Yakubu 1:18 - New Testament

¹⁸ Ɛ-maɣmaɣ ɛsɔɔlɩna nɛ ɛtɩŋnɩ toovenim tɔm yɔɔ nɛ ɛha-ɖʋ wezuu se ɖɩkɛ kajalaɣ ñɩma, mbʋ́ mbʋ́ ɛlaba yɔ pɩ-taa.

Yakubu 1:18 ပူးပေါင်းရင်းမြစ်များ

Yohanɛɛsɩ 1:13

Patalʋlɩ-wɛ ɛzɩ ɛyáa sɔɔlʋʋ nɛ palʋlʋʋ pe-piya yɔ. Ɛlɛ́, Ɛsɔ hanɩ-wɛ wezuu kɩfalʋʋ.

Room 4:17

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Malɩzɩnɩ-ŋ se ŋkɛ ajɛya ndɩ ndɩ taa ñɩma cɔzɔ.» Ɛkɛ ɖɔ-cɔzɔ Ɛsɔ weyi ɛwɛnɩ ɛ-yɔɔ lidaʋ yɔ ɛ-ɛsɩndaa. Ɛnʋ feziɣni sɩɖaa nɛ ɛyɔɔdʋʋ nɛ mbʋ́ pɩtaawɛɛ yɔ, pʋwɛɣ.

1 Kɔrɛntɩ 4:15

Mbʋ́ pʋyɔɔ yɔ, paa ɩɩwɛnɩ wɩlɩyaa sakɩyɛ nɛ pawɩlɩɣ-mɩ Krɩstʋ tɔm yɔ, ɩɩpɩzɩɣ ɩwɛnɩ caanaa sakɩyɛ. Mbʋ́ pʋyɔɔ yɔ, mɔnkɔmnɩ monsusi-mɩ Krɩstʋ Yesu Laŋhɛzɩyɛ Tɔm nɛ pɩtɩŋnɩ pʋ-yɔɔ nɛ manpɩsɩ ɛzɩ mɩ-caa yɔ.

2 Kɔrɛntɩ 6:7

nɛ toovenim tɔm susuu nɛ Ɛsɔ ɖoŋ pɔ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa. Đɩkpakɩɣ mbʋ́ pʋtʋʋzaa yɔ ɖɩɖɔkɩ nɛ ɖɩlakɩnɩ you ɛzɩ you wondu ndʋ́ pɔɖɔkʋʋ nɩmɩyɛ nɛ nɩwaŋ pa-taa yɔ.

Efɛɛzɩ 1:12

se ɖɩsa e-koboyaɣ. Mbʋ́ pʋyɔɔ yɔ, ɖa lɛ mbá pata Krɩstʋ liu nɛ pʋcɔ ɛkɔɔ yɔ.

Efɛɛzɩ 1:13

Mɩ nɛ ɩ mɩ-kpɛndʋʋ taa ɖɔɖɔ ɩnɩ toovenim tɔm. Ńdʋ́ lɛ Laŋhɛzɩyɛ Tɔm ndʋ́ tɩyakɩ mɩ-ñʋʋ yɔ. Pɩ-taa ɖɔɖɔ Ɛsɔ ha-mɩ e-Fezuu Kiɖeɖeu alɩwaatʋ ndʋ́ ɩwɛnɩ lidaʋ ɛ-yɔɔ yɔ. Ŋ́gʋ́ ɛɖʋwa se ɛhaɣ ɛ-ñɩma. Ŋ́gʋ́ lɛ mayaɣ ŋgá ɛñɩɣ mɩ-yɔɔ yɔ.

2 Timootee 2:15

Ñaɣ pana nɛ ŋkɛ ɛyʋ weyi pasɩm ɛ-yɔɔ yɔ Ɛsɔ ɛsɩndaa ɛzɩ tʋmlaɖʋ weyi fɛyɛ ɛɛkpaɣ-ɩ nɛ ɛ-tʋmɩyɛ nɛ esusuu toovenim tɔm camɩyɛ yɔ.

Ebree 12:23

Iwobi Ɛsɔ kajalaɣ piya nzɩ́ pama sɩ-hɩla ɛsɔdaa nɛ sikpeɣli ɖama nɛ sɩtɔkɩ kazanɖʋ yɔ sɩ-ŋgbɛyɛ taa. Iwobi Ɛsɔ cɔlɔ ɖɔɖɔ, ɛnʋ hʋʋnɩnɩ ɛyáa tɩŋa payɩ: toovenim tɩnaa mbá pasɩba nɛ ɛtɛzɩ-wɛ pɩsʋʋ mbá pamʋnaa yɔ.

Yakubu 1:15

Ɛwɛɛ nɛ ɛtɛzɩɣ-pʋ sɔɔlʋʋ kpem nɛ pɩkɩlɩɣ yɔ, puwokini-i kɩwɛɛkɩm taa. Pʋbʋ ñɔkɔŋ pɩkɩlɩ-ɩ lɛ, puwoni-i sɩm taa.

Yakubu 1:21

Pʋ-yɔɔ lɛ, iyele mbʋ́ pɩtɩŋa payɩ pipisiɣ ɛyáa yɔ nɛ mbʋ́ pɩtɩŋa payɩ pɩfɛyɩ ɖeu yɔ. Itisi tɔm ndʋ́ Ɛsɔ ɖu mɩ-laŋa taa yɔ nɛ ñamtʋ, mbʋ́ pʋyɔɔ yɔ, tɩpɩzɩɣ tɩya mɩ-ñʋʋ.

Yakubu 3:14

Ɛlɛ́, yee ɩlakɩ ɛsɩsɛmɩyɛ kadadaɣyaɣ nɛ ɩkɛɣyɩɣ ɖama yɔ, ɩtaakʋndɩ, ɩtaakpɛzɩ mbʋ́ pɩkɛ toovenim yɔ.

1 Pɩyɛ 1:23

Mbʋ́ pʋyɔɔ yɔ, Ɛsɔtɔm ndʋ́ tɩwɛ tam nɛ tɩlakɩ ɛyáa tʋmɩyɛ yɔ, tɩ-yɔɔ pɩtɩŋnaa nɛ ihiɣ wezuu kɩfalʋʋ. Ḿbʋ́ pɩtɩŋnɩ mbʋ́ pɩɩsɩkɩ kaʋ yɔ pʋ-yɔɔ nɛ ihiɣ wezuu.

1 Pɩyɛ 1:3

Đɩsa Ɛsɔ, ɛnʋ lɛ ɖa-Kɩpaɣlʋ Yesu Krɩstʋ Caa. Ɛna ɖa-pʋtɔdɩyɛ siŋŋ nɛ ɛtɩŋnɩ Yesu Krɩstʋ fem nɛ ɛlɩɩnɩ sɩɖaa taa yɔ pʋ-yɔɔ nɛ ɛha-ɖʋ wezuu kɩfalʋʋ. Mbʋ́ Ɛsɔ labɩ ḿbʋ́ yɔ, piyebina nɛ ɖɩtaɣ liu siŋŋ.

1 Yohanɛɛsɩ 3:9

Weyi ɛkɛ Ɛsɔ pɩɣa yɔ, ɛɛtasɩɣ kɩwɛɛkɩm labʋ. Mbʋ́ pʋyɔɔ yɔ, Ɛsɔ ɖoŋ wɛ ɛ-taa. Ɛɛpɩzɩɣ ɛtasɩ labʋ kɩwɛɛkɩm: ɛ-Caa lɛ Ɛsɔ.

Wɩlʋʋ 14:4

Pɩtɛ ɛyáa ḿbá lɛ mbá petepisi pa-tɩ nɛ halaa yɔ, pototukuni-wɛ kaʋ. Paa Heɣa ewoki le yɔ, patɩŋɩɣ-kɛ. Payabɩ pa-ñʋʋ nɛ ɛyáa hɛkʋ taa se pɛkɛ ɛzɩ kajalaɣ kʋmtʋ ndʋ́ pahaɣ Ɛsɔ nɛ Heɣa yɔ.