Yakubu 2:1 - New Testament

¹ Man-taabalaa! Đenɖe ɩwɛnɩ lidaʋ ɖa-Kɩpaɣlʋ Yesu Krɩstʋ weyi ɛwɛ Ɛsɔ koboyaɣ taa yɔ ɛ-yɔɔ yɔ, ɩtaacɔnɩ nɔɔyʋ ɛsɩndaa nɛ pʋcɔ ɩlabɩ-ɩ pʋyʋ.

Yakubu 2:1 ပူးပေါင်းရင်းမြစ်များ

Maatiyee 22:16

Peeɖe petiyi pɔ-tɔmkpɛlɩkɩyaa taa lɛlaa nɛ Eroodi hɔɔlʋʋ taa ñɩma nabɛyɛ se powolo peheyi-i se: «Wɩlɩyʋ! Đɩnawa se ŋyɔɔdʋʋ toovenim nɛ ŋkpɛlɩkɩɣ ɛyáa mbʋ́ Ɛsɔ liu wɛɛ se pala yɔ pu-toovenim. Sɔɔndʋ ɛɛkpaɣ-ŋ nɛ nɔɔyʋ, mbʋ́ pʋyɔɔ yɔ, ŋtakpaɣ ɛyáa wɛtʋ nɛ ŋyaa pʋyʋ.

Tʋma Labʋ 10:34

Kɔɔrnɛɛyɩ yɔɔdɩ ḿbʋ́ lɛ, Pɩyɛ tɔ se: «Toovenim lɛ, lɛɛlɛɛyɔ manawa se Ɛsɔ tɔsɔɔlɩ nabɛyɛ nɛ eyele lɛlaa:

Tʋma Labʋ 20:21

Meheyi Yuda ñɩma nɛ mbá pɛtɛkɛ Yuda ñɩma yɔ se pɛlɛɣzɩ wɛtʋ Ɛsɔ ɛsɩndaa nɛ pɛwɛnɩ lidaʋ ɖa-Kɩpaɣlʋ Yesu yɔɔ.

Tʋma Labʋ 24:24

Pɔɔlɩ wɛ peeɖe ḿbʋ́ nɛ pɩla kɩyakɩŋ cabɩ lɛ, Feliksɩ nɛ ɛ-halʋ Druusiili pɔkɔɔ nɛ etiyi se payaa Pɔɔlɩ. Halʋ ɛnʋ ɛkɛ Yuda tʋ. Ɛ́lɛ́ kɔma lɛ, Feliksɩ heyi-i se ɛkɛdɩ-ɩ Krɩstʋ Yesu yɔɔ lidaʋ wɛnaʋ tɔm. Peeɖe ɛpazɩ-ɩ-tʋ kɛdʋʋ.

Tʋma Labʋ 7:2

Ɛ́lɛ́ cosi-i se: «Man-caanaa nɛ man-taabalaa mɩ! Ɩma nɩŋgbaaŋ nɛ ɩnɩɩ. Ɛsɔ koboyaɣ tʋ kalɩzɩ ɛ-tɩ nɛ ɛwɩlɩ ɖɔ-cɔzɔ Abraham alɩwaatʋ ndʋ́ ɛɛwɛ Mezoopotamii yɔ nɛ pʋcɔ ɛ́lɛ́ kʋyɩ ewolo Haraɣ.

Room 1:11

Mbʋ́ pʋyɔɔ yɔ, me-liu wɛɛ kpem se mɔnkɔɔ nɛ Fezuu Kiɖeɖeu tɩŋnɩ mɔ-yɔɔ nɛ kɩlabɩ-mɩ kʋjɔʋ nɛ ɩkpa ɖoŋ.

1 Kɔrɛntɩ 2:8

Kedeŋa awiya taa nɔɔyʋ tasɩ lɔŋsɩnɖɛ ńɖɩ́. Mbʋ́ pʋyɔɔ yɔ, yee paasɩm-ɖɩ yɔ, pataaka Kɩpaɣlʋ weyi ɛtɩnɩ koboyaɣ yɔ kaamaŋkaɣ yɔɔ.

Koloosi 1:4

Toovenim lɛ, pɔyɔɔdɩ ɛzɩma mbʋ́ ɩwɛnɩ lidaʋ Krɩstʋ Yesu yɔɔ yɔ nɛ ɛzɩma mbʋ́ ɩsɔɔlɩ Ɛsɔ ñɩma tɩŋa payɩ yɔ pʋ-tɔm nɛ ɖɩnɩɩ.

1 Timootee 1:19

nɛ ŋwɛnɩ lidaʋ Ɛsɔ yɔɔ ḿbʋ́ nɛ ña-lɩmaɣza caɣ a-ɖeɖe. Nabɛyɛ lɩmaɣza taacaɣ a-ɖeɖe nɛ pa-laŋa wɛɛ kpɩzɩŋ nɛ lidaʋ ŋgʋ́ paawɛna yɔ kɩla asayʋʋ.

1 Timootee 5:21

Meheyiɣ-ŋ Ɛsɔ nɛ Krɩstʋ Yesu nɛ Ɛsɔ lɩzɩ e-tiyiyaa mbá yɔ pɛ-ɛsɩndaa kpayɩ se ŋɖɔ tɔm ńdʋ́ tɩ-yɔɔ camɩyɛ. Taacɔnɩ nɔɔyʋ ɛsɛ yɔɔ yem, taala nabʋyʋ ɛsɩmɩyɛ yɔɔ.

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

Tiiti 2:13

Ḿbʋ́ pʋwɛɛ se ɖɩla nɛ ɖɩɖaŋnɩ laŋhʋlʋmɩyɛ kɩyakʋ ŋgʋ́ ɖɩɖaŋaa yɔ. Ki-wiye Krɩstʋ Yesu weyi ɛkɛ ɖɛ-Ɛsɔ sɔsɔ nɛ ɖa-ñʋʋ yaɖʋ yɔ e-koboyaɣ lɩɣ.

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Yakubu 1:16

Man-taabalaa kʋsɔɔlaa! Ɩtaacɛtɩ mɩ-tɩ.

Yakubu 1:19

Man-taabalaa kʋsɔɔlaa! Ɩtɩlɩ se: pʋwɛɛ se paa weyi ɛɖaŋ kpam nɛ ewelesini lɛlaa. Đɔɖɔ lɛ, ɛtaakpedesi se ɛyɔɔdʋʋ, ɛ-pana ɛtaakpa yem yem.

Yakubu 2:3

Yee ɩsam weyi esu wondu kɩbandʋ yɔ nɛ ɩyaa-ɩ se: «Đajaa! Kɔɔ cɩnɛ nɛ ŋcaɣ lone kɩbanɖɛ taa» nɛ piyele iheyi kʋñɔndʋ se: «Sɩŋ peeɖe yɔ» yaa: «Kɔɔ ŋcaɣ ɖa-naŋgbanzɩ tɛɛ cɩnɛ tataa» yɔ,

Yakubu 2:9

Ɛlɛ́, yee ɩcɔŋnɩ nɔɔyʋ ɛsɩndaa se pʋcɔ ɩlabɩ-ɩ pʋyʋ yɔ, ɩlabɩ kɩwɛɛkɩm. Mbʋ́ paɖʋ paɣtʋ ńdʋ́ tɩ-taa yɔ, pɩwɩlɩɣ se ɩtɔɖɔ tɩ-yɔɔ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

Yuudi 1:16

Ɛyáa ḿbá, pɔ-nɔsɩ taa ɛɛnɩɣ nɛ pɛwɛɛ patɩmɩɣ. Palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ. Pɔyɔɔdʋʋ tɔm camɩyɛ nɛ pepeɣziɣ ɛyáa nɛ pɔ-nɔɔ leleŋ se pehiɣ kɛzɛɣa.

Wɩlʋʋ 14:12

Cɩnɛ panaɣ ɛzɩma mbʋ́ Ɛsɔ ñɩma mbá pɔɖɔŋ ɛ-paɣtʋ yɔɔ nɛ pɛwɛnɩ lidaʋ Yesu yɔɔ yɔ pɔɖɔkɩ pa-tɩ yɔ.