Wɩlʋʋ 8:2 - New Testament

² Mɔncɔnaa lɛ, manaɣ Ɛsɔ tiyiyaa mbá pasɩŋɩɣ ɛ-ɛsɩndaa yɔ, pɛwɛ lʋbɛ. Pɛcɛlaɣaɣ-wɛ agandɛɛ lʋbɛ.

Wɩlʋʋ 8:2 ပူးပေါင်းရင်းမြစ်များ

Maatiyee 18:10

Yesu tasɩ ɛ-tɔmkpɛlɩkɩyaa paɣ́ʋ se: «Ɩɖɔkɩ mɩ-tɩ nɛ ɩtaapɛŋ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ tɛtɛ. Toovenim lɛ, mankaɖɩɣ-mɩ se: man-Caa weyi ɛwɛ ɛsɔdaa yɔ, e-tiyiyaa mbá pɔcɔŋnɩ pɔ-yɔɔ yɔ, pɛwɛ ɛ-cɔlɔ tam. [

Maatiyee 24:31

Pɔkɔŋ yaʋ ɛgandɩyɛ sɔsɔɖɛ nɛ etiyi e-tiyiyaa kedeŋa kpeekpe yɔɔ nɛ pekpeɣli mbá patɩŋa payɩ Ɛsɔ lɩzaa se pɛkɛ ɛ-ñɩma yɔ.»

Luka 1:19

Peeɖe tiyiyu ɛnʋ ecosi-i se: «Ma Gabrɩyɛɛlɩ, Ɛsɔ cɔlɔ mɛwɛɛ. Ɛnʋ tiyini-m se mɔnkɔɔ meheyi-ŋ tɔm kɩbandʋ tʋnɛ.

Luka 21:36

Pʋ-yɔɔ lɛ, ɩcaɣnɩ mɩ-ɛsɛ nɛ ɩsɛɛ Ɛsɔ alɩwaatʋ kpeekpe nɛ ihiɣ ɖoŋ nɛ ɩpɩzɩ ɩlɩɩ mbʋ́ pʋkɔŋ labʋ yɔ pɩ-taa nɛ iwolo Ɛyʋ Pɩyalʋ cɔlɔ.»

1 Kɔrɛntɩ 15:52

tam kʋɖʋm taa yem ɛzɩ pacɩbɩyʋʋ ɛsɛ yɔ alɩwaatʋ ndʋ́ payaɣ kɛtɛzaɣ ɛgandɩyɛ yɔ. Mbʋ́ pʋyɔɔ yɔ, payaɣ-ɖɩ lɛ, sɩɖaa feŋ nɛ papɩsɩ mbá paapɩzɩɣ patasɩ sɩbʋ wiɖiyi kaʋ yɔ nɛ mbá ɖa ɖɩwɛ wezuu yɔ, pɛlɛɣzɩ ɖatɩŋa payɩ ɖo-tomnaɣ.

1 Tesalooniki 4:16

Kɩyakʋ ŋ́gʋ́, pɔkɔŋ panɩɩ nɔɔ haʋ kubuka nɛ Ɛsɔ tiyiyu sɔsɔ nɔɔyʋ ñɩŋga nɛ Ɛsɔ ɛgandɩyɛ lɛ, Kɩpaɣlʋ maɣmaɣ lɩɣnɩ ɛsɔdaa nɛ etii. Peeɖe mbá paawɛnɩ lidaʋ Krɩstʋ yɔɔ nɛ pʋcɔ pasɩ yɔ, pɛlɛyɩɣ fem.

Wɩlʋʋ 1:4

Ma Yohanɛɛsɩ, mɛnsɛɣnɩ Krɩstʋ aŋgba lʋbɛ wena awɛ Aazii hɔɔlʋʋ taa yɔ a-taa ñɩma: Ɛsɔ nɛ feziŋ lʋbɛ weyi ɩwɛ e-kewiyaɣ kpelaɣ ɛsɩndaa yɔ, palabɩ-mɩ lootiye nɛ pɛhɛzɩ mɩ-laŋa. Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 11:15

Pɩkɛdaa lɛ, Ɛsɔ tiyiyu lʋbɛ ñɩnʋ hʋlɩ ɛgandɩyɛ nɛ puholuuni ɛsɔdaa kpaŋŋ kpaŋŋ se: «Pɛcɛlɩ kedeŋa kewiyaɣ ɖa-Kɩpaɣlʋ nɛ Weyi Ɛlɩzaa Yɔ. Ɛtɔkɩ-kɛ pɩnzɩ ɛgbaŋ ɛgbaŋ!»

Wɩlʋʋ 15:1

Pʋwayɩ lɛ, mana yʋsaɣ sɔsɔɔ lɛɛka nakɛyɛ ɛsɔdaa, kɛfɛyɩ yɔɔdʋʋ: Ɛsɔ tiyiyaa lʋbɛ nabɛyɛ ɖɔkɩ kɛtɛzaɣ kʋñɔmɩŋ lʋbɛ. Ɩnʋ tɛŋna nɛ Ɛsɔ pana hɛɛ.

Wɩlʋʋ 16:1

Pʋwayɩ lɛ, manɩɩ pʋyɔɔdʋʋnɩ tiyiyaa ḿbá pa-lʋbɛ nɛ Ɛsɔ ɖɩɣa taa se: «Iwolo ihuti kedeŋa yɔɔ Ɛsɔ pana ana a-caɖasɩ lʋbɛ!»

Wɩlʋʋ 8:13

Mantasɩ cɔnaʋ lɛ, manaɣ keziye naɖɩyɛ, ɖɩkʋyaɣ ɖooo ɛsɔdaa nɛ manɩɣ ɖɩyɔɔdʋʋ ɖoŋ se: «Pʋtɔɔ-wɛ! Pʋtɔɔ-wɛ! Pʋtɔɔ kedeŋa yɔɔ ñɩma, agandɛɛ wena Ɛsɔ tiyiyaa naadozo mbá pɩkazaa yɔ, pɔkɔŋ hʋlʋʋ yɔ a-yɔɔ!»

Wɩlʋʋ 8:6

Peeɖe Ɛsɔ tiyiyaa lʋbɛ mbá pɔɖɔkɩ agandɛɛ lʋbɛ yɔ, pɔñɔɔzɩ pa-tɩ se pahʋlɩ-yɛ.

Wɩlʋʋ 9:1

Kagbaanzɩ ñɩnʋ hʋlɩ ɛgandɩyɛ lɛ, mana tɩɩŋa nakɛyɛ, kɛkpɛzɩnɩ ɛsɔdaa nɛ kɔtɔlɩ kedeŋa yɔɔ. Pɛcɛlɩ-kɛ asayʋʋ pɔʋ nɔnɔɔ ñɩmɩyɛ.