Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yakubu 1:25 - New Testament

25 Weyi ɛ́lɛ́ ñatazɩɣ paɣtʋ maɣmaɣ taa siŋŋ yɔ, ehikiɣ ɛ-tɩ mbʋ́ pɩtɩŋa payɩ ɛlakɩ yɔ pɩ-taa. Ńdʋ́ yekina nɛ ɛyʋ wɛɛ ɛ-tɩ yɔɔ. Eewelesiɣ-tʋ yem nɛ ɛsɔɔ-tʋ, ɛlɛ́, ɛɖɔŋ tɩ-yɔɔ siŋŋ.

အခန်းကိုကြည့်ပါ။ ကော်ပီ




Yakubu 1:25
41 ပူးပေါင်းရင်းမြစ်များ  

Peeɖe Yesu cosi-i se: «Mbá panɩɣ Ɛsɔtɔm nɛ pɔɖɔŋ tɩ-yɔɔ yɔ, ḿbá manaɣ se pehiɣ pa-tɩ.»


Lɛɛlɛɛyɔ, ɩsɩm mbʋ́ pʋwɛɛ se ɩla yɔ. Yee ɩñɩtaa ɩlabɩ-pʋ yɔ, ihikiɣ mɩ-tɩ!


Pʋ-yɔɔ lɛ, yee Caa Pɩyalʋ eholi-mɩ yɔ, ɩwɛɣ mɩ-tɩ yɔɔ kpem.


Ɛyáa tɩŋa lɩ Ɛsɔ ɖɩsɛyɛ peeɖe lɛ, Yuda ñɩma sakɩyɛ nɛ mbá palakaɣ Yuda ñɩma sɔnzɩ yɔ, patɩŋ Pɔɔlɩ nɛ Barnaabaasɩ pa-wayɩ. Peeɖe paba sazɩ-wɛ se pɔ́ɖɔ́kɩ pa-tɩ camɩyɛ kpam nɛ nɔɔyʋ ɛtaakɔɔ elesi-wɛ Ɛsɔ lootiye nʋmɔʋ taa.


Ɛyáa ḿbá, pɛ-ɛsɩyɛ sɛnɩ tiyiyaa tɔm welesuu nɛ pa nɛ wɛ panɩɣnɩ ɖama nɛ palakɩ tindine tayʋʋ sɔnzɩ nɛ pɛsɛɣ Ɛsɔ.


Ɛlɛ́, Ɛsɔ huuzi mɔ-yɔɔ nɛ pʋkɔɔ pɩtalɩnɩ sɔnɔ nɛ mɛwɛɛ malɩzɩɣ sɔsaa nɛ piya patɩŋa payɩ tɔm ndʋ́ náyaa nɛ Mooyiizi pɔyɔɔdaa se tɩkɔŋ labʋ kpem yɔ tɩ-aseɣɖe. Maayɔɔdʋʋ natʋyʋ nɛ pɩtasɩnɩ-tʋ.


Cɔnɩ ŋna Ɛsɔ camɩyɛ lakasɩ nɛ ɛzɩma mbʋ́ ɛhʋʋnɩ ɛyáa nɛ ɛhɔŋ pa-nɩŋgbaaŋ ɖɔɖɔ yɔ: ɛhʋʋnɩ mbá palabɩ kɩwɛɛkɩm yɔ nɛ ɛlakɩ ña ɖeu. Ɛlɛ́, pʋwɛɛ se ŋwɛɛ Ɛsɔ camɩyɛ lakasɩ nʋmɔʋ taa. Pɩtɛkɛ ḿbʋ́, ɛsɛtɩɣ-ŋ ɖɔɖɔ ɛzɩ pɛsɛtʋʋ piliŋa yɔ.


Toovenim lɛ, pɩtɛkɛ mbá pewelesiɣ mbʋ́ paɖʋ paɣtʋ taa yem yɔ lɛ mbá patʋʋzɩ Ɛsɔ ɛsɩndaa yɔ. Ɛlɛ́, mbá pɔɖɔŋ tɩ-yɔɔ yɔ, ḿbá kɛɣnɩ kʋtʋʋzaa ɛ-ɛsɩndaa.


Pʋ-yɔɔ lɛ, Ɛsɔ ɖʋnɩ paɣtʋ, ɛnʋ ɖʋnɩ ɖɔɖɔ mbʋ́ pʋwɛ tɩ-taa yɔ. Ḿbʋ́ wɩlɩɣnɩ-ɖʋ mbʋ́ pʋtʋʋzaa yɔ. Paɣtʋ wɛ ɖeu nɛ tɩwɛɛ siɣsiɣ.


Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.


Mbʋ́ pʋyɔɔ yɔ, ɛzɩma mbʋ́ mɛwɛ Fezuu Kiɖeɖeu ŋgʋ́ kɩtɩŋnɩ Krɩstʋ Yesu yɔɔ nɛ kɩhaɣ-ɖʋ wezuu yɔ ki-nesi taa yɔ pʋ-yɔɔ lɛ, puholi-m nɛ kɩwɛɛkɩm nɛ sɩm pe-nesi taa.


Pʋ-yɔɔ lɛ, taabalaa kɩbama, ɩɖɔkɩ mɩ-tɩ camɩyɛ kpam. Pɩtaaliɣti-mɩ, ɩla Kɩpaɣlʋ tʋma paa ɖooye. Mbʋ́ pʋyɔɔ yɔ, mɩ-maɣmaɣ ɩtɛm naʋ se tʋma wena ɩlakɩ mɩ nɛ ɩ mɩ-kpɛndʋʋ taa yɔ, atɛkɛ falaa.


Mɩ-maɣmaɣ ɩtakɩ mɩ-taa nɛ ɩna se ɩwɛ lidaʋ nʋmɔʋ taa yaa we? Ɩtatɩlɩ se mɩ nɛ Yesu Krɩstʋ ɩkpɛndaa yaa we? Yee ɩnawa se ɩfɛyɩnɩ lidaʋ ɛ-yɔɔ lɛ, ḿbʋ́ lɛ.


Ɛlɛ́, mbá pɛcɛtaɣ se pɛkɛ Krɩstʋ ñɩma nɛ paasʋ ɖɛ-ŋgbɛyɛ taa yɔ, ḿbá yɔɔdaɣna se pʋwɛɛ se pɛpɛlɩ-ɩ. Ŋgʋ́, ɛyáa ḿbá, mɛsaɣ tɛɛ paasʋ ɖa-taa se pana ɛzɩma mbʋ́ pɩtɩŋnɩ Krɩstʋ Yesu yɔɔ nɛ ɖɩwɛɛ ɖa-tɩ yɔɔ yɔ. Pañɩnaɣ se ɖɩɖaɣnɩ pɩsʋʋ yomaa.


Krɩstʋ holi-ɖʋ se ɖɩwɛɛ ɖa-tɩ yɔɔ kpem. Pʋ-yɔɔ lɛ, ɩñaɣ pana nɛ ɩwɛɛ mɩ-tɩ yɔɔ ḿbʋ́ nɛ ɩtaatasɩ pɩsʋʋ yomaa.


Ɩsɩnɩ ɖama mɩ-kʋñɔmɩŋ taa. Yee ɩlakɩ ḿbʋ́ yɔ, pɩwɩlɩɣ se ɩɖɔŋ Krɩstʋ paɣtʋ yɔɔ.


Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.


Paa ḿbʋ́ yɔ, halaa lʋlʋʋ piya nɛ Ɛsɔ ya pa-ñʋʋ. Ɛlɛ́, pʋwɛɛ se pɛwɛnɩ lidaʋ ɛ-yɔɔ tam ḿbʋ́ nɛ pɔsɔɔlɩ ɛyáa nɛ pɛwɛɛ cɩɖɩcɩɖɩ Ɛsɔ ɛnʋ ɛ-ɛsɩndaa. Pataaɖɛlɛsɩ niye.


Ñaɣ pana ŋɖɔkɩ ña-tɩ nɛ ŋɖʋ ɛsɩyɛ mbʋ́ ŋwɩlɩɣ yɔ pʋ-yɔɔ. Mbʋ́ pʋyɔɔ yɔ, yee ŋlabɩ ḿbʋ́ yɔ, ŋyakɩ ña nɛ mbá pewelesiɣni-ŋ yɔ mɩ-ñʋʋ.


Ɩcɔnɩ ɖama yɔɔ camɩyɛ nɛ mɩ-taa nɔɔyʋ ɛtaakɔɔ ɛha lootiye nɖɩ́ Ɛsɔ labɩ-mɩ yɔ siɣ́ye. Mɩ-taa nɔɔyʋ ɛtaawɛɛ ɛzɩ tɩʋ ñaŋ ñɩŋgʋ ŋgʋ́ kɩwɛɛ nɛ kʋ-sɔtʋ ɖɛɣ ɛyáa sakɩyɛ nɛ tɩwɛɛkɩɣ-wɛ yɔ.


Paɣtʋ ndʋ́ tiyeki se ɛyʋ ɛwɛɛ ɛ-tɩ yɔɔ yɔ, tɩ-yɔɔ pɔkɔŋ-mɩ hʋnaʋ. Pʋ-yɔɔ lɛ, mɩ-yɔɔdaɣ nɛ mɩ-lakasɩ pawɩlɩ se ɩsɩm paɣtʋ ńdʋ́.


Ɩwɛɛ ɛzɩ ɛyáa mbá pɛwɛ pa-tɩ yɔɔ yɔ. Ɩtaawanɩ mɩ-tɩ yɔɔ wɛʋ ḿbʋ́ nɛ ɩla ɛzaɣ́tʋ, ɛlɛ́, pʋwɛɛ se ɩwɛɛ ɛzɩ Ɛsɔ yomaa yɔ.


Pʋ-yɔɔ lɛ, iyele nɛ tɔm ndʋ́ ɩnɩ ɖooo kiɖe tɛɛ yɔ, tɩcaɣ mɩ-taa. Yee tɔm ndʋ́ ɩnɩ ɖooo kiɖe tɛɛ yɔ, tɩwɛ mɩ-taa yɔ, pʋbʋ, mɩ nɛ Caa Ɛsɔ nɛ ɛ-Pɩyalʋ ɩkpɛndaa.


Peeɖe manɩ pʋyɔɔdʋʋnɩ-m nɛ ɛsɔdaa se: «Ma se pɩkpaɣʋnɩ lɛɛlɛɛyɔ yɔ, mbá pasɩkɩ pa nɛ Kɩpaɣlʋ pɛ-kpɛndʋʋ taa yɔ, pehiɣ pa-tɩ!» Ɛlɛ́, Fezuu Kiɖeɖeu tisi se: «Ḿbʋ́ lɛ! Piyeki nɛ pɛhɛzɩnɩ pa-tʋma: pɔkɔŋ-wɛ hɛyʋʋ a-yɔɔ.»


Mbá pɔcɔtʋʋ po-tokonaa se pɩha-wɛ waɖɛ nɛ pɔtɔɔ tɩʋ ŋgʋ́ kɩhaɣ wezuu yɔ ki-pee nɛ patɩŋnɩ nɔnɔsɩ nɛ pasʋʋ tɛtʋ taa yɔ, pehiɣ pa-tɩ!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ