Wɩlʋʋ 6:2 - New Testament

² Peeɖe mana kpaŋnɔ kʋhʋlʋm nɔɔyʋ. Weyi ɛcaɣ-ɩ yɔ, ɛɖɔkɩ tɔʋ nɛ mana pɛcɛlɩ-ɩ wabɩyɛ hulaɣ nɛ ɛɖɛɛ ɛzɩ waɖʋ yɔ se ɛwɛɛ wabʋ yɔɔ.

Wɩlʋʋ 6:2 ပူးပေါင်းရင်းမြစ်များ

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

1 Kɔrɛntɩ 15:25

Mbʋ́ pʋyɔɔ yɔ, pʋwɛɛ se ɛtɔɔ kewiyaɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ kpa e-koyindinaa tɩŋa payɩ nɛ ɛ́ɖʋzɩ-wɛ e-nesi taa yɔ.

Wɩlʋʋ 11:15

Pɩkɛdaa lɛ, Ɛsɔ tiyiyu lʋbɛ ñɩnʋ hʋlɩ ɛgandɩyɛ nɛ puholuuni ɛsɔdaa kpaŋŋ kpaŋŋ se: «Pɛcɛlɩ kedeŋa kewiyaɣ ɖa-Kɩpaɣlʋ nɛ Weyi Ɛlɩzaa Yɔ. Ɛtɔkɩ-kɛ pɩnzɩ ɛgbaŋ ɛgbaŋ!»

Wɩlʋʋ 11:18

Ajɛya taa ñɩma pana kakpawa, lɛɛlɛɛyɔ ña-ñɩna ñakpawa! Pɩtalaa se ŋhʋʋnɩ sɩɖaa: ŋhɛyɩɣ ña-tʋmlaɖaa, ḿbá yɔ: náyaa nɛ ña-ñɩma nɛ mbá pañaŋ-ŋ yɔ, paa paakɛ ajamaa yaa ɖoŋ tɩnaa nɛ piyele ŋkʋ mbá paba wɛɛkɩɣ kedeŋa yɔ.»

Wɩlʋʋ 14:14

Mantasɩ cɔnaʋ lɛ, mana ɛsɔmɩnʋʋ kʋhʋlʋmʋʋ nakʋyʋ. Nɔɔyʋ caɣ kʋ-yɔɔ, ɛpam sika hulaɣ nɛ ɛɖɔkɩ loozo ŋgʋ́ kɩpɩɣ camɩyɛ yɔ e-nesi taa.

Wɩlʋʋ 15:2

Đɔɖɔ lɛ, mana nabʋyʋ, pʋwɛ ɛzɩ teŋgu yɔ, pɩñɩlɩzɩɣ ɛzɩ ñɩnʋʋ yɔ, pisidini miŋ. Mana ɖɔɖɔ mbá pawabɩ kpɩnɛ nɛ ɖɩ-sɩʋ kpelaɣ nɛ ɖɩ-hɩɖɛ ñʋʋ yɔ, pasɩŋ teŋgu ŋ́gʋ́ kʋ-nɔɔ. Pɔɖɔkɩ pe-nesi taa Ɛsɔ cɩmɩŋ.

Wɩlʋʋ 17:14

Pɔkɔŋ yonaʋ Heɣa, ɛlɛ́, kawakɩ-wɛ. Mbʋ́ pʋyɔɔ yɔ, kɛkɛ kɩpaɣlaa taa Kɩpaɣlʋ nɛ awiya taa Wiyaʋ. Mbá Ɛsɔ ya-wɛ nɛ ɛlɩzɩ-wɛ nɛ pɔɖɔŋ ɛ-nʋmɔʋ taa nɛ pa nɛ kɛ pɛwɛɛ yɔ, pawakɩ-wɛ ɖɔɖɔ.»

Wɩlʋʋ 19:14

Sɔɔjanaa sakɩyɛ mbá pɛwɛ ɛsɔdaa yɔ, posu wondu kʋhʋlʋmʋtʋ ndʋ́ tɩwɛ fɛlɛ fɛlɛ nɛ tɩwɛɛ cɩɖɩcɩɖɩ yɔ nɛ pacaɣ kpaŋnaŋ kʋhʋlʋmɩŋ nɛ patɩŋɩɣ-ɩ.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.

Wɩlʋʋ 9:7

Kutoloŋ ŋ́gʋ́, kɩnɩɣzɩnɩ kpaŋnaŋ weyi pɔñɔɔzɩ-ɩ se ɩɖɛɛ you yɔ. Nabʋyʋ kɛwɛ kʋ-ñʋŋ taa ɛzɩ sika hulasi yɔ nɛ kɩ-ɛsɩndaa wɛɛ ɛzɩ ɛyáa yɔ.