Yakubu 1:5 - New Testament

⁵ Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.

Yakubu 1:5 ပူးပေါင်းရင်းမြစ်များ

Maatiyee 11:20

Pʋwayɩ lɛ, Yesu pazɩ kalʋʋ tɛtʋ ndɩ ndɩ ndʋ́ tɩ-taa ɛɛkɩlɩ labʋ hama lakasɩ yɔ tɩ-taa ñɩma. Mbʋ́ pʋyɔɔ yɔ, pɛtɛlɛɣzɩ wɛtʋ, ɛkalɩ-wɛ se:

Maarkɩ 16:14

Pʋwayɩ lɛ, Yesu lɩzɩ ɛ-tɩ nɛ ɛwɩlɩ ɛ-tɔmkpɛlɩkɩyaa hiu nɛ kʋɖʋm alɩwaatʋ ndʋ́ pacaɣaɣ pɔtɔkɩ tɔɔnaɣ yɔ nɛ ɛkalɩ-wɛ se pɩlabɩ ɛzɩma nɛ pa-laŋa wɛɛ kpɩzɩŋ. Mbʋ́ pʋyɔɔ yɔ, pataatisi ɛyáa mbá peheyaɣ-wɛ se efema yɔ pɔ-tɔm.

Yohanɛɛsɩ 14:13

Mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ, malakɩ-pʋ se pɩtɩŋnɩ mɔ-yɔɔ nɛ man-Caa hɩɖɛ sɛɛ.

Yohanɛɛsɩ 15:7

Yee ɩkpɛndɩ mɔ-yɔɔ tam nɛ ɩɖɔŋ mɔn-tɔm yɔɔ yɔ, paa ɛbɛ mi-liu ɛwɛɛ nɛ ɩpɔzɩ yɔ, pahaɣ-mɩ-pʋ.

Yohanɛɛsɩ 4:10

Ɛlɛ́, Yesu heyi-i se: «Yee ŋŋsɩm mbʋ́ Ɛsɔ haɣ yɔ nɛ ŋtɩlɩ ɖɔɖɔ weyi ɛsʋlʋmʋʋ-ŋ lɩm yɔ yɔ, ñaasʋlʋmɩnɩ-ɩ, pʋbʋ ɛɛha-ŋ lɩm mbʋ́ pɩhaɣ wezuu yɔ.»

2 Kɔrɛntɩ 2:16

Mbá peleki yɔ, sɔzɩŋ ɛnʋ ɛkɛnɩ-wɛ sɔŋ weyi ɛkʋʋ ɛyáa yɔ. Mbá Ɛsɔ yakɩ pa-ñʋʋ yɔ, ɛkɛnɩ paba sɔzɩŋ weyi ɛhaɣ ɛyáa wezuu yɔ. Pʋ-yɔɔ lɛ, apɩzɩɣ se ɛla tʋmɩyɛ ńɖɩ́?

Yakubu 1:17

Mbʋ́ pɩtɩŋa pahaɣ ɛyʋ nɛ pʋwɛ ɖeu pɩtɩɩfɛyɩ yɔ, Ɛsɔ weyi ɛwɛ ɛsɔdaa yɔ ɛ-cɔlɔ pɩlɩnaa. Ɛnʋ labɩnɩ wɩsɩ nɛ fenaɣ nɛ tɩɩnzɩ. Ɛɛlɛɣzɩɣ kaʋ: ɛfɛyɩ ɛzɩ kɩlɛmʋʋ yɔ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

Yakubu 5:16

Pʋ-yɔɔ meheyiɣ-mɩ se iheyi ɖama mɩ-kɩwɛɛkɩm nɛ itendi Ɛsɔ ɖama yɔɔ nɛ mɩ-yɔɔ cɛ. Weyi ɛtʋʋzɩ Ɛsɔ ɛsɩndaa yɔ, yee ɛsɛ Ɛsɔ nɛ ɛ-laŋɩyɛ tɩŋa yɔ, ɛ-Ɛsɔ sɛʋ wɛɣ ɖoŋ pɩtɩɩfɛyɩ.

1 Yohanɛɛsɩ 3:22

Ɛhaɣ-ɖʋ ɖɔɖɔ mbʋ́ ɖɩpɔzʋʋ-ɩ yɔ pɩtɩŋa payɩ, mbʋ́ pʋyɔɔ yɔ, ɖɩɖɔŋ ɛ-paɣtʋ yɔɔ nɛ ɖɩlakɩ mbʋ́ pɩkɛdɩnɩ-ɩ yɔ.