Yakubu 1:27 - New Testament

²⁷ Weyi ɛɖɔkʋʋ suluwaa nɛ lelaa pa-kʋñɔmɩŋ taa nɛ ɛɖɔkʋʋ ɛ-tɩ se kedeŋa yɔɔ kɩdɛkɛdɩm ɛtaapisi-i yɔ, ɛnʋ tɩŋɩɣnɩ Caa Ɛsɔ wayɩ ɛzɩ pʋmʋnaʋ yɔ nɛ pɩkɛdɩɣnɩ ɛ́lɛ́.

Yakubu 1:27 ပူးပေါင်းရင်းမြစ်များ

Maatiyee 12:32

Weyi ɛyɔɔdʋʋ Ɛyʋ Pɩyalʋ ma tɔm ɛzaɣ́tʋ yɔ, Ɛsɔ kpeɣiɣ-i. Ɛlɛ́, weyi ɛyɔɔdʋʋ Fezuu Kiɖeɖeu tɔm ɛzaɣ́tʋ yɔ, Ɛsɔ eekpeɣiɣ pʋdʋ sɔnɔ nɛ cee.»

Maatiyee 5:8

Mbá pa-taa wɛ cɩɖɩcɩɖɩ yɔ, pehiɣ pa-tɩ! Mbʋ́ pʋyɔɔ yɔ, pɔkɔŋ Ɛsɔ naʋ.

Luka 1:6

Pe-wezuu caɣʋ wɛ ɖeu Ɛsɔ ɛsɩndaa nɛ pɔɖɔŋ Kɩpaɣlʋ paɣtʋ tɩŋa yɔɔ camɩyɛ, natʋyʋ fɛyɩ se paawanɩ-wɛ.

Room 12:2

Ɩtaawɛɛ ɩlakɩ ɛzɩ mbá paañaŋ Krɩstʋ yɔ. Ɛlɛ́, ɩha Ɛsɔ waɖɛ nɛ ɛha-mɩ lɩmaɣza kɩfana kpem nɛ pɩlɛɣzɩ-mɩ. Peeɖe ɩpɩzɩɣ ɩtɩlɩ mbʋ́ Ɛsɔ liu wɛɛ yɔ: ḿbʋ́ lɛ mbʋ́ pʋwɛ ɖeu nɛ pɩkɛdɩnɩ-ɩ nɛ pʋmʋna yɔ.

Room 2:13

Toovenim lɛ, pɩtɛkɛ mbá pewelesiɣ mbʋ́ paɖʋ paɣtʋ taa yem yɔ lɛ mbá patʋʋzɩ Ɛsɔ ɛsɩndaa yɔ. Ɛlɛ́, mbá pɔɖɔŋ tɩ-yɔɔ yɔ, ḿbá kɛɣnɩ kʋtʋʋzaa ɛ-ɛsɩndaa.

Galaatɩ 1:4

Krɩstʋ ɛnʋ ɛhanɩ ɛ-maɣmaɣ ɛ-tɩ ɖa-kɩwɛɛkɩm yɔɔ se ɛlɩzɩ-ɖʋ lɛɛlɛɛyɔ kedeŋa kɩdɛkɛdɩm nesi taa. Ɛlabɩ ḿbʋ́ ɛzɩ ɖa-Caa Ɛsɔ liu wɛʋ yɔ.

Galaatɩ 3:11

Toovenim lɛ, Ɛsɔ ɛɛpɩsɩɣ nɔɔyʋ kʋtʋʋzʋ se pʋdʋ ɖɔŋ paɣtʋ yɔɔ. Ḿbʋ́ pama ka-taa se: «Weyi ɛkɛ kʋtʋʋzʋ e-lidaʋ wɛnaʋ yɔɔ yɔ, ɛwɛɣ wezuu.»

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Galaatɩ 6:14

Ma lɛ, ɖa-Kɩpaɣlʋ Yesu Krɩstʋ sɩbʋ kaamaŋkaɣ yɔɔ yɔ, pi-ɖeke mankʋndʋʋna, nabʋyʋ fɛyɩ nɛ pɩtasɩnɩ-pʋ. Sɩm ḿbʋ́ pʋ-yɔɔ pɩtɩŋnaa nɛ kɩdɛkɛdɩm mbʋ́ pʋwɛ kedeŋa yɔɔ yɔ, pɩtatasɩ ɖoŋ nɩɩyɩ wɛnaʋ mɔ-yɔɔ nɛ ma ɖɔɖɔ mɛnkɛ sɩɖʋ pɩ-ɛsɩndaa.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

1 Timootee 1:5

Ŋheyiɣ-wɛ ḿbʋ́ se pɛwɛnɩ sɔɔlɩm mbʋ́ pɩlɩnɩ hɔyɛ kɩbanɖɛ nɛ lɩmaɣza kɩbana nɛ lidaʋ siŋŋ pa-taa yɔ.

1 Timootee 5:4

Ɛlɛ́, yee lelu nɔɔyʋ ɛwɛnɩ piya yaa sayɩnaa yɔ, pʋwɛɛ se ḿbá ɛcalɩnɩ kpɛlɩkʋʋ mbʋ́ pʋmʋnaa se pala pɔ-hɔʋ taa ñɩma yɔ. Pʋ-tɔbʋʋ se ḿbá pɩtalɩnaa se pɔcɔnɩ pa-ñɩma yɔɔ ɛzɩ paba kɔcɔnaʋ pɔ-yɔɔ yɔ. Mbʋ́ pʋyɔɔ yɔ, ḿbʋ́ kɛdɩnɩnɩ Ɛsɔ.

Tiiti 2:12

Eyebi ḿbʋ́ se ɛwɩlɩnɩ-ɖʋ se ɖiyele mbʋ́ e-liu fɛyɩ yɔ pɩ-labʋ nɛ kedeŋa yɔɔ ñɩm sɔɔlʋʋ. Peeɖe ɖɩɖɔkʋʋ ɖa-tɩ nɛ ɖɩcaɣ wezuu ŋgʋ́ kʋtʋʋzaa nɛ kɩkɛdɩnɩ Ɛsɔ ɛnʋ yɔ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

Yakubu 3:9

Nzʋlʋmɩyɛ ńɖɩ́ ɖɩsaŋnɩ ɖa-Kɩpaɣlʋ Caa Ɛsɔ. Ńɖɩ́ ɖɔɖɔ ɖɩwɩlɩɣnɩ lɛlaa kpalʋʋ, ŋgʋ́, Ɛsɔ labɩ-wɛ ɛzɩ ɛ-maɣmaɣ ɛwɛʋ yɔ:

Yakubu 4:4

Mɩ, ɩwɛ ɛzɩ acɛyɛ tɩnaa yɔ! Ɩtatɩlɩ se yee nɔɔyʋ ɛsɔɔlɩ kedeŋa ñɩm kpem yɔ, ɛpɩsɩɣ Ɛsɔ koyindu naa we? Pʋ-yɔɔ lɛ, weyi ɛsɔɔlʋʋ kedeŋa ñɩm yɔ, ɛpɩsɩɣ Ɛsɔ koyindu kpaagbaa.

2 Pɩyɛ 1:4

Ḿbʋ́ yebina nɛ ɛlabɩ-ɖʋ kʋjɔŋ sɔsɔŋ weyi ɛɖʋwa se ɛlakɩ-ɖʋ yɔ. Kʋjɔŋ ɩnʋ ɩwɛ ɖeu pɩtɩɩfɛyɩ. Ɛlakɩ-ɖʋ-ɩ se pɩtɩŋnɩ ɩ-yɔɔ nɛ ɩlɩɩ mbʋ́ kedeŋa ñɩma sɔɔlɩ labʋ nɛ pɩwɛɛkɩɣ-wɛ yɔ pi-nesi taa nɛ ɩwɛnɩ wɛtʋ ndʋ́ Ɛsɔ wɛna yɔ.

2 Pɩyɛ 2:20

Đa-Kɩpaɣlʋ Yesu Krɩstʋ lɛ ɖa-ñʋʋ yaɖʋ. Toovenim lɛ, yee ɛyáa ɩsɩm-ɩ nɛ peyele kedeŋa yɔɔ cɩnɛ ɛzaɣ́tʋ lakasɩ nɛ pɛtɛ paɖaɣnɩ pɩsʋʋ sɩ-taa nɛ sɩwabɩ-wɛ yɔ, pɛwɛɣ pʋtɔdɩyɛ kpem nɛ pɩkɩlɩ paawɛʋ kajalaɣ taa yɔ.

2 Pɩyɛ 3:14

Mɛ-ɛgbaɣdɩnaa, pʋ-yɔɔ lɛ, pɩ-ɖaŋʋʋ taa lɛ, pʋwɛɛ se ɩñaɣ pana nɛ ɩwɛɛ cɩɖɩcɩɖɩ Ɛsɔ ɛsɩndaa nɛ pataana kɩdɛkɛdɩm nabʋyʋ mɩ-yɔɔ. Ɩñaɣ pana ɖɔɖɔ nɛ ɩwɛɛ laŋhɛzɩyɛ taa ɛ-ɛsɩndaa.

1 Yohanɛɛsɩ 5:18

Đɩnawa se paa Ɛsɔ pɩɣa ŋgá, kaawɛɣ kɩwɛɛkɩm labʋ yɔɔ. Mbʋ́ pʋyɔɔ yɔ, Ɛsɔ Pɩyalʋ huuzuu kɔ-yɔɔ nɛ kaasʋʋ Satanɩ nesi taa.