Wɩlʋʋ 7:9 - New Testament

⁹ Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa

Wɩlʋʋ 7:9 ပူးပေါင်းရင်းမြစ်များ

Luka 12:1

Alɩwaatʋ ńdʋ́ tɩ-yɔɔ lɛ, ɛyáa kpeɣli sakɩyɛ nɛ pɛfɛyɩɣ ɖama naŋgbanzɩ yɔɔ. Ɛlɛ́, Yesu calɩnɩ paɣ́ʋ ɛ-tɔmkpɛlɩkɩyaa se: «Ɩɖɔkɩ mɩ-tɩ nɛ Farɩsɩ ñɩma sɔsɔɔna. Pɛ-tɛɛ nɛ pʋ-yɔɔ lakasɩ tɔm mɔyɔɔdʋʋ ḿbʋ́.

Luka 21:36

Pʋ-yɔɔ lɛ, ɩcaɣnɩ mɩ-ɛsɛ nɛ ɩsɛɛ Ɛsɔ alɩwaatʋ kpeekpe nɛ ihiɣ ɖoŋ nɛ ɩpɩzɩ ɩlɩɩ mbʋ́ pʋkɔŋ labʋ yɔ pɩ-taa nɛ iwolo Ɛyʋ Pɩyalʋ cɔlɔ.»

Yohanɛɛsɩ 12:13

Ɛlɛ́, pakpaɣ paatʋ nɛ pakatɩɣ-ɩ nɛ pokou se: «Ozaana! Ɛsɔ ɛ́wazɩ weyi ɛkɔŋ Kɩpaɣlʋ lone taa yɔ ɛ-yɔɔ! Ɛsɔ ɛ́wazɩ Izrɛɛlɩ ñɩma wiyaʋ sɔsɔ yɔɔ!»

Room 11:25

Man-taabalaa, mancaɣ se mawɩlɩ-mɩ mbʋ́ pɩɩwɛ mɛsaɣ tɛɛ yɔ nɛ ɩtaakpaɣ mɩ-tɩ se ɩkɛ lɔŋsɩnɖaa: Izrɛɛlɩ ñɩma lɛlaa tamaa, paapɩzɩɣ panɩɩ. Ɛlɛ́, pɛwɛɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ mbá Ɛsɔ lɩzɩ mbá pɛtɛkɛ Yuda ñɩma yɔ pa-taa yɔ patɩŋa payɩ pehiɣ ñʋʋ yabʋ yɔ.

Efɛɛzɩ 6:13

Pʋ-yɔɔ pʋwɛɛ se ɩkpaɣ Ɛsɔ you wondu tɩŋa payɩ nɛ ɩpɩzɩ ɩkaɖɩnɩ-wɛ kɩyakɩŋ kɩdɛkɛdɩŋ taa. Ḿbʋ́ yekina nɛ ɩwɛɛ mi-ɖeɖe ḿbʋ́ alɩwaatʋ ndʋ́ ɩtɛŋ patɩŋa payɩ yonaʋ yɔ.

Ebree 11:12

Pʋ-yɔɔ pɩtɩŋnɩ ɛyʋ kʋɖʋm weyi ɛñɔtɩnɩ pɩlaʋ nɔɔ kpam yɔ ɛ-yɔɔ nɛ palʋlɩ ɛ-sayɩnaa sakɩyɛ ɛzɩ tɩɩnzɩ yɔ. Pɔɖɔ ɖɔɖɔ ɛzɩ teŋgu nɔɔ kañɩŋa yɔ.

Ebree 12:22

Ɛlɛ́, mɩ mɩñɔtɩnɩ Siiyɔɔ Pʋʋ nɛ Ɛsɔ wezuu tʋ tɛtʋ: ńdʋ́ lɛ ɛsɔdaa Yeruusalɛm, Ɛsɔ tiyiyaa ɛgbaŋ ɛgbaŋ wɛ tɩ-taa.

Wɩlʋʋ 11:15

Pɩkɛdaa lɛ, Ɛsɔ tiyiyu lʋbɛ ñɩnʋ hʋlɩ ɛgandɩyɛ nɛ puholuuni ɛsɔdaa kpaŋŋ kpaŋŋ se: «Pɛcɛlɩ kedeŋa kewiyaɣ ɖa-Kɩpaɣlʋ nɛ Weyi Ɛlɩzaa Yɔ. Ɛtɔkɩ-kɛ pɩnzɩ ɛgbaŋ ɛgbaŋ!»

Wɩlʋʋ 22:3

Mbʋ́ Ɛsɔ wɩlɩ kpalʋʋ yɔ, pɩɩtasɩɣ wɛʋ tɩ-taa. Ɛsɔ nɛ Heɣa pe-kewiyaɣ kpelaɣ wɛɣ tɩ-taa. Ɛ-tʋmlaɖaa kɔŋ ɛ-tɛɛ luŋuu.

Wɩlʋʋ 3:18

Pʋ-yɔɔ mantasɩɣ-wɛ tɔm se pɔkɔɔ mɔn-cɔlɔ nɛ paya sika ŋgá pɔhɔbɩ-kɛ miŋ nɛ kañɩlɩsɩɣ camɩyɛ yɔ nɛ papɩsɩ ñɩm tɩnaa. Pɔkɔɔ paya wondu kʋhʋlʋmʋtʋ nɛ posuu nɛ pataawɛɛ tombolo nɛ pana pɛ-fɛyɛ. Pɔkɔɔ paya ɖɔɖɔ kɔyɛ nɛ pelizi pɛ-ɛsɛ taa nɛ papɩzɩ pana.

Wɩlʋʋ 4:4

Kewiyaɣ kpelisi nɩɩlɛ nɛ naanza kɔcɔ kewiyaɣ kpelaɣ ŋ́gá nɛ sɩta nɛ sɔsaa nɩɩlɛ nɛ naanza nabɛyɛ caɣ sɩ-yɔɔ. Posu wondu kʋhʋlʋmʋtʋ nɛ paba sika hulasi.

Wɩlʋʋ 5:11

Mɔncɔnaa lɛ, mana ɖɔɖɔ Ɛsɔ tiyiyaa sakɩyɛ nɛ manɩɩ pɔ-nɔɔ. Pɔcɔ kewiyaɣ kpelaɣ nɛ kpɩna nɛ sɔsaa pata. Pɔɖɔwa pɩfɛyɩ kalʋʋ, pɛwɛ kutokiŋ ɛgbaŋ ɛgbaŋ.

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.

Wɩlʋʋ 6:11

Peeɖe pɛcɛlɩ paa pa-taa weyi toko kʋhʋlʋmʋʋ kitibuu waaa. Ɛlɛ́, peheyi-wɛ se pɛwɛɛ pe-ɖeɖe nɛ pʋkɔɔ pɩsɩɩnɩ alɩwaatʋ ndʋ́ pɛtɛzɩ kʋʋ pa-taabalaa nɛ mbá pa nɛ wɛ palakɩ tʋmɩyɛ, nɛ pɩɩwɛɛ se pakʋ-wɛ ɛzɩ ḿbá yɔ.

Wɩlʋʋ 7:8

Zabulɔɔ ñɩnɖɛ taa kutokiŋ hiu nɛ naalɛ, Yozɛɛfʋ ñɩnɖɛ taa kutokiŋ hiu nɛ naalɛ, Bɛnjamɛɛ ñɩnɖɛ taa ɖɔɖɔ kutokiŋ hiu nɛ naalɛ.