Yakubu 2:23 - New Testament

²³ Ḿbʋ́ tɔm ndʋ́ pama Ɛsɔtɔm Takayaɣ taa yɔ, tɩlaba. Ńdʋ́ lɛ se: «Abraham wɛnɩ lidaʋ Ɛsɔ yɔɔ yɔɔ, ɛ́lɛ́ kpaɣ-ɩ se ɛkɛ kʋtʋʋzʋ.» Đɔɖɔ lɛ, ɩtɩlɩ se Ɛsɔ ya-ɩ se ɛ-taabalʋ.

Yakubu 2:23 ပူးပေါင်းရင်းမြစ်များ

Maarkɩ 12:10

Peeɖe ɛpɔzɩ-wɛ se: «Ɩtakalɩ tɔm ndʋ́ pama Ɛsɔtɔm Takayaɣ taa yɔ yaa we? Ńdʋ́ lɛ se: ‹Pɩyɛ nɖɩ́ kuduyiŋ mayaa kpaɣaɣ pɔlɔ yɔ, ńɖɩ́ pɩsɩnɩ ɖɩkɩlɩ wazaɣ nɛ pɩkɩlɩ atɩŋa payɩ lɛɛlɛɛyɔ.

Maarkɩ 15:27

Paakam ɖɔɖɔ mɩ́láa naalɛ nabɛyɛ ɛ-cɔlɔ: lɛlʋ ɛ-nɩwaŋ yɔɔ nɛ lɛlʋ ɛ-nɩmɩyɛ yɔɔ. [

Luka 4:21

Peeɖe Yesu pazɩ-wɛ heyuu se: «Tɔm ndʋ́ mankalɩ lɛɛlɛɛyɔ yɔ, tɩlabɩ alɩwaatʋ ndʋ́ ɩnɩɣaɣ-tʋ yɔ.»

Tʋma Labʋ 1:16

«Taabalaa! Pɩɩwɛɛ se Yudaasɩ weyi ɛwɩlɩ koyindinaa nɛ pakpa Yesu yɔ ɛ-tɔm ndʋ́ Fezuu Kiɖeɖeu tɩŋnɩ Daaviidi yɔɔ nɛ ɛyɔɔdɩ yɔ, tɩla.

Room 11:2

Ɛsɔ tɔlɔ ɛ-ñɩma mbá ɛɛlɩzɩ ɖooo lɔŋ yɔ. Pɩlakɩ-m ɛzɩ ɩsɩm Ɛsɔtɔm Takayaɣ taa ɖenɖe pamawa se Elii kpiɖaɣ Izrɛɛlɩ ñɩma yɔɔ Ɛsɔ ɛsɩndaa yɔ.

Room 9:17

Pama Ɛsɔtɔm Takayaɣ taa se Ɛsɔ heyi Ejiptɩ wiyaʋ sɔsɔ se: «Ña-maɣmaɣ mɛncɛlɩ kewiyaɣ se mantɩŋnɩ ñɔ-yɔɔ nɛ mawɩlɩ ɛyáa mon-ɖoŋ nɛ ma-hɩɖɛ sɛɛ kedeŋa kpeekpe yɔɔ.»

Galaatɩ 3:22

Ɛlɛ́, Ɛsɔtɔm wɩlɩ kpayɩ se kedeŋa yɔɔ ɛyáa kpeekpe wɛ kɩwɛɛkɩm nesi taa se pɩtɩŋnɩ Yesu Krɩstʋ yɔɔ lidaʋ wɛnaʋ yɔɔ nɛ Ɛsɔ la mbá pɛwɛnɩ-kʋ yɔ mbʋ́ ɛɖʋwa se ɛlakɩ yɔ.

Galaatɩ 3:6

Ḿbʋ́ ɖɔɖɔ Abraham laba. Pama ɛ-tɔm Ɛsɔtɔm Takayaɣ taa se: «Ɛwɛnɩ lidaʋ Ɛsɔ yɔɔ yɔɔ ɛ́lɛ́ kpaɣ-ɩ se ɛkɛ kʋtʋʋzʋ.»

2 Timootee 3:16

Ɛsɔ cɔlɔ tɔm ndʋ́ pama takayaɣ ŋ́gá ka-taa yɔ, tɩtɩŋa payɩ tɩlɩnaa. Tɩwɛ wazaɣ: ńdʋ́ pawɩlɩɣnɩ ɛyáa toovenim nɛ mbʋ́ palabɩ pɩfɛyɩ ɖeu yɔ nɛ pɔñɔɔzɩ-wɛ nɛ pɛkpɛlɩkɩ-wɛ ɛzɩma mbʋ́ pacaɣ wezuu kʋtʋʋzʋʋ yɔ.

Yakubu 2:24

Yee ḿbʋ́, ɛyʋ lakasɩ kɩbanzɩ yɔɔ ɛpɩsɩɣ kʋtʋʋzʋ Ɛsɔ ɛsɩndaa, pɩtɛkɛ e-lidaʋ wɛnaʋ yɔɔ ɖeke.

1 Pɩyɛ 2:6

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Ɩnaɣ! Malɩzɩ pɩyɛ nɖɩ́ ɖɩkɩlɩ wazaɣ yɔ nɛ mansɩɩ-ɖɩ Siiyɔɔ tɛtʋ taa se ɖɩkɛ pɩyɛ sɔsɔɖɛ. Weyi ɛwɛɣnɩ lidaʋ ɖɩ-yɔɔ yɔ, ɛɛkaɣ fɛyɛ tɔɔʋ.»