Yakubu 2:12 - New Testament

¹² Paɣtʋ ndʋ́ tiyeki se ɛyʋ ɛwɛɛ ɛ-tɩ yɔɔ yɔ, tɩ-yɔɔ pɔkɔŋ-mɩ hʋnaʋ. Pʋ-yɔɔ lɛ, mɩ-yɔɔdaɣ nɛ mɩ-lakasɩ pawɩlɩ se ɩsɩm paɣtʋ ńdʋ́.

Yakubu 2:12 ပူးပေါင်းရင်းမြစ်များ

Luka 4:18

«Kɩpaɣlʋ lɩzɩ-m nɛ ɛha-m e-Fezuu Kiɖeɖeu. Toovenim, ɛlɩzɩ-m nɛ etiyi-m se monsusi kʋñɔndɩnaa Laŋhɛzɩyɛ Tɔm. Etiyi-m se meheyi salaka tɩnaa se pɛwɛ pa-tɩ yɔɔ! Meheyi ɖɔɖɔ yʋlʋmaa se pɔkɔŋ pɛ-ɛsɛ kuluu! Etiyi-m se moholi ajamaa mbá panazɩɣ-wɛ yɔ.

Yohanɛɛsɩ 8:32

Pʋbʋ, ɩtɩlɩɣ toovenim nɛ toovenim ḿbʋ́ piyele nɛ ɩwɛɛ mɩ-tɩ yɔɔ.»

Galaatɩ 6:2

Ɩsɩnɩ ɖama mɩ-kʋñɔmɩŋ taa. Yee ɩlakɩ ḿbʋ́ yɔ, pɩwɩlɩɣ se ɩɖɔŋ Krɩstʋ paɣtʋ yɔɔ.

Filiipu 4:8

Taabalaa! Ndʋ́ mɛntɛzɩɣnɩ-mɩ yɔ lɛ se: ɩmaɣzɩ mbʋ́ pʋwɛ ɖeu nɛ pʋmʋna se pasam-pʋ yɔ pʋ-yɔɔ. Ḿbʋ́ yɔ: mbʋ́ pɩtɩŋa payɩ pɩkɛ toovenim yɔ nɛ mbʋ́ pʋmʋnaa se pañam-pʋ yɔ nɛ mbʋ́ pʋtʋʋzaa yɔ nɛ mbʋ́ pʋwɛ cɩɖɩcɩɖɩ yɔ nɛ mbʋ́ pʋmʋnaa se pɔsɔɔlɩ-pʋ yɔ nɛ mbʋ́ pʋmʋnaa se payɩɣyɩ-pʋ yɔ nɛ mbʋ́ pʋmʋnaa se palabɩ-pʋ yɔ nɛ mbʋ́ pʋbʋ mʋnaa se paɖʋ-pʋ hɩɖɛ yɔ. Ɩmaɣzɩ pʋ-yɔɔ camɩyɛ.

Koloosi 3:17

Đɔɖɔ lɛ, mbʋ́ pɩtɩŋa payɩ ɩlakɩ yaa ndʋ́ ɩyɔɔdʋʋ yɔ, ɩlabɩ-pʋ Kɩpaɣlʋ Yesu yɔɔ nɛ pɩtɩŋnɩ ɛ-yɔɔ nɛ ɩsa Caa Ɛsɔ.

Yakubu 1:25

Weyi ɛ́lɛ́ ñatazɩɣ paɣtʋ maɣmaɣ taa siŋŋ yɔ, ehikiɣ ɛ-tɩ mbʋ́ pɩtɩŋa payɩ ɛlakɩ yɔ pɩ-taa. Ńdʋ́ yekina nɛ ɛyʋ wɛɛ ɛ-tɩ yɔɔ. Eewelesiɣ-tʋ yem nɛ ɛsɔɔ-tʋ, ɛlɛ́, ɛɖɔŋ tɩ-yɔɔ siŋŋ.

Yakubu 2:8

Toovenim lɛ, yee ɩɖɔŋ Ɛsɔ Kewiyaɣ paɣtʋ yɔɔ yɔ, pʋbʋ, ɩlabɩ camɩyɛ. Pama-tʋ Ɛsɔtɔm Takayaɣ taa, ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»