21 Pʋ-yɔɔ lɛ, iyele mbʋ́ pɩtɩŋa payɩ pipisiɣ ɛyáa yɔ nɛ mbʋ́ pɩtɩŋa payɩ pɩfɛyɩ ɖeu yɔ. Itisi tɔm ndʋ́ Ɛsɔ ɖu mɩ-laŋa taa yɔ nɛ ñamtʋ, mbʋ́ pʋyɔɔ yɔ, tɩpɩzɩɣ tɩya mɩ-ñʋʋ.
Mbá pɛwɛ hɛɛɛ yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ-wɛ cɛlʋʋ kedeŋa ŋgá ɛɖʋwa se ɛhaɣ ɛ-ñɩma yɔ.
Fezuu Kiɖeɖeu haɣnɩ wezuu. Ɛyʋ ɛɛpɩzɩɣ ɛla pʋyʋ. Tɔm ndʋ́ meheyi-mɩ yɔ, tɩ-yɔɔ kɩtɩŋɩɣna nɛ kɩhaɣ wezuu.
Peeɖe Siimɔɔ Pɩyɛ cosi-i se: «Kɩpaɣlʋ! A-cɔlɔ ɖiwoki? Ñɔ-cɔlɔ tɔm ndʋ́ tɩhaɣ wezuu maatɛŋ yɔ tɩwɛɛ.
Kpaagbaa ḿbʋ́ lɛ, mankʋsɩ ɛyáa se pɔkɔɔ paya-ŋ. Pɩlabɩ-m leleŋ se ŋkɔma. Lɛɛlɛɛyɔ, ɖatɩŋa ɖɩwɛ cɩnɛ Ɛsɔ ɛsɩndaa nɛ ɖiwelesiɣ se ɖɩnɩɩ ndʋ́ ɛnʋ Kɩpaɣlʋ etiyi-ŋ se ŋkɔɔ ŋheyi-ɖʋ yɔ.»
Man-taabalaa, mbá mɩ ɩkɛ Abraham sayɩnaa nɛ mbá mɩ ɩwɛ cɩnɛ nɛ ɩñaŋ Ɛsɔ yɔ! Đa nɛ mɩ ɖatɩŋa peheyi ñʋʋ yabʋ tɔm tʋnɛ.
Mbʋ́ pʋyɔɔ yɔ, fɛyɛ ɛɛkpaɣ-m nɛ Laŋhɛzɩyɛ Tɔm ńdʋ́: tɩkɛ ɖoŋ weyi Ɛsɔ tɩŋɩɣnɩ ɩ-yɔɔ nɛ ɛya mbá patɩŋa payɩ pɛwɛɣnɩ lidaʋ ɛ-yɔɔ yɔ pa-ñʋʋ yɔ. Ɛpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ.
Izrɛɛlɩ ñɩma wɛ ɛzɩ somuu ŋgʋ́ pɔsɔwa nɛ pɛsɛtɩ ki-pilinzi nasɩyɩ yɔ. Weyi ña ŋtɛkɛ Yuda tʋ yɔ, ŋwɛ ɛzɩ somuu ŋgʋ́ kʋñɔ tɛyɛ yɔɔ yem yɔ ki-piliŋa. Pɛsɛtɩ-kɛ nɛ pɔsɔ ŋgʋ́ pɔsɔ kʋsɔʋ yɔ ki-pilinzi nzɩ́ pɛsɛtaa yɔ si-lone taa: lɛɛlɛɛyɔ, ŋtɔkɩ ɖɔɖɔ liɖe nɖɩ́ ɖɩcalɩɣ-kʋ yɔ ɖɩ-yɔɔ.
Ɛlɛ́, ɖɩsa Ɛsɔ. Mbʋ́ pʋyɔɔ yɔ, mbá mɩ ɩɩkɛ kɩwɛɛkɩm yomaa yɔ, lɛɛlɛɛyɔ, ɩmʋ tɔm ndʋ́ pawɩlɩ-mɩ yɔ nesi naalɛ nɛ ɩɖɔŋ tɩ-yɔɔ.
Yee ɩɖɔkɩ-tʋ ḿbʋ́ camɩyɛ kpam ɛzɩ monsusuu-mɩ-tʋ yɔ yɔ, tɩyakɩ mɩ-ñʋʋ. Pɩtɛkɛ ḿbʋ́, lidaʋ ŋgʋ́ ɩɩwɛnɩ alɩwaatʋ ndʋ́ monsusi-mɩ-tʋ yɔ, kɩɩwazɩɣ-mɩ pʋyʋ.
Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.
Mɩ nɛ ɩ mɩ-kpɛndʋʋ taa ɖɔɖɔ ɩnɩ toovenim tɔm. Ńdʋ́ lɛ Laŋhɛzɩyɛ Tɔm ndʋ́ tɩyakɩ mɩ-ñʋʋ yɔ. Pɩ-taa ɖɔɖɔ Ɛsɔ ha-mɩ e-Fezuu Kiɖeɖeu alɩwaatʋ ndʋ́ ɩwɛnɩ lidaʋ ɛ-yɔɔ yɔ. Ŋ́gʋ́ ɛɖʋwa se ɛhaɣ ɛ-ñɩma. Ŋ́gʋ́ lɛ mayaɣ ŋgá ɛñɩɣ mɩ-yɔɔ yɔ.
Yee ḿbʋ́, pʋwɛɛ se iyele mɩ-wɛtʋ kɩbɩndʋ nɛ mi-wezuu caɣʋ kɩbɩm, mbʋ́ pʋyɔɔ yɔ, ḿbá cɛtɩɣnɩ-mɩ nɛ paɖʋzʋʋ-mɩ.
Pʋ-yɔɔ lɛ, pʋwɛɛ se iyele cɛtʋʋ: paa mɩ-taa weyi eheyi lɛlʋ toovenim. Mbʋ́ pʋyɔɔ yɔ, ɖatɩŋa payɩ ɖɩkɛ Krɩstʋ tomnaɣ pilinzi.
Tʋtʋ nɛ tɔm ɛzaɣ́tʋ nɛ niɣzuu tɔm, pataatɩɩlɩʋ ɖɔɖɔ mɩ-nɔɔ taa: pɩfɛyɩ ɖeu. Ɛlɛ́, Ɛsɔ sam ɖeke ɛlɩɩna.
Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.
Đɩsaŋ Ɛsɔ tam nabʋyʋ yɔɔ ɖɔɖɔ. Ḿbʋ́ lɛ se: alɩwaatʋ ndʋ́ ɖisusi-mɩ ɛ-tɔm nɛ ɩnɩɩ-tʋ yɔ, itetisi-tʋ ɛzɩ ɛyáa tɔm yem yɔ. Ɛlɛ́, itisi-tʋ ɛzɩ mbʋ́ tɩkɛ toovenim taa yɔ, tɩkɛ Ɛsɔtɔm siŋŋ nɛ tɩlakɩ mbá mɩ ɩwɛnɩ lidaʋ ɛ-yɔɔ yɔ tʋmɩyɛ.
Mbʋ́ pʋyɔɔ yɔ, Ɛsɔ yeba nɛ ɛyáa na e-lootiye. Đɩ-taa patɩŋa payɩ pa-ñʋʋ yabʋ lɩɣna.
Đa lɛ, ḿbʋ́ aseɣɖe tɩnaa samaɣ sɔsɔɔ ŋgá kɛwɛnɩ lidaʋ yɔ, kɔcɔ-ɖʋ kata. Pʋ-yɔɔ lɛ, ɖɩlɔ ɖa-sʋʋtʋ nɛ ɖa-kɩwɛɛkɩm patɩŋa payɩ nɛ ɖɩpɩzɩ ɖise seya wena paɖʋ-ɖʋ yɔ siŋŋ. Mbʋ́ pʋyɔɔ yɔ, ḿbá yekina se ɖɩtaala mbʋ́ pʋpɔzʋʋ-ɖʋ yɔ.
Yee ḿbʋ́ pʋwɛɛ lɛ, ɛzɩma ɖa ɖapɩzɩɣ ɖɩlɩɩ pɩ-taa alɩwaatʋ ndʋ́ ɖɩtakpaɣ ñʋʋ yabʋ siŋŋ tɔm tʋnɛ nɛ ɖɩyaa pʋyʋ yɔ? Kɩpaɣlʋ Yesu calɩnɩ pʋ-tɔm yɔɔdʋʋ nɛ mbá panɩ-tʋ yɔ, paɖaɣnɩ-ɖʋ-tʋ heyuu se tɩkɛ toovenim.
Peheyi-ɖʋ Laŋhɛzɩyɛ Tɔm ɖɔɖɔ ɛzɩ paaheyuu mbá paawɛ lakʋ taa yɔ. Ɛlɛ́, tɔm ndʋ́ panɩwa yɔ, tɩtawazɩ-wɛ pʋyʋ, mbʋ́ pʋyɔɔ yɔ, mbá panɩ-tʋ yɔ, pataawɛnɩ lidaʋ tɩ-yɔɔ.
Ɩkpɩtɩnɩ Ɛsɔ nɛ ɛ́lɛ́ kpɩtɩnɩ-mɩ. Kɩwɛɛkɩm laɖaa mɩ! Ɩlɩzɩ mi-nesi pʋ-tɔm taa. Nɔsɩ naalɛ tɩnaa mɩ! Iyele mɩ-lɩmaɣza kɩdɛkɛdɛɛ.
Ɩtɩlɩ se: yee mɩ-taa nɔɔyʋ eleba toovenim nʋmɔʋ nɛ nɔɔyʋ hɔm-ɩ nɛ ɛpɩsɩnɩ-ɩ kɩ-taa yɔ, ɛlɩzɩ-ɩ nɛ sɩm taa. Đɔɖɔ lɛ, lakasɩ ńzɩ́ sɩlakɩ nɛ Ɛsɔ kpeɣ ɛyáa kɩwɛɛkɩm sakɩyɛ.
Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.
Mbʋ́ pʋyɔɔ yɔ, Ɛsɔ yakɩ mɩ-ñʋʋ yɔɔ ɩwɛnɩ lidaʋ.
Pʋ-yɔɔ lɛ, iyele kɩwɛɛkɩm tɩŋa payɩ labʋ: kañatʋ nɛ cɛtʋʋ nɛ tɛɛ nɛ pʋ-yɔɔ lakasɩ nɛ ɛsɩsɛmɩyɛ nɛ lɛlaa tɔm ɛzaɣ́tʋ yɔɔdʋʋ.
Mɛ-ɛgbaɣdɩnaa! Ɩkɛ agɔmaa nɛ nʋmɔɖɔnaa kedeŋa yɔɔ cɩnɛ. Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ nɛ mɩ-maɣmaɣ mɩ-wɛtʋ ɛtaahɔm-mɩ nɛ ɩla mbʋ́ ɩtaasɔɔlɩ yɔ.