖɔ ɩlabɩ-wɛ ḿbʋ́. Ḿbʋ́ Mooyiizi weyi Ɛsɔ cɛlɩ paɣtʋ yɔ nɛ náyaa paɖʋwa se ɩla.»

Room 13:10

Weyi ɛsɔɔlɩ ɛ-taabalʋ yɔ, ɛɛlakɩ-ɩ mbʋ́ pɩfɛyɩ ɖeu yɔ. Pʋ-yɔɔ lɛ, weyi ɛsɔɔlʋʋ lɛlaa yɔ, ɛɖɔŋ paɣtʋ ndʋ́ tɩwɛɛ yɔ tɩtɩŋa payɩ tɩ-yɔɔ.

Galaatɩ 5:14

Mbʋ́ pʋyɔɔ yɔ, paɣtʋ natʋyʋ wɛɛ, ɛyʋ ɛɖɔm tɩ-yɔɔ yɔ, pʋbʋ, ɛɖɔm lɛɛtʋ tɩŋa payɩ yɔɔ. Ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»

Galaatɩ 6:2

Ɩsɩnɩ ɖama mɩ-kʋñɔmɩŋ taa. Yee ɩlakɩ ḿbʋ́ yɔ, pɩwɩlɩɣ se ɩɖɔŋ Krɩstʋ paɣtʋ yɔɔ.

Filiipu 4:14

Paa ḿbʋ́ yɔ, ɩlabɩ ɖeu nɛ ɩsɩnɩ-m man-kʋñɔmɩŋ taa.

1 Tesalooniki 4:9

Ɛsɔ tɛm mɩ-maɣmaɣ kpɛlɩkʋʋ ɖama sɔɔlʋʋ tɔm. Ḿbʋ́ ɩɖɔŋ labʋ yɔ. Pʋ-yɔɔ lɛ, pɩtacazɩ pɔzʋʋ se ɖɩma pʋ-tɔm nɛ ɖiheyi-mɩ.

Yakubu 1:25

Weyi ɛ́lɛ́ ñatazɩɣ paɣtʋ maɣmaɣ taa siŋŋ yɔ, ehikiɣ ɛ-tɩ mbʋ́ pɩtɩŋa payɩ ɛlakɩ yɔ pɩ-taa. Ńdʋ́ yekina nɛ ɛyʋ wɛɛ ɛ-tɩ yɔɔ. Eewelesiɣ-tʋ yem nɛ ɛsɔɔ-tʋ, ɛlɛ́, ɛɖɔŋ tɩ-yɔɔ siŋŋ.

Yakubu 2:12

Paɣtʋ ndʋ́ tiyeki se ɛyʋ ɛwɛɛ ɛ-tɩ yɔɔ yɔ, tɩ-yɔɔ pɔkɔŋ-mɩ hʋnaʋ. Pʋ-yɔɔ lɛ, mɩ-yɔɔdaɣ nɛ mɩ-lakasɩ pawɩlɩ se ɩsɩm paɣtʋ ńdʋ́.

Yakubu 2:19

Ŋwɛnɩ lidaʋ se Ɛsɔ kʋɖʋm koŋ wɛna, pʋwɛ camɩyɛ. Aleewaa ñɛwɛnɩ-kʋ ɖɔɖɔ, ɛlɛ́ sɔɔndʋ kpaɣ-wɛ nɛ peseliɣ.

Yakubu 4:11

Taabalaa! Ɩtaayɔɔdɩ ɖama yɔɔ tɔm ɛzaɣ́tʋ. Weyi ɛyɔɔdʋʋ lɛlʋ yɔɔ tɔm ɛzaɣ́tʋ yaa ɛkpɛzɩɣnɩ-ɩ yɔ, ɛyɔɔdɩ ɖɔɖɔ mbʋ́ paɖʋ paɣtʋ taa yɔ pʋ-yɔɔ tɔm ɛzaɣ́tʋ nɛ ɛtɛ ɛkpɛɛnɩ-tʋ. Yee ŋkpɛɣnɩ paɣtʋ yɔ, ŋŋɖɔŋ tɩ-yɔɔ, ɛlɛ́, ŋkpaɣ ña-tɩ se ŋkɛ tɔm hʋyʋ.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.