Wɩlʋʋ 8:12 - New Testament

¹² Tiyiyu naanza ñɩnʋ ñahʋlɩ ɛ-ñɩnɖɛ lɛ, yee pɩtayɩ wɩsɩ tam naadozo yɔ, pʋtʋʋ hɔɔlʋʋ kʋɖʋmʋʋ. Yee pɩtayɩ fenaɣ nɛ tɩɩnzɩ ḿbʋ́ yɔ, pʋtʋʋ ɖɔɖɔ hɔɔlʋʋ kʋɖʋmʋʋ. Pɩlabɩ ḿbʋ́ se ñalɩmɩyɛ nɖɩ́ ɖɩwɛ evemiye taa yɔ, yee pɩtayɩ-ɖɩ tam naadozo yɔ, hɔɔlʋʋ kʋɖʋmʋʋ pɩsɩ cɩkpɛndʋʋ nɛ ɖoó taa ñɩnɖɛ ɖɔɖɔ ḿbʋ́.

Wɩlʋʋ 8:12 ပူးပေါင်းရင်းမြစ်များ

Maatiyee 24:29

Yesu tasɩ-wɛ heyuu se: «Kʋñɔŋ kɩyakɩŋ ɩnʋ ɩtɩɖɛɣ lɛ, wɩsɩ ɛɛtasɩɣ ñaɣʋ, fenaɣ ɛɛtasɩɣ ñaɣʋ ɖɔɖɔ. Tɩɩnzɩ kpɛzɩɣnɩ ɛsɔdaa nɛ sɩtɔlɩ nɛ mbʋ́ pʋwɛ ɛsɔdaa yɔ, pɩñamsɩ.

Maatiyee 27:45

Puwiye ńɖɩ́ wɩsɩ siɣaa lɛ, cɩkpɛndʋʋ yu ɛjaɖɛ tɩŋa kpemm nɛ pʋkɔɔ pɩsɩɩnɩ ɖanaɣ ñɩɣtʋ naadozo.

Maarkɩ 13:24

Yesu tasɩ-wɛ heyuu se: «Kʋñɔmɩŋ ɩnʋ ɩ-wayɩ lɛ, kɩyakɩŋ weyi ɩkɔŋ yɔ, wɩsɩ ɛɛtasɩɣ ñaɣʋ, fenaɣ ɛɛtasɩɣ ñaɣʋ ɖɔɖɔ.

Maarkɩ 15:33

Puwiye ńɖɩ́ wɩsɩ siɣaa lɛ, cɩkpɛndʋʋ yu ɛjaɖɛ tɩŋa kpemm nɛ pʋkɔɔ pɩsɩɩnɩ ɖanaɣ ñɩɣtʋ naadozo.

Luka 21:25

Yesu tasɩ-wɛ heyuu se: «Pɩwɩlɩɣ kawɩlɩsɩ nasɩyɩ wɩsɩ nɛ fenaɣ nɛ tɩɩnzɩ pa-taa ɛsɔdaa. Tataa lɛ, teŋgu nɛ ku-hola pafalɩɣ ɖoŋ nɛ ɛyáa tɩŋa laŋa wɛɛkɩ pɩŋŋ.

Tʋma Labʋ 2:20

Wɩsɩ kɔŋ pɩsʋʋ cɩkpɛndʋʋ nɛ fenaɣ ñɛsɛɛ ɛzɩ calɩm yɔ nɛ pʋcɔ ma Kɩpaɣlʋ man-kɩyakʋ sɔsɔʋ ŋgʋ́ kɩfɛyɩ ɖaɣʋ yɔ, kɩtalɩ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

Wɩlʋʋ 12:4

E-suu kahazɩ tɩɩnzɩ nasɩyɩ nɛ kʋlɔ tataa. Yee patayɩ tɩɩnzɩ tɩŋa tam naadozo yɔ, pɩmakɩnɩ hɔɔlʋʋ kʋɖʋmʋʋ. Coojo ɛnʋ, ɛsɩŋ halʋ weyi ɛcaɣ lʋlʋʋ yɔ ɛ-ɛsɩndaa se ɛlʋlɩ ɛ-pɩɣa lɛ, ɛtɩŋ ɛsalɩ-kɛ.

Wɩlʋʋ 16:10

Kagbaanzɩ tʋ ñohuti ɛ-ñɩŋga kpɩnɛ ńɖɩ́ ɖi-kewiyaɣ kpelaɣ yɔɔ nɛ cɩkpɛndʋʋ yu ɖi-kewiyaɣ yɔɔ. Ɛyáa nɩɣaɣ siziŋ nɛ pasalɩɣ pe-kela

Wɩlʋʋ 6:12

Mantasɩ cɔnaʋ lɛ, mana kɛkpɛzɩ nesi ñɩɣʋ loɖo ñɩmbʋ, peeɖe tɛtʋ ñamsɩ siŋŋ nɛ wɩsɩ piyi ɛzɩ kʋñɔŋ wondu yɔ nɛ fenaɣ sɛɛ katɩŋa payɩ ɛzɩ calɩm yɔ.

Wɩlʋʋ 9:15

Peeɖe pɛhɛɖɩ pa-naanza. Paañɔɔzɩ pa-tɩ nɛ paɖaŋ ñɩ́ɣ́yʋ́ʋ ŋ́gʋ́, kɩyakʋ ŋ́gʋ́, fenaɣ ŋ́gá, pɩnaɣ ŋ́gá ka-taa se yee patayɩ kedeŋa yɔɔ ɛyáa tam naadozo yɔ, pakʋ hɔɔlʋʋ kʋɖʋmʋʋ.

Wɩlʋʋ 9:18

Yee patayɩ kedeŋa kpeekpe ɛyáa tam naadozo yɔ, miŋ nɛ ñɔsɩ nɛ tɩm mbʋ́ pɩlɩɣaɣnɩ kpaŋnaŋ ɩnʋ ɩ-nɔsɩ taa yɔ, pʋkʋ hɔɔlʋʋ kʋɖʋmʋʋ.