Yakubu 1:1 - New Testament

¹ Ma Yakubu weyi ɛkɛ Ɛsɔ nɛ Kɩpaɣlʋ Yesu Krɩstʋ pa-tʋmlaɖʋ yɔ, mamaɣnɩ takayaɣ kanɛ Ɛsɔ ñɩma mbá mɩ ɩmɩzɩnɩ kedeŋa kpeekpe yɔɔ yɔ. Ɩsɛɛ ɖeu!

Yakubu 1:1 ပူးပေါင်းရင်းမြစ်များ

Maatiyee 10:3

nɛ Filiipu nɛ Bartelemii nɛ Tomaa nɛ tikee mʋyʋ Maatiyee nɛ Alfee pɩyalʋ Yakubu nɛ Taadee

Maatiyee 13:55

Pɩtɛkɛ ɛnʋ lɛ weyi ɛkaŋ kuduyiŋ yɔ ɛ-pɩyalʋ? Pɩtɛkɛ e-ɖoo lɛ Maarɩɩ? Pɩtɛkɛ e-newaa lɛ Yakubu nɛ Yozɛɛfʋ nɛ Siimɔɔ nɛ Yuudi yaa we?

Maatiyee 19:28

Peeɖe ecosi-wɛ se: «Toovenim lɛ, mankaɖɩɣ-mɩ se alɩwaatʋ ndʋ́ Ɛyʋ Pɩyalʋ ma mɔnkɔŋ mancaɣ men-kewiyaɣ kpelaɣ yɔɔ koboyaɣ taa yɔ, mbá mɩ ɩtɩŋaɣ ma-wayɩ yɔ, ɩkɔŋ caɣʋ awiya kpelisi hiu nɛ naalɛ yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ.

Maarkɩ 3:18

nɛ Andree nɛ Filiipu nɛ Bartelemii nɛ Maatiyee nɛ Tomaa nɛ Alfee pɩyalʋ Yakubu nɛ Taadee nɛ Siimɔɔ weyi payaɣ se Yɔɔ Kandɩyʋ yɔ

Luka 22:30

Ɩkɔŋ caɣʋ awiya kpelisi yɔɔ nɛ ɩhʋʋnɩ Izrɛɛlɩ ñɩma cejewee hiu nɛ naalɛ. Đɔɖɔ lɛ, mɔnkɔŋ-mɩ yaʋ nɛ ma nɛ mɩ ɖɩcaɣ nɛ ɖɩtɔɔ nɛ ɖɩñɔɔ men-Kewiyaɣ taa.»

Luka 6:15

nɛ Maatiyee nɛ Tomaa nɛ Alfee pɩyalʋ Yakubu nɛ Siimɔɔ weyi payaɣ se Yɔɔ Kandɩyʋ yɔ

Yohanɛɛsɩ 12:26

Yee nɔɔyʋ liu ɛwɛɛ se ɛlabɩ-m tʋmɩyɛ yɔ, ɛtɩŋ-m. Ḿbʋ́ man-tʋmlaɖʋ kɔŋ wɛʋ ɖenɖe mɛwɛɣ yɔ. Yee nɔɔyʋ ɛlakɩ-m tʋmɩyɛ yɔ, man-Caa ɖʋʋ-ɩ hɩɖɛ.»

Yohanɛɛsɩ 7:35

Ɛlɛ́, Yuda ñɩma pɔzʋʋ ɖama se: «Le ewoki nɛ ɖɩɩpɩzɩɣ se ɖɩna-ɩ? Yaa ewoki Yuda ñɩma mbá pamɩzɩ ɖama Grɛɛkɩ ñɩma ɛjaɖɛ taa yɔ pɛ-tɛ se ɛwɩlɩ-wɛ?

Tʋma Labʋ 1:13

Patalaa lɛ, pakpa ɛsɔdaa kuduyuu ŋgʋ́ kɩ-taa paakpeɣlaɣ yɔ kɩ-taa. Mbá pekpeɣlaɣ kɩ-taa yɔ, ḿbá yɔ: Pɩyɛ nɛ Yohanɛɛsɩ nɛ Yakubu nɛ Andree nɛ Filiipu nɛ Tomaa nɛ Bartelemii nɛ Maatiyee nɛ Alfee pɩyalʋ Yakubu nɛ Siimɔɔ weyi payaɣ se Yɔɔ Kandɩyʋ yɔ nɛ Yakubu pɩyalʋ Yuudi

Tʋma Labʋ 12:17

Peeɖe ɛñɩɣ-wɛ nesi se posu. Posuma lɛ, ɛkɛdɩ-wɛ ɛzɩma mbʋ́ Kɩpaɣlʋ lɩzɩ-ɩ salaka taa yɔ. Ɛtɛm-wɛ kɛdʋʋ lɛ, eheyi-wɛ se: «Iwolo iheyi-tʋ Yakubu nɛ taabalaa lɛlaa.» Eheyi-wɛ ḿbʋ́ lɛ, ɛcaŋ ɛɖɛɛ ɖoli lɛɛɖɛ.

Tʋma Labʋ 15:13

Pɛtɛm-wɛ kɛdʋʋ lɛ, Yakubu heyi-wɛ se: «Taabalaa! Iwelesi nɛ ɩnɩɩ.

Tʋma Labʋ 15:21

Mɔyɔɔdɩ ḿbʋ́, mbʋ́ pʋyɔɔ yɔ, ɖooo lɔŋ ɛyáa wɩlaɣ Mooyiizi paɣtʋ paa tɛtʋ ndʋ́ tɩ-taa paa kɩyakʋ kɩhɛzʋʋ ŋgʋ́ ki-wiye Yuda ñɩma Ɛsɔ ɖɩsɛyɛ ndɩ ndɩ taa.»

Tʋma Labʋ 15:23

Pʋcɔ pɛɖɛɛ lɛ, paɖʋzɩ pe-nesi taa takayaɣ. Pama ka-taa se: «Taabalaa, Krɩstʋ ñɩma mbá mɩ ɩtɛkɛ Yuda ñɩma nɛ ɩwɛɛ Antɩyɔɔsɩ tɛtʋ taa nɛ Siirii nɛ Siliisii pa-ageeta taa yɔ! Đa mɩ-taabalaa Krɩstʋ tiyiyaa nɛ Yeruusalɛm ŋgbɛyɛ taa ñɩma nɛ pɔ-sɔsaa ɖamaɣnɩ-mɩ takayaɣ kanɛ, ɖɩsɛ-mɩ!

Tʋma Labʋ 2:5

Yuda ñɩma mbá palakɩ mbʋ́ Ɛsɔ liu wɛɛ yɔ, paalɩ ajɛya kpeekpe taa nɛ powolo kazandʋ ńdʋ́ ti-ɖeɖe Yeruusalɛm.

Tʋma Labʋ 21:18

Kifema lɛ, ɖa nɛ Pɔɔlɩ ɖiwolo Yakubu tɛ. Krɩstʋ ŋgbɛyɛ taa sɔsaa lɛlaa tɩŋa kekpeɣli peeɖe.

Tʋma Labʋ 23:26

«Đajaa wiyaʋ sɔsɔ Feliksɩ! Ma Kloodi Lisiyaasɩ mamaɣnɩ-ŋ takayaɣ kanɛ, mɛnsɛ-ŋ!

Tʋma Labʋ 26:7

Đɛ-ɛjaɖɛ taa cejewee hiu nɛ naalɛ taa ñɩma taɣ liu se panaɣ mbʋ́ Ɛsɔ heyi ɖɔ-cɔzɔnaa se ɛlakɩ yɔ. Pʋ-yɔɔ pɛwɛɛ poluŋuu Ɛsɔ tɛɛ wɩsɩ nɛ ɖoó. Wiyaʋ! Liu taʋ ḿbʋ́, pʋ-yɔɔ Yuda ñɩma kʋyʋʋ mɔ-yɔɔ.

Tʋma Labʋ 8:1

Ɛlɛ́, Etiyɛɛnɩ sɩm ḿbʋ́, pɩkɛdɩnɩ Sɔɔlɩ. Puwiye ńɖɩ́, Yeruusalɛm Krɩstʋ ŋgbɛyɛ sʋ kʋñɔŋ sɔsɔʋ taa. Lidaʋ tayaa tɩŋa se nɛ pɛɖɛɛnɩ Yudee nɛ Samarɩɩ ageeta taa. Yesu tiyiyaa ɖeke pɩɩkazaa.

Room 1:1

Ma Krɩstʋ Yesu tʋmlaɖʋ Pɔɔlɩ, mamaɣnɩ-mɩ takayaɣ kanɛ, mɛnsɛ-mɩ. Ɛsɔ ya-m se mɛnkɛ Yesu tiyiyu nɛ ɛsɩ-m nɛ hɔɔlʋʋ se monsusi ɛ-Laŋhɛzɩyɛ Tɔm.

Galaatɩ 1:19

Ɛlɛ́, mantana Yesu tiyiyu nɔɔyʋ nɛ pɩtasɩnɩ ɛ nɛ Yakubu weyi ɛkɛ Kɩpaɣlʋ Yesu neu yɔ.

Galaatɩ 2:12

Toovenim lɛ, Pɩyɛ nɛ mbá pɛtɛkɛ Yuda ñɩma yɔ, pɛkpɛndaɣ nɛ pɔtɔkɩ tɔɔnaɣ. Ɛlɛ́, Yakubu kɔm etiyi nabɛyɛ nɛ Pɩyɛ na-wɛ lɛ, ɛkɛzɩ ɛ-tɩ nɛ hɔɔlʋʋ. Ɛ nɛ wɛ patatasɩ kpɛndʋʋ tɔɔnaɣ, mbʋ́ pʋyɔɔ yɔ, sɔɔndʋ kpa-ɩ nɛ mbá pɔtɔŋaɣ se pʋwɛɛ se pɛpɛlɩ paa weyi yɔ.

Galaatɩ 2:9

Yakubu nɛ Pɩyɛ nɛ Yohanɛɛsɩ mbá Krɩstʋ ñɩma kpakaɣ se pɛkɛ sɔsaa yɔ, peɖiɣzinaa se Ɛsɔ ɖʋzɩnɩ tʋmɩyɛ ńɖɩ́ me-nesi taa. Ḿbʋ́ labɩna nɛ paha ma nɛ Barnaabaasɩ nesi nɛ pɩwɩlɩ se ɖa nɛ wɛ ɖɩkpɛndaa ɖɩla nɔɔ kʋɖʋmaɣ. Ḿbʋ́ ɖatɩŋa ɖɩnɩnɩ ɖama nɛ ma nɛ Barnaabaasɩ ɖiwolo ɖɩla tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele ḿbá ñowolo Yuda ñɩma cɔlɔ.

Filiipu 1:1

Ma Pɔɔlɩ, ma nɛ Timootee ɖɩkɛ Krɩstʋ Yesu tʋmlaɖaa. Ɖamaɣnɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ñɩma mɩ nɛ Krɩstʋ Yesu mɩ-kpɛndʋʋ yɔɔ nɛ ɩwɛɛ Filiipu tɛtʋ taa yɔ mɩtɩŋa payɩ. Đɩmaɣ-kɛ mɩ nɛ mɩ-ŋgbɛyɛ taa ñɩma yɔɔ cɔnɩyaa nɛ mbá pɛkɛ tayɩyaa ɖɩ-taa yɔ.

2 Timootee 4:21

Cɛyɩ ña-tɩ nɛ ŋkɔɔ mɔn-cɔlɔ nɛ pʋcɔ pɩtalɩ niŋkaɣ alɩwaatʋ. Ebuluusi nɛ Pudɛɛnɩ nɛ Liinuusi nɛ Kloodiyaa nɛ taabalaa lɛlaa tɩŋa pɛsɛ-ŋ.

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

1 Pɩyɛ 1:1

Ma Pɩyɛ weyi ɛkɛ Yesu Krɩstʋ tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ Ɛsɔ lɩzaa se ɩkɛ ɛ-ñɩma nɛ ɩfɛyɩ mɩ-tɛ yɔ. Ɩmɩzɩ ɖama ageeta wena payaɣ se Pɔntɩ nɛ Galaasii nɛ Kapaadoosi nɛ Aazii nɛ Bitinii yɔ a-taa.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

Yuudi 1:1

Ma lɛ Yuudi weyi ɛkɛ Yesu Krɩstʋ tʋmlaɖʋ nɛ Yakubu neu yɔ. Mamaɣnɩ takayaɣ kanɛ mbá mɩ Caa Ɛsɔ ya-mɩ yɔ. Mɩ ɛsɔɔlaa nɛ ɛsɩɩ-mɩ nɛ hɔɔlʋʋ se ɩkɛ Yesu Krɩstʋ ñɩma.

Wɩlʋʋ 7:4

Peeɖe manɩ mbá pañɩɣ pe-kila taa nesi yɔ pa-ñʋʋ. Pɛkpɛndɩ kutokiŋ mɩnʋʋ nɛ nɩɩnaza nɛ naanza. Pɛwɛ Izrɛɛlɩ cejewee tɩŋa taa: