Wɩlʋʋ 7:15 - New Testament

¹⁵ Pʋ-yɔɔ pasɩŋ Ɛsɔ kewiyaɣ kpelaɣ ɛsɩndaa nɛ palakɩ-ɩ tʋmɩyɛ wɩsɩ nɛ ɖoó ɛ-ɖɩɣa taa. Weyi ɛcaɣ kɔ-yɔɔ yɔ, ɛkɔŋ pɔ-yɔɔ kenduu.

Wɩlʋʋ 7:15 ပူးပေါင်းရင်းမြစ်များ

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

1 Kɔrɛntɩ 3:16

Ɩtatɩlɩ se ɩwɛ ɛzɩ Ɛsɔ ɖɩɣa ŋgá e-Fezuu Kiɖeɖeu wɛ ka-taa yɔ yaa we?

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 8:1

Tɔm ndʋ́ meheyiɣ-mɩ yɔ, tɩ-taa ndʋ́ tɩkɩlɩ wazaɣ yɔ lɛ se: ɖɩwɛnɩ cɔjɔ sɔsɔ nɔɔyʋ. Ɛcaɣ Ɛsɔ Đoŋ Tɩŋa Tʋ kewiyaɣ kpelaɣ cɔlɔ lone kɩbanɖɛ taa ɛsɔdaa.

Wɩlʋʋ 11:19

Peeɖe Ɛsɔ ɖɩɣa ŋgá kɛwɛ ɛsɔdaa yɔ, kɔ-nɔnɔɔ tʋlaa nɛ panaɣ ɛ-nɔɔ haʋ aɖakaɣ ka-taa. Tɛʋ ñɩlɩsaa nɛ kɔkɔɖɛ ya nɛ tɛʋ nazɩ nɛ tɛtʋ ñamsɩ nɛ ɖɔmbɛɛ tɔlɩ siŋŋ.

Wɩlʋʋ 13:6

Peeɖe kpɩnɛ ńɖɩ́ ɖikuli ɖɩ-nɔɔ nɛ ɖɩtʋʋ Ɛsɔ. Đɩwɛɛkɩ ɛ-hɩɖɛ nɛ ɖɩkpɛndɩnɩ ɖenɖe ɛwɛɛ yɔ nɛ mbá pɛwɛ ɛsɔdaa yɔ.

Wɩlʋʋ 20:10

Eleeu weyi epeɣzaɣ-wɛ yɔ, pɛpɛɖɩ-ɩ miŋ sɔsɔŋ weyi ɛ-taa nɛ tɩm yɔ ɛ-taa. Peeɖe kpɩnɛ nɛ weyi ɛcɛtɩɣ se ɛkɛ náyʋ yɔ, pɛwɛɛ. Ḿbʋ́ panazɩɣ-wɛ wɩsɩ nɛ ɖoó pɩnzɩ ɛgbaŋ ɛgbaŋ.

Wɩlʋʋ 21:22

Ɛsɔ ɖɩɣa fɛyɩ tɛtʋ ńdʋ́ tɩ-taa, mbʋ́ pʋyɔɔ yɔ, Kɩpaɣlʋ Ɛsɔ Đoŋ Tɩŋa Tʋ nɛ Heɣa lɛ tɩ-ɖɩɣa.

Wɩlʋʋ 22:3

Mbʋ́ Ɛsɔ wɩlɩ kpalʋʋ yɔ, pɩɩtasɩɣ wɛʋ tɩ-taa. Ɛsɔ nɛ Heɣa pe-kewiyaɣ kpelaɣ wɛɣ tɩ-taa. Ɛ-tʋmlaɖaa kɔŋ ɛ-tɛɛ luŋuu.

Wɩlʋʋ 22:5

Đoo ɛɛtasɩɣ yuu. Paatasɩɣ tɛɖʋʋ kanɖʋ ñalɩmɩyɛ yaa wɩsɩ ñɩnɖɛ, mbʋ́ pʋyɔɔ yɔ, Kɩpaɣlʋ Ɛsɔ ñalɩmɩyɛ kɔŋ pɔ-yɔɔ ñalʋʋ. Đɔɖɔ lɛ, pɔkɔŋ tɔɔʋ kewiyaɣ pɩnzɩ ɛgbaŋ ɛgbaŋ.

Wɩlʋʋ 4:4

Kewiyaɣ kpelisi nɩɩlɛ nɛ naanza kɔcɔ kewiyaɣ kpelaɣ ŋ́gá nɛ sɩta nɛ sɔsaa nɩɩlɛ nɛ naanza nabɛyɛ caɣ sɩ-yɔɔ. Posu wondu kʋhʋlʋmʋtʋ nɛ paba sika hulasi.

Wɩlʋʋ 4:8

Kpɩna ana, a-naanza aawɛnɩ keŋ loɖo loɖo. Aawɛnɩ ɛsɛ yʋʋʋ a-taa nɛ a-yɔɔ nɛ awɛɛ ateɣ hendu wɩsɩ nɛ ɖoó se: «Cɩɖɩcɩɖɩ, cɩɖɩcɩɖɩ, Ɛsɔ wɛnɩ cɩɖɩcɩɖɩ. Kɩpaɣlʋ Ɛsɔ Đoŋ Tɩŋa Tʋ weyi ɛɛwɛɛ yɔ, ɛnʋ wɛna, ɛkaɣ kɔm nee.»

Wɩlʋʋ 4:9

A-naanza asaŋ weyi ɛcaɣ kewiyaɣ kpelaɣ yɔɔ nɛ ɛwɛɛ wezuu pɩnzɩ ɛgbaŋ ɛgbaŋ yɔ nɛ aɖʋʋ-ɩ hɩɖɛ nɛ asɛɣ-ɩ. Alɩwaatʋ ndʋ́ alakɩ ḿbʋ́ yɔ,

Wɩlʋʋ 7:9

Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa