Wɩlʋʋ 7:14 - New Testament

¹⁴ Ɛlɛ́, moncosi-i se: «Đajaa! Ñasɩmna.» Peeɖe eheyi-m se: «Ḿbá tɔɔnɩ kʋñɔŋ sɔsɔʋ. Pɔcɔtɩ po-tokonaa kitibaa waa waa nɛ pahʋlɩsɩ-wɛ Heɣa calɩm taa.

Wɩlʋʋ 7:14 ပူးပေါင်းရင်းမြစ်များ

Maatiyee 24:21

Mbʋ́ pʋyɔɔ yɔ, kʋñɔŋ ŋgʋ́ kʋkɔŋ alɩwaatʋ ńdʋ́ tɩ-taa yɔ, kɩkɩlɩɣ kʋñɔmɩŋ weyi ɛyáa laba ɖooo ɛzɩ Ɛsɔ labʋ kedeŋa nɛ pʋkɔɔ pɩsɩɩnɩ sɔnɔ yɔ ɩtɩŋa payɩ. Nakʋyʋ ɛɛtasɩɣ kɔm nɛ kɩkɩlɩ-kʋ.

Maarkɩ 13:19

Mbʋ́ pʋyɔɔ yɔ, kʋñɔŋ ŋgʋ́ kʋkɔŋ alɩwaatʋ ńdʋ́ tɩ-taa yɔ, kɩkɩlɩɣ kʋñɔmɩŋ weyi ɛyáa laba ɖooo ɛzɩ Ɛsɔ labʋ kedeŋa nɛ pʋkɔɔ pɩsɩɩnɩ sɔnɔ yɔ ɩtɩŋa payɩ. Nakʋyʋ ɛɛtasɩɣ kɔm nɛ kɩkɩlɩ-kʋ.

Yohanɛɛsɩ 16:33

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

Room 5:3

Halɩ pɩkpɛndɩnɩ kʋñɔŋ taa maɣmaɣ, ɖɩkʋndʋʋ, mbʋ́ pʋyɔɔ yɔ, ɖɩnawa se kɩ-taa ɛyʋ kpɛlɩkɩɣ ɛ-hɔyɛ ɖɔkʋʋ.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

2 Tesalooniki 1:4

Pʋ-yɔɔ ɖa-maɣmaɣ ɖɩkʋndʋʋnɩ-mɩ Ɛsɔ aŋgba taa ñɩma hɛkʋ taa ɛzɩma mbʋ́ ɩpɩzaa ɩɖɔkɩ mɩ-tɩ nɛ ɩwɛnɩ lidaʋ alɩwaatʋ ndʋ́ pɛwɛ mɩ-wayɩ kaŋ kaŋ nɛ panazɩɣ-mɩ yɔ pʋ-yɔɔ.

Ebree 13:12

Pʋ-yɔɔ Yesu ñasɩbɩ tɛtʋ koloŋa wayɩ se ɛñalɩ ɛyáa kɩwɛɛkɩm nɛ ɛ-maɣmaɣ ɛ-calɩm nɛ pɛwɛɛ cɩɖɩcɩɖɩ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

1 Pɩyɛ 1:19

Ɛlɛ́, Krɩstʋ weyi ɛwɛ ɛzɩ heɣa ŋgá kɔ-yɔɔ fɛyɩ azuluma yaa pɩtacam ko-ɖoli yɔ, ɛnʋ pala ɖɔ-yɔɔ. Kɩlaʋ ŋ́gʋ́ kɩkɩlɩnɩ wazaɣ.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 12:11

Pɩtɩŋnɩ Heɣa calɩm nɛ aseɣɖe nɖɩ́ ɖa-taabalaa lɩzaa yɔ pɔ-yɔɔ nɛ pawabɩ-ɩ. Đɔɖɔ lɛ, patakpaɣ pe-wezuu payaa pʋyʋ nɛ petisi se yee paa sɩm yɔ, pasɩ.

Wɩlʋʋ 15:2

Đɔɖɔ lɛ, mana nabʋyʋ, pʋwɛ ɛzɩ teŋgu yɔ, pɩñɩlɩzɩɣ ɛzɩ ñɩnʋʋ yɔ, pisidini miŋ. Mana ɖɔɖɔ mbá pawabɩ kpɩnɛ nɛ ɖɩ-sɩʋ kpelaɣ nɛ ɖɩ-hɩɖɛ ñʋʋ yɔ, pasɩŋ teŋgu ŋ́gʋ́ kʋ-nɔɔ. Pɔɖɔkɩ pe-nesi taa Ɛsɔ cɩmɩŋ.

Wɩlʋʋ 17:6

Peeɖe manawa se halʋ ɛnʋ ɛñɔ Ɛsɔ ñɩma nɛ Yesu aseɣɖe tɩnaa mbá pakʋ-wɛ yɔ pa-calɩm nɛ pʋkʋʋ-ɩ ɛzɩ sʋlʋm yɔ. Mana-ɩ lɛ, pɩɖɩɣzɩ-m yem ɖɩɣ ɖɩɣ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!

Wɩlʋʋ 22:14

Mbá pɔcɔtʋʋ po-tokonaa se pɩha-wɛ waɖɛ nɛ pɔtɔɔ tɩʋ ŋgʋ́ kɩhaɣ wezuu yɔ ki-pee nɛ patɩŋnɩ nɔnɔsɩ nɛ pasʋʋ tɛtʋ taa yɔ, pehiɣ pa-tɩ!

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.

Wɩlʋʋ 7:9

Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa