Wɩlʋʋ 6:10 - New Testament

¹⁰ Pa-ciyamnaa makaɣ kubusi ɖoŋ se: «Hayɩ Caa cɩɖɩcɩɖɩ tʋ nɛ toovenim tʋ! Đooye ŋcaɣ se ŋkʋyɩ kedeŋa yɔɔ ñɩma mbá pakʋ-ɖʋ yɔ pɔ-yɔɔ nɛ ŋhʋʋnɩ-wɛ nɛ ŋhɔ pa-nɩŋgbaaŋ»

Wɩlʋʋ 6:10 ပူးပေါင်းရင်းမြစ်များ

Luka 2:29

«Kɩpaɣlʋ! Lɛɛlɛɛyɔ ŋlabɩ mbʋ́ ŋɖʋwa se ŋlakɩ yɔ. Pʋ-yɔɔ lɛ, ŋpɩzɩɣ ŋyele nɛ pɩkpaɣ ña-tʋmlaɖʋ ma laŋhɛzɩyɛ taa.

Luka 21:22

Mbʋ́ pʋyɔɔ yɔ, alɩwaatʋ ńdʋ́ʋ́ Ɛsɔ wɩlɩɣ ɛ-pana se ndʋ́ tɩtɩŋa pama ɛ-Tɔm Takayaɣ taa yɔ tɩla.

Room 12:19

Man-taabalaa kʋsɔɔlaa, mɩ-maɣmaɣ ɩtaahɛyɩ ɛyáa mbʋ́ palabɩ-mɩ pɩfɛyɩ ɖeu yɔ. Ɛlɛ́, iyele se Ɛsɔ pana ɛkpanɩnɩ-wɛ. Mbʋ́ pʋyɔɔ yɔ, pama Ɛsɔtɔm Takayaɣ taa se: «Mɛhɛyɩɣnɩ ɛyáa mbʋ́ palabɩ pɩfɛyɩ ɖeu yɔ.» Đa-Kɩpaɣlʋ yɔɔdɩnɩ ḿbʋ́.

Ebree 12:24

Iwobi Yesu nɛ ɛ-calɩm mbʋ́ pɩkpɛdaa nɛ pɩkɩlɩ wazaɣ Aabɛɛlɩ ñɩmbʋ yɔ pɔ-cɔlɔ. Ɛnʋ lɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa.

2 Pɩyɛ 2:1

Ɛzɩma mbʋ́ mbá pɛcɛtaɣ se pɛkɛ mbá posusuu tɔm ndʋ́ tɩlɩnɩ Ɛsɔ cɔlɔ yɔ paasʋ Ɛsɔ ñɩma taa yɔ, ḿbʋ́ ɖɔɖɔ mbá pawɩlɩɣ ɛyáa cɛtɩm tɔm yɔ pɔkɔŋ mɩ-hɛkʋ taa sʋʋ mɛsaɣ tɛɛ. Pɔkɔŋ pawɩlɩ-mɩ tɔm ɛzaɣ́tʋ ndʋ́ tilesiɣ ɛyáa yɔ. Halɩ pɔkɔŋ kizuu ɖa-Wɩlɩyʋ sɔsɔ weyi ɛyabɩ pa-ñʋʋ yɔ. Pʋ-yɔɔ pɩtɩŋɩɣna nɛ asayʋʋ nakʋyʋ tudi-wɛ.

Wɩlʋʋ 11:18

Ajɛya taa ñɩma pana kakpawa, lɛɛlɛɛyɔ ña-ñɩna ñakpawa! Pɩtalaa se ŋhʋʋnɩ sɩɖaa: ŋhɛyɩɣ ña-tʋmlaɖaa, ḿbá yɔ: náyaa nɛ ña-ñɩma nɛ mbá pañaŋ-ŋ yɔ, paa paakɛ ajamaa yaa ɖoŋ tɩnaa nɛ piyele ŋkʋ mbá paba wɛɛkɩɣ kedeŋa yɔ.»

Wɩlʋʋ 18:20

Mbá mɩ ɩwɛ ɛsɔdaa yɔ, mɩ-taa ɛhʋlʋmɩ! Pɔyɔkɩ tɛtʋ ńdʋ́! Mɩ Ɛsɔ ñɩma nɛ Yesu tiyiyaa nɛ náyaa mɩ-taa ɛhʋlʋmɩnɩ tɩ-yɔkʋʋ! Mbʋ́ pʋyɔɔ yɔ, Ɛsɔ hʋnɩ-tʋ tɔm kɩdɛkɛdɩm mbʋ́ tɩlabɩ-mɩ yɔ tɩ-yɔɔ.

Wɩlʋʋ 18:24

Ɖɔɖɔ lɛ, pana tɩ-taa náyaa nɛ Ɛsɔ ñɩma nɛ mbá patɩŋa payɩ pɛcɛbɩ pe-liŋ tɛɛ kedeŋa yɔɔ cɩnɛ yɔ pa-calɩm.»

Wɩlʋʋ 19:2

Mbʋ́ pʋyɔɔ yɔ, ɛhʋʋ tɔm nɛ toovenim, ɛ-tɔm hʋʋ tʋʋzaa. Ɛhʋnɩ abiɖe nɖɩ́ ɖɩpɛdaɣ ɖɩ-tɩ nɛ ɖɩwɛɛkɩ tɛtʋ nɛ ɖi-acɛyɛ lakasɩ yɔ nɛ ɛkpa-ɖɩ kɩmɩyɛ ɛ-tʋmlaɖaa mbá ɖɩkʋwa yɔ pɔ-yɔɔ.»

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.

Wɩlʋʋ 3:7

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Filaadɛlfii Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Ɛsɔ ñɩnʋ nɛ toovenim tʋ nɛ mɔnɖɔkɩ wiyaʋ sɔsɔ Daaviidi nɔnɔɔ ñɩmɩyɛ nɛ yee mantʋlaa, nɔɔyʋ ɛɛpɩzɩɣ ɛɖɩɣ nɛ yee manɖɩɣaa, nɔɔyʋ ɛɛpɩzɩɣ ɛtʋlɩ yɔ, mɔntɔŋna se: