Yakubu 2:19 - New Testament

¹⁹ Ŋwɛnɩ lidaʋ se Ɛsɔ kʋɖʋm koŋ wɛna, pʋwɛ camɩyɛ. Aleewaa ñɛwɛnɩ-kʋ ɖɔɖɔ, ɛlɛ́ sɔɔndʋ kpaɣ-wɛ nɛ peseliɣ.

Yakubu 2:19 ပူးပေါင်းရင်းမြစ်များ

Maatiyee 8:29

Pakatɩ-ɩ ḿbʋ́ lɛ, pamakɩ kubusi se: «Ɛsɔ Pɩyalʋ! Đa nɛ ŋ se we? Ŋkɔm se ŋɖʋ-ɖʋ kʋñɔŋ nɛ pʋcɔ alɩwaatʋ ndʋ́ Ɛsɔ ɖʋwa se ɛhʋʋnɩ-ɖʋ yɔ tɩtalɩ yaa we?»

Maarkɩ 1:24

«Yesu Nazarɛɛtɩ tʋ, ɛbɛ ŋcaɣnɩ-ɖʋ? Ŋkɔm se ŋkʋ-ɖʋ yaa we? Mansɩm mbʋ́ ŋkɛnaa yɔ ɖeu, ŋkɛ Ɛsɔ Ɛyʋ.»

Maarkɩ 12:29

Peeɖe Yesu cosi-i se: «Paɣtʋ ndʋ́ tɩkɩlaa yɔ, ńdʋ́ yɔ: ‹Izrɛɛlɩ ñɩma mɩ, ɩtɩlɩ se ɖa-Kɩpaɣlʋ Ɛsɔ ɖeke koŋ kɛnɩnɩ Kɩpaɣlʋ.

Maarkɩ 5:7

Nɛ ɛyɔɔdɩ ɖoŋ se: «Ɛsɔ Caabiyuu Pɩyalʋ Yesu, ma nɛ ŋ se we? Ɛsɔ ɖoŋ taa lɛ, mentendiɣ-ŋ se ŋtaaɖʋ-m kʋñɔŋ.»

Maarkɩ 7:9

Ɛlɛ́, ɛtasɩ-wɛ heyuu se: «Ɩñaɣ pana nɛ iyele Ɛsɔ paɣtʋ kɩbandʋ nɛ ɩpazɩnɩ mɩ-maɣmaɣ mɩ-ñɩndʋ wɩlʋʋ.

Luka 4:34

«Ou! Yesu Nazarɛɛtɩ tʋ, ɛbɛ ŋcaɣnɩ-ɖʋ? Ŋkɔm se ŋkʋ-ɖʋ yaa we? Mansɩm mbʋ́ ŋkɛnaa yɔ ɖeu. Ŋkɛ Ɛsɔ Ɛyʋ.»

Yohanɛɛsɩ 17:3

Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Tʋma Labʋ 16:17

Pɛlɛ ɛnʋ, ɛna-ɖʋ ḿbʋ́ lɛ, ɛtɩŋɩɣ-ɖʋ nɛ ɛmakɩ kubusi se: «Ɛyáa panɛ pɛkɛ Ɛsɔ Caabiyuu tʋmlaɖaa, posusuu-mɩ ñʋʋ yabʋ tɔm.»

Tʋma Labʋ 19:15

Patalɩ eliikenu nɔɔyʋ tɛ lɛ, ɛ́lɛ́ pɩsɩnɩ-wɛ se: «Yesu lɛ, mansɩm-ɩ nɛ mantɩlɩ mbʋ́ Pɔɔlɩ kɛnaa yɔ. Mɩ yɔ, mɩ lɛ mbá kpem?»

Tʋma Labʋ 24:25

Ɛkɛdaɣ-wɛ ɛzɩma mbʋ́ pʋwɛɛ se ɛyʋ ɛcaɣ wezuu kʋtʋʋzʋʋ Ɛsɔ ɛsɩndaa yɔ nɛ tɩ ɖɔkʋʋ nɛ ɛzɩma mbʋ́ Ɛsɔ kɔŋ ɛyáa tɔm hʋnaʋ yɔ pɩtɩŋa pʋ-tɔm. Peeɖe sɔɔndʋ kpa wiyaʋ sɔsɔ Feliksɩ ɛnʋ nɛ eheyi-i se: «Lɛɛlɛɛyɔ, ŋpɩzɩɣ ŋɖɛɛ nɛ kɩyakʋ ŋgʋ́ mehiɣ alɩwaatʋ lɛ, maaɖaɣnɩ-ŋ yaʋ.»

Room 3:30

Mbʋ́ pʋyɔɔ yɔ, Ɛsɔ kʋɖʋm koŋ wɛna. Ɛpɩsɩɣ Yuda ñɩma kʋtʋʋzaa lidaʋ ŋgʋ́ pɛwɛna yɔ kʋ-yɔɔ. Ḿbʋ́ ɖɔɖɔ ɛpɩsɩɣ mbá pɛtɛkɛ Yuda ñɩma yɔ kʋtʋʋzaa lidaʋ kʋɖʋmʋʋ ŋ́gʋ́ kʋ-yɔɔ.

1 Kɔrɛntɩ 8:4

Lɛɛlɛɛyɔ, mancaɣ se mɔyɔɔdɩ kɩlaʋ nandʋ tɔɔʋ tɔm. Đɩnawa se agɔlɩma fɛyɩnɩ wazaɣ nakɛyɛ kedeŋa yɔɔ cɩnɛ. Đɩnawa ɖɔɖɔ se Ɛsɔ kʋɖʋm koŋ wɛna.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

Galaatɩ 3:20

Ɛyáa naalɛ hɛkʋ taa weyi patɩŋɩɣnɩ ɛ-yɔɔ yɔ ɛwɛɛ. Weyi patɩŋɩɣnɩ ɛ-yɔɔ yɔ, ɛfɛyɩ wazaɣ ɛyʋ kʋɖʋm tɔm taa. Ŋgʋ́, Ɛsɔ ñɛwɛ e-ɖeke.

1 Timootee 2:5

Mbʋ́ pʋyɔɔ yɔ, Ɛsɔ kʋɖʋm koŋ wɛna nɛ ceyiyu kʋɖʋm koŋ ñɛwɛɛ Ɛsɔ ɛnʋ nɛ ɛyáa pɛ-hɛkʋ taa nɛ patɩŋɩɣnɩ ɛ-yɔɔ. Ɛnʋ lɛ Krɩstʋ Yesu.

Yakubu 2:8

Toovenim lɛ, yee ɩɖɔŋ Ɛsɔ Kewiyaɣ paɣtʋ yɔɔ yɔ, pʋbʋ, ɩlabɩ camɩyɛ. Pama-tʋ Ɛsɔtɔm Takayaɣ taa, ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Yuudi 1:6

Ɩtɔzɩ ɖɔɖɔ se Ɛsɔ tiyiyaa mbá pa-taa fɛyɩ leleŋ nɛ lone nɖɩ́ ɖɩ-taa Ɛsɔ sɩ-wɛ yɔ, pɛlɛɣzɩ ɖɩjaɣyɛ pa-maɣmaɣ nɛ ɛkpa-wɛ ɛhɔkɩ-wɛ yoŋgbasɩ nɛ ɛɖʋ-wɛ ɖooo cɩkpɛndʋʋ taa. Ɛɖʋ-wɛ se pɛwɛɛ sɩ-taa peeɖe ḿbʋ́ nɛ pʋkɔɔ pɩsɩɩnɩ kɩyakʋ sɔsɔʋ ŋgʋ́ ɛkɔŋ ɛhʋʋnɩ-wɛ yɔ.

Wɩlʋʋ 20:10

Eleeu weyi epeɣzaɣ-wɛ yɔ, pɛpɛɖɩ-ɩ miŋ sɔsɔŋ weyi ɛ-taa nɛ tɩm yɔ ɛ-taa. Peeɖe kpɩnɛ nɛ weyi ɛcɛtɩɣ se ɛkɛ náyʋ yɔ, pɛwɛɛ. Ḿbʋ́ panazɩɣ-wɛ wɩsɩ nɛ ɖoó pɩnzɩ ɛgbaŋ ɛgbaŋ.