Yakubu 1:12 - New Testament

¹² Weyi ɛɖɔkʋʋ ɛ-tɩ takʋʋ taa yɔ, ehiɣ ɛ-tɩ! Mbʋ́ pʋyɔɔ yɔ, ɛtɛŋ wɩlʋʋ ɛ-tɩ ɖɔkʋʋ lɛ, Ɛsɔ cɛlɩ-ɩ ɛ-kɩhɛyʋʋ: ŋ́gʋ́ lɛ wezuu maatɛŋ. Ŋ́gʋ́ ɛɖʋwa se ɛhɛyɩɣ mbá pɔsɔɔlɩ-ɩ yɔ.

Yakubu 1:12 ပူးပေါင်းရင်းမြစ်များ

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Luka 6:22

Yee ɛyáa ɛpaɖɩɣ-mɩ yaa, pekiziɣ-mɩ yaa, patʋʋ-mɩ yaa, pɛwɛɛkɩɣ mɩ-hɩla Ɛyʋ Pɩyalʋ yɔɔ yɔ, ihiɣ mɩ-tɩ!

Room 5:4

Ɛɖɔkʋʋ ɛ-hɔyɛ lɛ, ɛpɩɩ Ɛsɔ ɛsɩndaa. Ɛpɩɣ lɛ, ɛsʋʋ liu taʋ yɔɔ.

Room 8:28

Đɩsɩm ḿbʋ́ se Ɛsɔ lakɩ tʋmɩyɛ pɩtɩŋa pɩ-taa se pʋwazɩ mbá pɔsɔɔlɩ-ɩ yɔ. Ḿbá lɛ mbá ɛya-wɛ ɛzɩ ɛɖʋʋ yɔ.

1 Kɔrɛntɩ 2:9

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Mbʋ́ ɛyʋ tana wiɖiyi kaʋ yaa ɛtanɩɩ yɔ, mbʋ́ ɛyʋ tamaɣzɩ pʋ-yɔɔ wiɖiyi kaʋ yɔ, toovenim lɛ, ḿbʋ́ Ɛsɔ ñɔɔzaa nɛ ɛsɩɩ mbá pɔsɔɔlɩ-ɩ yɔ.»

1 Kɔrɛntɩ 8:3

Ŋgʋ́, yee nɔɔyʋ ɛsɔɔlɩ Ɛsɔ yɔ, Ɛsɔ sɩm-ɩ.

1 Kɔrɛntɩ 9:25

Mbá patɩŋa peseɣ yɔ, pɛpɛŋ pa-tɩ mbʋ́ pɩtɩŋa payɩ pʋwɛɛ se pɛpɛ pa-tɩ yɔ se papɩzɩ pese nɛ pawa nɛ pehiɣ kʋjɔʋ. Ɛlɛ́, kʋjɔʋ ŋ́gʋ́ kɩɩwɛɣ tam. Đa lɛ, ɖɩñɔɔzʋʋ ɖa-tɩ se ɖɩwa lidaʋ nʋmɔʋ taa nɛ palabɩ-ɖʋ kʋjɔʋ ŋgʋ́ kɩwɛɣ tam yɔ.

2 Timootee 2:15

Ñaɣ pana nɛ ŋkɛ ɛyʋ weyi pasɩm ɛ-yɔɔ yɔ Ɛsɔ ɛsɩndaa ɛzɩ tʋmlaɖʋ weyi fɛyɛ ɛɛkpaɣ-ɩ nɛ ɛ-tʋmɩyɛ nɛ esusuu toovenim tɔm camɩyɛ yɔ.

2 Timootee 4:8

Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

Ebree 10:32

Ɩtɔzɩ kajalaɣ kɩyakɩŋ weyi ɩ-taa Ɛsɔ ñalɩmɩyɛ ñalɩ mɩ-yɔɔ yɔ ɩ-yɔɔ. Alɩwaatʋ ńdʋ́ʋ́ ɩtɔɔ kʋñɔŋ siŋŋ. Ɛlɛ́, ɩɖɔkɩ mɩ-tɩ kpam mɩ-lʋbɩyɛ taa.

Ebree 11:17

Abraham kɛwɛnɩ lidaʋ Ɛsɔ yɔɔ, pʋ-yɔɔ ɛkpaɣ ɛ-pɩɣa ɛgbamɩyɛ Izaakɩ se ɛlaɣ-ɩ alɩwaatʋ ndʋ́ ɛ́lɛ́ takɩ-ɩ se ɛna ɛ-wayɩ yɔ. Etisaa se ɛlaɣ-kɛ. Ŋgʋ́, ɛɖʋwa se kɔ-yɔɔ ɛkɔŋ tɩŋnaʋ nɛ ɛha-ɩ sayɩnaa.

Ebree 12:5

Ɩtaasɔɔ tɔm ndʋ́ Ɛsɔ heyi-mɩ ɛzɩ e-piya se pɩlabɩ-mɩ hʋnʋm yɔ tɩ-yɔɔ. Ńdʋ́ lɛ se: «Man-pɩɣa, Kɩpaɣlʋ ɛhɔŋ ña-nɩŋgbaŋʋʋ yɔ, pɩtaakɛnɩ-ŋ aleɣya. Pɩtaatisi ño-toma taa alɩwaatʋ ndʋ́ ɛkalɩɣ-ŋ yɔ.

Ebree 6:15

Ḿbʋ́ yebina nɛ Abraham ɖɔkɩ ɛ-tɩ nɛ ɛwɛɛ ɖaŋʋʋ yɔɔ nɛ ɛkɔɔ ɛmʋ mbʋ́ Ɛsɔ kaɖʋwa se ɛlakɩ-ɩ yɔ.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

Yakubu 5:11

Đɩtɔŋ se pehiɣ pa-tɩ! Mbʋ́ pʋyɔɔ yɔ, paaɖɔkɩ pa-tɩ kpam. Ɩtɛm nɩʋ ɛzɩma mbʋ́ Yɔɔbʋ kɔɖɔkɩ ɛ-tɩ ɛ-kʋñɔŋ taa yɔ. Đɔɖɔ lɛ, ɩna mbʋ́ Kɩpaɣlʋ ha-ɩ pʋwayɩ yɔ. Ɛlabɩ-ɩ ḿbʋ́, mbʋ́ pʋyɔɔ yɔ, ɛnaɣ ɛyáa pʋtɔdɩyɛ nɛ ɛlakɩ-wɛ camɩyɛ.

1 Pɩyɛ 3:14

Paa nɔɔyʋ ɛtɩɩɖʋʋ-mɩ kʋñɔŋ se ɩlakɩ mbʋ́ pʋtʋʋzaa yɔ yɔ, ɩkɔŋ hiɣu mɩ-tɩ! Sɔɔndʋ ɛtaakpa-mɩ nɛ ɛyáa. Pɩtaaliɣti-mɩ ɖɔɖɔ.

1 Pɩyɛ 4:13

Ɛlɛ́, pʋwɛɛ se mɩ-laŋa ɛhʋlʋmɩ se mɩ nɛ Krɩstʋ ɩtɔkɩnɩ kʋñɔŋ. Mbʋ́ pʋyɔɔ yɔ, ḿbʋ́ yekina nɛ mɩ-laŋa tɛzɩ hʋlʋmʋʋ ɖɔɖɔ siŋŋ puwiye nɖɩ́ ɛlɩzɩɣ e-koboyaɣ nɛ ɛwɩlɩ ɛyáa yɔ.

1 Pɩyɛ 4:14

Yee patʋʋ-mɩ Krɩstʋ yɔɔ yɔ, ihiɣ mɩ-tɩ! Mbʋ́ pʋyɔɔ yɔ, Fezuu Kiɖeɖeu koboyaɣ ñɩŋgʋ wɛ mɩ-cɔlɔ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

1 Pɩyɛ 5:4

Yee ɩlabɩ ḿbʋ́ yɔ, Điyiyaa Ñʋʋdʋ lakɩ-mɩ koboyaɣ kʋjɔʋ ŋgʋ́ kɩwɛɣ tam yɔ, alɩwaatʋ ndʋ́ ɛlɩzɩɣ ɛ-tɩ nɛ ɛwɩlɩ-mɩ yɔ.

1 Yohanɛɛsɩ 4:19

Đa lɛ, ɖɩsɔɔlɩ Ɛsɔ, mbʋ́ pʋyɔɔ yɔ, ɛnʋ calɩnɩ-ɖʋ sɔɔlʋʋ.

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.

Wɩlʋʋ 3:19

Ma lɛ, mɔhɔŋ mbá patɩŋa payɩ mɔnsɔɔlɩ-wɛ yɔ pa-nɩŋgbaaŋ nɛ mansɩɣzɩ-wɛ lɔŋ. Pʋ-yɔɔ lɛ, pakpa pa-tɩ nɛ pɛlɛɣzɩ wɛtʋ.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.