Yakubu 2:18 - New Testament

¹⁸ Ɛlɛ́, yee nɔɔyʋ ɛtɔm se: «ɛwɛnɩ lidaʋ Ɛsɔ yɔɔ nɛ ma malakɩ lakasɩ kɩbanzɩ yɔ» mɔnpɔzʋʋ pʋdʋ se: «Wɩlɩ-m ɛzɩma mbʋ́ ŋwɛnɩ lidaʋ Ɛsɔ yɔɔ nɛ ŋŋlakɩ lakasɩ kɩbanzɩ yɔ nɛ ma mawɩlɩ-ŋ ɛzɩma mbʋ́ mɛwɛnɩ lidaʋ ɛ-yɔɔ yɔ nɛ ma-lakasɩ kɩbanzɩ yɔ.»

Yakubu 2:18 ပူးပေါင်းရင်းမြစ်များ

Room 14:23

Ɛlɛ́, weyi ɛpʋtʋʋ tɔɔnaɣ nakɛyɛ yɔɔ yɔ, yee ɛtɔɔ-kɛ yɔ, ɛ-tɔm sɩkɩ Ɛsɔ ɛsɩndaa. Mbʋ́ pʋyɔɔ yɔ, ɛfɛyɩnɩ lidaʋ se mbʋ́ ɛlakɩ yɔ pʋwɛ ɖeu. Mbʋ́ pɩtɩŋa payɩ ɛyʋ lakɩ nɛ ɛpʋtʋʋ pʋ-yɔɔ yɔ, pɩkɛ kɩwɛɛkɩm.

Room 3:28

Mbʋ́ pʋyɔɔ yɔ, ɖɩnawa se lidaʋ yɔɔ Ɛsɔ pɩsɩɣ ɛyʋ kʋtʋʋzʋ. Pɩtɛkɛ paɣtʋ yɔɔ ɖɔm yɔɔ.

Room 4:6

Ḿbʋ́ ɖɔɖɔ Daaviidi yɔɔdɩ weyi Ɛsɔ pɩsɩ-ɩ kʋtʋʋzʋ yɔ ɛ-tɩ hiɣu tɔm. Ŋgʋ́, ɛ́lɛ́ taakpaɣ ɛ-tʋmɩyɛ nɛ ɛ́yáa pʋyʋ. Ɛyɔɔdaa se:

Room 8:1

Tɔm ńdʋ́ tɩtɩŋa tɩ-yɔɔ lɛ, lɛɛlɛɛyɔ paatasɩɣ kʋʋ mbá pa nɛ Krɩstʋ Yesu palabɩ nɔɔ kʋɖʋmaɣ yɔ pɔ-tɔm kaʋ.

Room 9:19

Pʋtɔmaɣ yɔ, pɔpɔzʋʋ-m se: «Yee pʋwɛ ḿbʋ́ lɛ, ɛbɛ yɔɔ Ɛsɔ kalɩɣ ɛyáa yɔ? Mbʋ́ pʋyɔɔ yɔ, apɩzɩɣ ekizi mbʋ́ Ɛsɔ liu wɛɛ yɔ?»

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

2 Kɔrɛntɩ 5:17

Đɔɖɔ lɛ, yee nɔɔyʋ nɛ Krɩstʋ pɛkpɛndaa yɔ, pʋdʋ pɩsɩ ɛyʋ kɩfalʋ. Mbʋ́ pɩɩkɛ kɩbɩm yɔ, pɩɖɛwa nɛ kɩfam kɔɔ.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

1 Timootee 1:5

Ŋheyiɣ-wɛ ḿbʋ́ se pɛwɛnɩ sɔɔlɩm mbʋ́ pɩlɩnɩ hɔyɛ kɩbanɖɛ nɛ lɩmaɣza kɩbana nɛ lidaʋ siŋŋ pa-taa yɔ.

Tiiti 2:7

Pʋwɛɛ se ña-maɣmaɣ ŋlakɩ tʋma kɩbana tam nɛ ŋwɩlɩɣnɩ-wɛ. Taakɛ cɛtɩyʋ ña-wɩlʋʋ taa, taawɩlɩ pʋ-yɔɔ pʋ-yɔɔ yem.

Ebree 11:31

Rahaabɩ kɛ halʋ weyi ɛpɛdaɣ ɛ-tɩ yɔ. Ɛlɛ́, ɛwɛnɩ lidaʋ Ɛsɔ yɔɔ nɛ ɛmʋ feŋiyaa nabɛyɛ camɩyɛ ɛ-tɛ. Pʋ-yɔɔ ɛ nɛ mbá paañaŋ Ɛsɔ yɔ pɛtɛkpɛndɩ sɩbʋ.

Ebree 11:33

Pɛwɛnɩ lidaʋ Ɛsɔ yɔɔ yɔɔ poyoni ajɛya lɛɛna taa ñɩma nɛ pawabɩ-wɛ nɛ pamʋ pɛ-tɛtʋ. Palabɩ mbʋ́ pʋwɛ ɖeu yɔ nɛ pehiɣ mbʋ́ Ɛsɔ ɖʋwa se ɛhaɣ-wɛ yɔ. Posuli tɔɔyɩŋ nɔsɩ

Ebree 11:6

Ŋgʋ́, yee nɔɔyʋ ɛwɛɛ nɛ ɛfɛyɩnɩ lidaʋ Ɛsɔ yɔɔ yɔ, ɛ-tɔm ɛɛkɛdɩɣnɩ-ɩ. Mbʋ́ pʋyɔɔ yɔ, weyi ɛñɔtʋʋnɩ-ɩ yɔ, pʋwɛɛ se etisi se ɛwɛɛ. Etisi ɖɔɖɔ se ɛlakɩ mbá pañɩnɩɣ-ɩ yɔ kʋjɔʋ.

Yakubu 2:14

Man-taabalaa! Yee ɛyʋ ɛwɛɛ nɛ ɛyɔɔdʋʋnɩ nɔɔ yem se: «Mɛwɛnɩ lidaʋ Ɛsɔ yɔɔ» nɛ ɛɛwɩlɩɣ-kʋ nɛ lakasɩ kɩbanzɩ lɛ, pɩwazɩɣ-ɩ we? Lidaʋ ŋ́gʋ́ kɩpɩzɩɣ kɩya ɛ-ñʋʋ naa we?

Yakubu 3:13

Mɩ-taa nɔɔyʋ sɩm lɔŋ nɛ ɛwɛɛ lɛɣtʋ naa we? Pʋdʋ eyele pasɩm-ɩ nɛ ɛ-wɛtʋ kɩbandʋ nɛ ɛ-lakasɩ kɩbanzɩ nɛ ɛ-hɛɛ wɛtʋ nɛ ɛ-lɔŋsɩnɖɛ.