Yakubu 2:13 - New Testament

¹³ Weyi ɛɛnaɣ lɛlaa pʋtɔdɩyɛ yɔ, Ɛsɔ ɛɛkɔŋ ɛ-ñɩnɖɛ naʋ ɖɔɖɔ alɩwaatʋ ndʋ́ ɛhʋʋnɩ-ɩ yɔ. Ɛlɛ́, weyi ɛ́lɛ́ naɣ lɛlaa pʋtɔdɩyɛ yɔ, piyeki nɛ ɛlɩɩ tɔm hʋʋ taa.

Yakubu 2:13 ပူးပေါင်းရင်းမြစ်များ

Maatiyee 5:7

Mbá panaɣ lɛlaa pʋtɔdɩyɛ yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ naʋ pa-pʋtɔdɩyɛ.

Maatiyee 6:15

Ɛlɛ́, yee iikpeɣiɣ lɛlaa pa-kɩwɛɛkɩm yɔ, mɩ-Caa eekpeɣiɣ-mɩ ɖɔɖɔ mɩ-ñɩmbʋ.»

Luka 16:25

Ɛlɛ́, Abraham cosi-i se: ‹Man-sayɩ! Tɔzɩ se Lazaarɩ lakaɣ kʋñɔŋ kedeŋa yɔɔ lɛ, ñaawɛɛ ŋtɔkɩ leleŋ. Lɛɛlɛɛyɔ Lazaarɩ laŋɩyɛ ñɛhɛ cɩnɛ lɛ, ñalakɩ kʋñɔŋ.

Luka 6:37

Yesu tasɩ-wɛ heyuu se: «Ɩtaahʋʋnɩ nɔɔyʋ nɛ Ɛsɔ ɛɛhʋʋnɩ-mɩ. Ɩtaakʋ nɔɔyʋ tɔm nɛ Ɛsɔ ɛɛkʋʋ mɩ-ñɩndʋ. Ikpeɣ nɛ Ɛsɔ kpeɣ-mɩ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

Yakubu 5:4

Ɩtɛhɛyɩ tʋmlaɖaa mbá palakɩ tʋmɩyɛ mɩ-hayɩm taa yɔ pe-liidiye. Ɩnɩɩ ɛzɩma mbʋ́ patɩmɩɣnɩ-mɩ yɔ! Mbá pakʋŋ mɩ-tɔɔnaɣ yɔ, pamabɩ kobusi nɛ Kɩpaɣlʋ Caabiyuu nɩɩ.