Wɩlʋʋ 6:8 - New Testament

⁸ Mɔncɔnaa lɛ, mana kpaŋnɔ nɔɔyʋ, epiyaa ɛzɩ tɩŋ hatʋ yɔ. Weyi ɛcaɣ-ɩ yɔ, payaɣ-ɩ se Sɩm nɛ ɖenɖe sɩɖaa wɛɛ yɔ pɩtɩŋɩɣ ɛ-wayɩ. Patayɩ kedeŋa tam naanza yɔ, paha-wɛ hɔɔlʋʋ kʋɖʋmʋʋ se pakʋ kɩ-taa ɛyáa. Pakʋʋ-wɛ nɛ sɩɣa nɛ ñɔɔsɩ nɛ kʋdɔmɩŋ nɛ tɛtɛ kpɩna wena awɛ kedeŋa yɔɔ yɔ.

Wɩlʋʋ 6:8 ပူးပေါင်းရင်းမြစ်များ

Maatiyee 11:23

Mɩ Kapɛrnayum ñɩma lɛ, ɩmaɣzɩɣ se ɩkpaɣ ɛsɔdaa yaa we? Meheyiɣ-mɩ se ɩɩkpaɣ kaʋ. Ɛlɛ́, itiki tɛtɛɛ ɖenɖe kʋñɔŋ maatɛŋ wɛɛ yɔ. Mbʋ́ pʋyɔɔ yɔ, yee Ɛsɔ hama lakasɩ nzɩ́ palabɩ mɩ-tɛ yɔ, paalabɩ-sɩ Sodom yɔ, tɛtʋ ńdʋ́ tɩɩwɛ halɩ nɛ sɔnɔ.

Maatiyee 24:7

Ɛjaɖɛ lɛɛɖɛ kʋyʋʋ lɛɛɖɛ yɔɔ nɛ kewiyaɣ lɛɛka ñakʋyɩ lɛɛka yɔɔ. Ñɔɔsɩ kɔŋ lɩʋ nɛ tɛtʋ ñamsɩ hɔɔlɩŋ ndɩ ndɩ taa.

1 Kɔrɛntɩ 15:55

Sɩm, ño-ɖoŋ wɛ le? Sɩm, ñɔ-sɔtʋ ndʋ́ ŋkʋʋna yɔ tɩwɛ le?»

Wɩlʋʋ 1:18

Ma lɛ weyi ɛwɛ wezuu yɔ. Maasɩba, ɛlɛ́, ma yɔ, mɛwɛɣnɩ mɛ-ɛsɛ tam. Mɔnɖɔkɩ sɩm nɛ ɖenɖe sɩɖaa wɛɛ yɔ pɔ-nɔnɔɔ ñɩma.

Wɩlʋʋ 12:4

E-suu kahazɩ tɩɩnzɩ nasɩyɩ nɛ kʋlɔ tataa. Yee patayɩ tɩɩnzɩ tɩŋa tam naadozo yɔ, pɩmakɩnɩ hɔɔlʋʋ kʋɖʋmʋʋ. Coojo ɛnʋ, ɛsɩŋ halʋ weyi ɛcaɣ lʋlʋʋ yɔ ɛ-ɛsɩndaa se ɛlʋlɩ ɛ-pɩɣa lɛ, ɛtɩŋ ɛsalɩ-kɛ.

Wɩlʋʋ 9:15

Peeɖe pɛhɛɖɩ pa-naanza. Paañɔɔzɩ pa-tɩ nɛ paɖaŋ ñɩ́ɣ́yʋ́ʋ ŋ́gʋ́, kɩyakʋ ŋ́gʋ́, fenaɣ ŋ́gá, pɩnaɣ ŋ́gá ka-taa se yee patayɩ kedeŋa yɔɔ ɛyáa tam naadozo yɔ, pakʋ hɔɔlʋʋ kʋɖʋmʋʋ.

Wɩlʋʋ 9:18

Yee patayɩ kedeŋa kpeekpe ɛyáa tam naadozo yɔ, miŋ nɛ ñɔsɩ nɛ tɩm mbʋ́ pɩlɩɣaɣnɩ kpaŋnaŋ ɩnʋ ɩ-nɔsɩ taa yɔ, pʋkʋ hɔɔlʋʋ kʋɖʋmʋʋ.