Yakubu 1:22 - New Testament

²² Ɩtaacɛtɩɣ mɩ-tɩ nɛ Ɛsɔtɔm welesuu yem. Ɛlɛ́, pʋwɛɛ se ɩɖɔ tɩ-yɔɔ camɩyɛ.

Yakubu 1:22 ပူးပေါင်းရင်းမြစ်များ

Maatiyee 12:50

Mbʋ́ pʋyɔɔ yɔ, weyi ɛlakɩ mbʋ́ man-Caa weyi ɛwɛ ɛsɔdaa yɔ e-liu wɛɛ yɔ, ɛnʋ lɛ me-neu yaa mon-ɖoo.»

Maatiyee 28:20

Ɩkpɛlɩkɩ-wɛ nɛ pɔɖɔ mbʋ́ pɩtɩŋa payɩ maaɖʋ-mɩ yɔ pʋ-yɔɔ. Ɩtɩlɩ se mɛwɛɣ mɩ-cɔlɔ kɩyakɩŋ tɩŋa nɛ pʋkɔɔ pɩsɩɩnɩ kedeŋa tɛm wiye.»

Luka 11:28

Peeɖe Yesu cosi-i se: «Mbá panɩɣ Ɛsɔtɔm nɛ pɔɖɔŋ tɩ-yɔɔ yɔ, ḿbá manaɣ se pehiɣ pa-tɩ.»

Yohanɛɛsɩ 13:17

Lɛɛlɛɛyɔ, ɩsɩm mbʋ́ pʋwɛɛ se ɩla yɔ. Yee ɩñɩtaa ɩlabɩ-pʋ yɔ, ihikiɣ mɩ-tɩ!

Room 2:13

Toovenim lɛ, pɩtɛkɛ mbá pewelesiɣ mbʋ́ paɖʋ paɣtʋ taa yem yɔ lɛ mbá patʋʋzɩ Ɛsɔ ɛsɩndaa yɔ. Ɛlɛ́, mbá pɔɖɔŋ tɩ-yɔɔ yɔ, ḿbá kɛɣnɩ kʋtʋʋzaa ɛ-ɛsɩndaa.

1 Kɔrɛntɩ 15:33

Ɩtaayele nɛ nɔɔyʋ cɛtɩ-mɩ: «Ɛgbaɣdɩyɛ kɩdɛkɛdɩyɛ lesiɣ lakasɩ kɩbanzɩ.»

1 Kɔrɛntɩ 3:18

Nɔɔyʋ ɛtaacɛtɩ ɛ-tɩ yem. Yee mɩ-taa nɔɔyʋ ɛmaɣzɩɣ se ɛwɛnɩ kedeŋa lɔŋsɩnɖɛ yɔ, pʋdʋ ɛpɩsɩ ɛzɩ kɩmɛlɛŋ yɔ. Peeɖe ɛkɛɣ lɔŋsɩnɖʋ toovenim taa.

1 Kɔrɛntɩ 6:9

Ɩtatɩlɩ se kɩdɛkɛdɩm laɖaa ɛɛkaɣ sʋʋ Ɛsɔ Kewiyaɣ taa yaa we? Ɩtaacɛtɩ mɩ-tɩ: acɛyɛ laɖaa yaa sɩɩnaa layaa yaa acɛyɛ laɖaa yaa abalaa mbá pacaɣ ɖama yɔ

Galaatɩ 6:3

Yee nɔɔyʋ ɛmaɣzɩɣ se ɛ-wayɩ lɛ, nɔɔyʋ fɛyɩ nɛ pʋdʋ fɛyɩ wazaɣ nakɛyɛ yɔ, ɛcɛtɩ ɛ-maɣmaɣ ɛ-tɩ kpem.

Galaatɩ 6:7

Ɩtaacɛtɩ mɩ-tɩ yem: paawoŋuu Ɛsɔ. Mbʋ́ ɛyʋ ɖúu yɔ, ḿbʋ́ ɛkʋŋ:

Filiipu 4:8

Taabalaa! Ndʋ́ mɛntɛzɩɣnɩ-mɩ yɔ lɛ se: ɩmaɣzɩ mbʋ́ pʋwɛ ɖeu nɛ pʋmʋna se pasam-pʋ yɔ pʋ-yɔɔ. Ḿbʋ́ yɔ: mbʋ́ pɩtɩŋa payɩ pɩkɛ toovenim yɔ nɛ mbʋ́ pʋmʋnaa se pañam-pʋ yɔ nɛ mbʋ́ pʋtʋʋzaa yɔ nɛ mbʋ́ pʋwɛ cɩɖɩcɩɖɩ yɔ nɛ mbʋ́ pʋmʋnaa se pɔsɔɔlɩ-pʋ yɔ nɛ mbʋ́ pʋmʋnaa se payɩɣyɩ-pʋ yɔ nɛ mbʋ́ pʋmʋnaa se palabɩ-pʋ yɔ nɛ mbʋ́ pʋbʋ mʋnaa se paɖʋ-pʋ hɩɖɛ yɔ. Ɩmaɣzɩ pʋ-yɔɔ camɩyɛ.

Koloosi 3:17

Đɔɖɔ lɛ, mbʋ́ pɩtɩŋa payɩ ɩlakɩ yaa ndʋ́ ɩyɔɔdʋʋ yɔ, ɩlabɩ-pʋ Kɩpaɣlʋ Yesu yɔɔ nɛ pɩtɩŋnɩ ɛ-yɔɔ nɛ ɩsa Caa Ɛsɔ.

2 Timootee 3:13

Ɛlɛ́, kañadɩnaa nɛ cɛtɩyaa pɛtɛzɩɣ labʋ kɩdɛkɛdɩm nɛ pɛcɛtɩ lɛlaa, ɛlɛ́ pɔkɔŋ pa-maɣmaɣ cɛtʋʋ.

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.

Yakubu 1:26

Yee nɔɔyʋ ɛmaɣzɩɣ se ɛkɛ Ɛsɔ wayɩ tɩŋɩyʋ nɛ ɛɛɖɔkʋʋ ɛ-tɩ ɛ-yɔɔdaɣ taa nɛ ɛcɛtɩɣ ɛ-tɩ kɩcɛtʋ yɔ, ɛ-Ɛsɔ wayɩ tɩŋʋʋ ɛɛwazɩɣ pʋyʋ.

Yakubu 4:11

Taabalaa! Ɩtaayɔɔdɩ ɖama yɔɔ tɔm ɛzaɣ́tʋ. Weyi ɛyɔɔdʋʋ lɛlʋ yɔɔ tɔm ɛzaɣ́tʋ yaa ɛkpɛzɩɣnɩ-ɩ yɔ, ɛyɔɔdɩ ɖɔɖɔ mbʋ́ paɖʋ paɣtʋ taa yɔ pʋ-yɔɔ tɔm ɛzaɣ́tʋ nɛ ɛtɛ ɛkpɛɛnɩ-tʋ. Yee ŋkpɛɣnɩ paɣtʋ yɔ, ŋŋɖɔŋ tɩ-yɔɔ, ɛlɛ́, ŋkpaɣ ña-tɩ se ŋkɛ tɔm hʋyʋ.

Yakubu 4:17

Pʋ-yɔɔ lɛ, yee nɔɔyʋ ɛsɩm mbʋ́ pʋmʋnaa se ɛla yɔ nɛ ɛɛlakɩ-pʋ yɔ, ɛlabɩ kɩwɛɛkɩm.

2 Pɩyɛ 2:13

Pɔkɔŋ-wɛ labʋ mbʋ́ pɩtatʋʋzɩ yɔ ɛzɩ pa-maɣmaɣ palabʋ lɛlaa yɔ. Pɔsɔɔlɩ kpem se pɔtɔɔ nɛ pɔñɔɔ nɛ pɩɖɛlɛsɩ niye nɛ pɩkpɛndɩnɩ wɩsɩ taa. Alɩwaatʋ ndʋ́ mɩ nɛ wɛ ɩkpɛndɩɣ ɩtɔkɩ kazandʋ yɔ, pa-lakasɩ kpaɣ-mɩ fɛyɛ. Pɛcɛtɩɣ-mɩ nɛ pɩkɛdɩɣnɩ-wɛ siŋŋ.

1 Yohanɛɛsɩ 1:8

Yee ɖɩtɔm se ɖɩtala kɩwɛɛkɩm nabʋyʋ yɔ, ɖɩcɛtɩɣ ɖa-tɩ, ɖɩtasɩ toovenim.

1 Yohanɛɛsɩ 2:3

Yee ɖɩɖɔŋ Ɛsɔ paɣtʋ yɔɔ camɩyɛ yɔ, pɩwɩlɩɣ toovenim se ɖɩsɩm-ɩ.

1 Yohanɛɛsɩ 3:7

Men-piya! Itaayele nɛ nɔɔyʋ cɛtɩ-mɩ kaʋ! Weyi ɛlakɩ mbʋ́ pʋtʋʋzaa yɔ, ɛkɛ kʋtʋʋzʋ ɛzɩ Yesu Krɩstʋ yɔ.

3 Yohanɛɛsɩ 1:11

Mɛ-ɛgbaɣdʋ! Taatɩŋ lɛlaa ɛzaɣ́tʋ nʋmɔʋ taa, ɛlɛ́, tɩŋ-wɛ mbʋ́ pʋwɛ ɖeu yɔ pʋ-nʋmɔʋ taa. Weyi ɛlakɩ mbʋ́ pʋwɛ ɖeu yɔ, ɛkɛ Ɛsɔ pɩɣa. Weyi ɛ́lɛ́ ñalakɩ ɛzaɣ́tʋ yɔ, ɛtasɩ Ɛsɔ.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 22:7

Yesu tɔŋ se: «Na, pɩkazɩ pazɩ, mɔnkɔŋ! Weyi ɛɖɔŋ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ tɩ-yɔɔ yɔ, ehiɣ ɛ-tɩ!»