Wɩlʋʋ 7:10 - New Testament

¹⁰ nɛ poholuu ɖoŋ se: «Đɛ-Ɛsɔ weyi ɛcaɣ kewiyaɣ kpelaɣ yɔɔ yɔ nɛ Heɣa pɔ-cɔlɔ ñʋʋ yabʋ lɩɣna!»

Wɩlʋʋ 7:10 ပူးပေါင်းရင်းမြစ်များ

Luka 3:6

nɛ paa weyi ɛna ɛzɩma mbʋ́ Ɛsɔ yakɩ ɛyáa ñʋʋ yɔ.»

Yohanɛɛsɩ 1:29

Tɛʋ fema lɛ, Yohanɛɛsɩ na Yesu wokaɣ ɛ-cɔlɔ. Peeɖe eheyi ɛyáa se: «Ɩna Ɛsɔ Heɣa. Ŋ́gá mʋʋnɩ ɛyáa tɩŋa payɩ kɩwɛɛkɩm.

Yohanɛɛsɩ 1:36

Pɩkɛdaa lɛ, Yohanɛɛsɩ na Yesu ɖɛɣaɣ. Peeɖe eheyi-wɛ se: «Ɩna Ɛsɔ Heɣa.»

Yohanɛɛsɩ 4:22

Samaarɩɩ ñɩma mɩ! Ɩɩsɩŋ Ɛsɔ weyi ɛ-tɛɛ iluŋuu yɔ. Đa Yuda ñɩma lɛ, ɖɩsɩm weyi ɛ-tɛɛ ɖiluŋuu yɔ: ɖɛ-hɛkʋ taa ñʋʋ yaɖʋ lɩɣna.

Efɛɛzɩ 2:8

E-lootiye ńɖɩ́ ɖɩ-yɔɔ ɛtɩŋnɩ lidaʋ ŋgʋ́ ɩwɛnɩ Krɩstʋ yɔɔ yɔ kʋ-yɔɔ nɛ ɛya mɩ-ñʋʋ. Pɩtɛkɛ mɩ-cɔlɔ pɩlɩnaa, Ɛsɔ kʋjɔʋ pɩkɛnaa.

Wɩlʋʋ 12:10

Peeɖe manɩɣ puholuuni ɛsɔdaa ɖoŋ se: «Lɛɛlɛɛyɔ, ñʋʋ yabʋ alɩwaatʋ talaa! Pɩtalaa se ɖɛ-Ɛsɔ ɛwɩlɩ e-Kewiyaɣ ɖoŋ! Pɩtalaa ɖɔɖɔ se Weyi Ɛlɩzaa Yɔ, ɛwɩlɩ ɛ-abalɩtʋ. Mbʋ́ pʋyɔɔ yɔ, potuzi weyi ɛkʋyaɣ ɖa-taabalaa yɔɔ wɩsɩ nɛ ɖoó ɖɛ-Ɛsɔ ɛsɩndaa yɔ nɛ ɛsɔdaa nɛ pɛpɛɖɩ-ɩ kedeŋa yɔɔ.

Wɩlʋʋ 19:1

Pʋwayɩ lɛ, manɩɩ puholuuni ɛsɔdaa ɛzɩ samaɣ sɔsɔɔ nakɛyɛ nɔɔ yɔ se: «Aleluuya! Đɛ-Ɛsɔ tɩnɩ ñʋʋ yabʋ nɛ koboyaɣ nɛ ɖoŋ!

Wɩlʋʋ 21:5

Peeɖe weyi ɛɛcaɣ kewiyaɣ kpelaɣ yɔɔ yɔ, ɛtɔm se: «Na! Malakɩ wondu tɩŋa payɩ nɛ tɩpɩsɩ kɩfatʋ. Ma tɔm ńdʋ́, mbʋ́ pʋyɔɔ yɔ, tɩkɛ toovenim, tɩlakɩ ḿbʋ́.»

Wɩlʋʋ 22:3

Mbʋ́ Ɛsɔ wɩlɩ kpalʋʋ yɔ, pɩɩtasɩɣ wɛʋ tɩ-taa. Ɛsɔ nɛ Heɣa pe-kewiyaɣ kpelaɣ wɛɣ tɩ-taa. Ɛ-tʋmlaɖaa kɔŋ ɛ-tɛɛ luŋuu.

Wɩlʋʋ 4:6

Nabʋyʋ kɛwɛ kewiyaɣ kpelaɣ ŋ́gá kɛ-ɛsɩndaa ɖɔɖɔ. Pʋwɛ ɛzɩ teŋgu yɔ nɛ pɩñɩlɩzɩɣ ɛzɩ ñɩñʋʋ yɔ. Pɩnɩɣzɩnɩ pɩyɛ kʋhʋlʋmɩyɛ nɖɩ́ ɖɩñɩlɩzɩɣ pelu pelu yɔ. Kewiyaɣ kpelaɣ ŋ́gá, kɛ-hɛkʋ taa nɛ kɔ-cɔlɔ kpɛɛɛ lɛ, kpɩna naanza naayɛ kɛwɛɛ, awɛnɩ ɛsɛ tɔtɔ, taa nɛ wayɩ.

Wɩlʋʋ 5:7

Pɩkɛdaa lɛ, Heɣa ŋ́gá kowolo kamʋ takayaɣ weyi ɛcaɣ kewiyaɣ kpelaɣ yɔɔ yɔ e-nesi kɩbanzɩ taa.