Yakubu 2:14 - New Testament

¹⁴ Man-taabalaa! Yee ɛyʋ ɛwɛɛ nɛ ɛyɔɔdʋʋnɩ nɔɔ yem se: «Mɛwɛnɩ lidaʋ Ɛsɔ yɔɔ» nɛ ɛɛwɩlɩɣ-kʋ nɛ lakasɩ kɩbanzɩ lɛ, pɩwazɩɣ-ɩ we? Lidaʋ ŋ́gʋ́ kɩpɩzɩɣ kɩya ɛ-ñʋʋ naa we?

Yakubu 2:14 ပူးပေါင်းရင်းမြစ်များ

Maatiyee 5:20

Mankaɖɩɣ-mɩ se yee ɩtala mbʋ́ Ɛsɔ liu wɛɛ yɔ nɛ pɩkɩlɩ paɣtʋ wɩlɩyaa nɛ Farɩsɩ ñɩma yɔ, ɩɩsʋʋ e-Kewiyaɣ taa wiɖiyi kaʋ.»

Luka 3:11

Ecosi-wɛ se: «Nɔɔyʋ ɛwɛnɩ tokonaa naalɛ yɔ, ɛpasɩ lɛɛkʋ nɛ ɛha weyi ɛfɛyɩna yɔ. Yee nɔɔyʋ ɛwɛnɩ tɔɔnaɣ yɔ, ɛha ɖɔɖɔ weyi ɛfɛyɩna yɔ.»

Luka 6:49

Weyi ɛ́lɛ́ welesiɣ mɔn-tɔm nɛ ɛɛɖɔŋ tɩ-yɔɔ yɔ, ɛ́lɛ́ wɛ ɛzɩ weyi ɛma kuduyuu tataa yem nɛ ɛtasɩɩ tigiɖe yɔ. Pɔɔ kɔɔ kosu nɛ lɩm wadɩ nɛ pɩmabɩ-kʋ nɛ kʋtɔlɩ kpaagbaa nɛ kʋyɔkɩ naŋa naŋa.»

Tʋma Labʋ 15:9

Ɛtɔsɔɔlɩ Yuda ñɩma ɖa nɛ pɩkɩlɩ-wɛ, mbʋ́ pʋyɔɔ yɔ, mbá patɩŋa payɩ pɛwɛnɩ lidaʋ ɛ-yɔɔ yɔ, ɛñalɩ pa-kɩwɛɛkɩm.

Tʋma Labʋ 8:13

Halɩ Siimɔɔ maɣmaɣ ñetisi nɛ palabɩ-ɩ-sɩ ɖɔɖɔ. Ɛɛwɛɛ ɛtɩŋɩɣ Filiipu nɛ pɩlakɩ-ɩ piti nɛ hama lakasɩ sɔsɔsɩ nzɩ́ ɛ́lɛ́ lakaɣnɩ Ɛsɔ ɖoŋ yɔ nɛ kawɩlɩsɩ nzɩ́ ɛwɩlaɣnɩ ɖoŋ ɛnʋ nɛ ɛnaɣ yɔ.

Tʋma Labʋ 8:21

Ŋfɛyɩnɩ natʋyʋ yaa waɖɛ naɖɩyɛ tɔm tʋnɛ tɩ-taa, ŋtatʋʋzɩ Ɛsɔ ɛsɩndaa.

Room 2:25

Toovenim lɛ, yee ŋɖɔŋ paɣtʋ yɔɔ yɔ, pɛlʋʋ wɛ wazaɣ. Ɛlɛ́, yee ŋŋɖɔŋ tɩ-yɔɔ yɔ, pʋwɛ ɛzɩ pɛtɛpɛlɩ-ŋ yɔ.

1 Kɔrɛntɩ 15:2

Yee ɩɖɔkɩ-tʋ ḿbʋ́ camɩyɛ kpam ɛzɩ monsusuu-mɩ-tʋ yɔ yɔ, tɩyakɩ mɩ-ñʋʋ. Pɩtɛkɛ ḿbʋ́, lidaʋ ŋgʋ́ ɩɩwɛnɩ alɩwaatʋ ndʋ́ monsusi-mɩ-tʋ yɔ, kɩɩwazɩɣ-mɩ pʋyʋ.

1 Kɔrɛntɩ 16:22

Yee nɔɔyʋ ɛtɔsɔɔlɩ Kɩpaɣlʋ yɔ, pʋwɛɛ se Ɛsɔ ɛwɩlɩ pʋdʋ kpalʋʋ! Maraana ta, Kɩpaɣlʋ! Kɔɔ.

Galaatɩ 5:13

Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

1 Tesalooniki 1:3

Đɩtɔzʋʋ tam ɖa-Caa Ɛsɔ ɛsɩndaa ɛzɩma mbʋ́ ɩwɛnɩ lidaʋ siŋŋ nɛ ɩlakɩ tʋmɩyɛ yɔ nɛ ɛzɩma mbʋ́ mɩ-sɔɔlɩm yeba nɛ ɩwɛɛ kpekpeka yɔ pʋ-yɔɔ. Đɩtɔzʋʋ ɖɔɖɔ ɛzɩma mbʋ́ ɩɖaŋ Kɩpaɣlʋ Yesu Krɩstʋ kpam yɔ pʋ-yɔɔ.

1 Timootee 1:5

Ŋheyiɣ-wɛ ḿbʋ́ se pɛwɛnɩ sɔɔlɩm mbʋ́ pɩlɩnɩ hɔyɛ kɩbanɖɛ nɛ lɩmaɣza kɩbana nɛ lidaʋ siŋŋ pa-taa yɔ.

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

Ebree 11:17

Abraham kɛwɛnɩ lidaʋ Ɛsɔ yɔɔ, pʋ-yɔɔ ɛkpaɣ ɛ-pɩɣa ɛgbamɩyɛ Izaakɩ se ɛlaɣ-ɩ alɩwaatʋ ndʋ́ ɛ́lɛ́ takɩ-ɩ se ɛna ɛ-wayɩ yɔ. Etisaa se ɛlaɣ-kɛ. Ŋgʋ́, ɛɖʋwa se kɔ-yɔɔ ɛkɔŋ tɩŋnaʋ nɛ ɛha-ɩ sayɩnaa.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

Yakubu 1:16

Man-taabalaa kʋsɔɔlaa! Ɩtaacɛtɩ mɩ-tɩ.

Yakubu 2:16

nɛ mɩ-taa nɔɔyʋ heyi-i se: «Wolo, ña-laŋɩyɛ ɛhɛɛ, suu wondu camɩyɛ nɛ ŋtɔɔ nɛ ŋhaɣ!» Nɛ ɛtaha-ɩ mbʋ́ pɩtɛɖɩɣ-ɩ yɔ lɛ, pɩwazɩɣ we?

Yakubu 2:18

Ɛlɛ́, yee nɔɔyʋ ɛtɔm se: «ɛwɛnɩ lidaʋ Ɛsɔ yɔɔ nɛ ma malakɩ lakasɩ kɩbanzɩ yɔ» mɔnpɔzʋʋ pʋdʋ se: «Wɩlɩ-m ɛzɩma mbʋ́ ŋwɛnɩ lidaʋ Ɛsɔ yɔɔ nɛ ŋŋlakɩ lakasɩ kɩbanzɩ yɔ nɛ ma mawɩlɩ-ŋ ɛzɩma mbʋ́ mɛwɛnɩ lidaʋ ɛ-yɔɔ yɔ nɛ ma-lakasɩ kɩbanzɩ yɔ.»

Yakubu 2:26

Toovenim lɛ, ɛzɩma mbʋ́ ɛyʋ ɛfɛyɩnɩ fezuu, ɛsɩba yɔ, ḿbʋ́ ɖɔɖɔ yee nɔɔyʋ ɛwɛnɩ lidaʋ Ɛsɔ yɔɔ nɛ ɛɛlakɩ lakasɩ kɩbanzɩ yɔ, e-lidaʋ ŋ́gʋ́ kɩsɩba.

2 Pɩyɛ 1:5

Pɩ-maɣmaɣ pʋ-yɔɔ lɛ, ɩñaɣ pana pɩŋŋ nɛ ɩwɛnɩ lidaʋ nɛ ɩwɛɛ siɣsiɣ ɖɔɖɔ mi-wezuu caɣʋ taa. Ɩwɛɛ siɣsiɣ mi-wezuu caɣʋ taa nɛ ɩkpɛlɩkɩ ɖɔɖɔ mbʋ Ɛsɔ liu wɛɛ yɔ.