Yakubu 1:4 - New Testament

⁴ Ɛlɛ́, pʋwɛɛ se mɩ-hɔ ɖɔkʋʋ ḿbʋ́, pɩtɛzɩ kpaʋ ɖoŋ mi-wezuu caɣʋ taa nɛ piyele ɩtɛzɩ wɛnaʋ wɛtʋ kɩbandʋ tɩŋa, nabʋyʋ ɛtaatɛɖɩ-mɩ.

Yakubu 1:4 ပူးပေါင်းရင်းမြစ်များ

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 19:20

Peeɖe evebu ɛnʋ eheyi-i se: «Mɔnɖɔm paɣtʋ ńdʋ́ tɩtɩŋa payɩ tɩ-yɔɔ. Ɛbɛ pʋwɛɛ se mantasɩ labʋ yɔ?»

Maatiyee 5:48

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Maarkɩ 10:21

Yesu cɔnɩ-ɩ pɩŋŋ lɛ, ɛ-tɔm kɛdɩnɩ-ɩ nɛ eheyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Luka 21:19

Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ camɩyɛ nɛ ihiɣ ñʋʋ yabʋ.»

Luka 8:15

Lɛlaa ñɛwɛ ɛzɩ tɛtʋ kɩbandʋ ndʋ́ tɩ-taa pee tɔlaa yɔ. Pewelesiɣ Ɛsɔtɔm nɛ hɔyɛ kɩbanɖɛ nɛ pamʋ-tʋ nesi naalɛ nɛ pañaɣ pana pɔɖɔ tɩ-yɔɔ nɛ tɩwɛɛ-wɛ kɛzɛɣa.»

Yohanɛɛsɩ 17:23

Ḿbʋ́ ma nɛ wɛ ɖɩwɛɣ ɖama taa nɛ ma nɛ ŋ ɖɩwɛɛ ɖama taa. Mentendiɣ-ŋ se ŋyele nɛ pala nɔɔ kʋɖʋmaɣ siŋŋ nɛ kedeŋa ñɩma tɩlɩ se ñetiyini-m. Đɔɖɔ lɛ, ŋsɔɔlɩ-wɛ ɛzɩ ŋsɔɔlʋʋ-m yɔ.

1 Kɔrɛntɩ 2:6

Ŋgʋ́, lɔŋsɩnɖɛ tɔm ɖisusuu ɛyáa mbá papɩ Ɛsɔ nʋmɔʋ taa siŋŋ yɔ. Ɛlɛ́, pɩtɛkɛ kedeŋa ñɩma lɔŋsɩnɖɛ yaa kedeŋa awiya mbá pɔkɔŋ labʋ asayʋʋ yɔ pa-ñɩnɖɛ.

Galaatɩ 6:9

Pɩtaaɖɛɛ-ɖʋ nɛ camɩyɛ lakasɩ labʋ. Yee ɖɩwɛ sɩ-labʋ yɔɔ ḿbʋ́ yɔ, alɩwaatʋ talɩɣ lɛ, paa weyi ɛkʋ mbʋ́ eɖuwa yɔ.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

1 Tesalooniki 5:23

Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ́ Kɩpaɣlʋ Yesu Krɩstʋ kɔŋ yɔ.

2 Timootee 3:17

Pɩlakɩ ḿbʋ́ se Ɛsɔ ɛyʋ ɛtɛzɩ pɩʋ nɛ ɛwɛnɩ mbʋ́ ɛɛlabɩnɩ paa tʋmɩyɛ kɩbanɖɛ nɖɩ́ yɔ.

Ebree 13:21

Ɛsɔ ɛnʋ, eyele nɛ ɩpɩzɩ ɩla mbʋ́ pɩtɩŋa payɩ pʋwɛ ɖeu yɔ nɛ piyele ɩla mbʋ́ e-liu wɛɛ yɔ. Mentendiɣ-i ɖɔɖɔ se ɛtɩŋnɩ Yesu Krɩstʋ yɔɔ nɛ ɛñɔɔzɩ ɖa-laŋa taa ɛzɩ pɩkɛdɩnaʋ-ɩ yɔ. Yesu Krɩstʋ ɛwɛɛ koboyaɣ taa tam! Pɩla ḿbʋ́!

Yakubu 1:5

Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.

Yakubu 3:2

Pɩpaŋ coɖuu ɖatɩŋa payɩ Ɛsɔ nʋmɔʋ taa. Yee putocoɖi nɔɔyʋ kaʋ ɛ-yɔɔdaɣ taa yɔ, nabʋyʋ fɛyɩ se paawanɩ-ɩ. Ɛpɩzɩɣ ɛtɛzɩ ɛ-tɩ ɖɔkʋʋ kpam.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

2 Pɩyɛ 1:9

Ɛlɛ́, weyi ɛfɛyɩnɩ-tʋ yɔ, ɛɛnaɣ poliŋ, ɛwɛ ɛzɩ yʋlʋm yɔ. Ɛsɔwa se pañalɩ ɛ-kɩwɛɛkɩm mbʋ́ ɛɛlaba yɔ.